Hoe is dit moontlik dat Jack de Wet weer die beste daarvan afkom met sy ooreenkoms oor die losieshuis se personeel? Tannie Ouvrou en Oom Fred se hewige bekgeveg word onverwags onderbreek, en ʼn bottel gemmerbier word die fokuspunt waarmee goeie nuus gevier word.
Aug 02, 2024•10 min•Season 1Ep. 60
Mauritz stel Nicolien voor aan een van sy nuwe kliënte wat Nicolien laat skater van die lag. Haar gemoedstoestand verander wanneer sy aan Bobbi se nuus dink. Oom Fred probeer om haar te kalmeer met sy ware storie oor die skipbreukelinge van Bloubaai.
Aug 01, 2024•11 min•Season 1Ep. 59
Dylan bring vroegoggend skokkende nuus vir Tannie Ouvrou. Hoekom weier hy dat sy die hulp van die polisie inroep? Tannie Ouvrou maak ʼn emosionele bekentenis teenoor Engela. Dylan se kontrak met die Swede en sy toekomsdrome staan gevaar om tot niet te gaan.
Jul 31, 2024•12 min•Season 1Ep. 58
Dylan is erg op sy senuwees oor ʼn onderhoud met die Sweedse span argeoloë by die toeristekantoor en Engela kry in die proses ʼn onverwagse nuwe posisie. Willie kry ʼn ligte waarskuwing oor goeie bedoelings. Dylan se toekomsplanne lyk skielik rooskleurig.
Jul 30, 2024•10 min•Season 1Ep. 57
Tannie Ouvrou druk Oom Fred in ʼn hoek oor die ontstellende nuus wat sy gekry het oor haar personeel. Hy het immers alles gereël, en nou? Nicolien kry waardevolle raad oor Mauritz en inligting oor sy oorlede pa van Tannie Ouvrou, en Nicoline deel ʼn groot bekommernis met haar.
Jul 29, 2024•9 min•Season 1Ep. 56
Engela kom bedank Willie by sy kantoor vir Aliyah se spesiale tuiskomsgeskenk en gee hom nuus oor Johann, haar nuwe werksvennoot, wat Willie deurmekaarder en verwarder as ooit te vore maak. Mauritz het vir Willie ʼn geskenk in ʼn streepsak wat hom sprakeloos laat.
Jul 26, 2024•9 min•Season 1Ep. 55
Tannie Ouvrou en Dylan deel bangmaakstories en bygelowe met mekaar oor babas en Bobbi se swangerskap. Dylan is diep bekommerd oor Bobbi se optrede in die laaste tyd. Engela maak haar hart oop teenoor Willie. Tannie Ouvrou kry skoknuus oor Jack de Wet se restaurant, Die Seekat.
Jul 25, 2024•11 min•Season 1Ep. 54
Nicolien is nie die enigste een wat op soek is na Willie nie. Sy en hy beplan ʼn groot verrassing vir Aliyah, terwyl Mauritz dringend ʼn reëling met hom moet tref. Nicolien word uit ʼn verknorsing gehelp deur Mauritz. Dylan verklap onwetend ʼn geheim wat skok.
Jul 24, 2024•9 min•Season 1Ep. 53
Oom Fred kan ʼn storie só goed vertel dat die lang pad dorp toe eintlik kort voel, boonop is dit ʼn tragiese, ware storie wat Nicolien se hare laat rys. ʼn Grusame vonds wag later die dag vir haar en Oom Fred op die strand waar Willie sy hande vol het.
Jul 23, 2024•10 min•Season 1Ep. 52
Die Boersportdag kry skielik die wind van voor. Wat is dit met die helikopter wat steeds oor die dorp vlieg? Waarna word daar gesoek en deur wie? Willie hoor van ʼn groot seer in Oom Fred se lewe, en Tannie Ouvrou het raad.
Jul 22, 2024•10 min•Season 1Ep. 51
Engela probeer om vir Nicolien iets belangriks te vertel wat swaar op haar hart druk. Dit is moeiliker as wat sy gedink het. Mauritz en Nicolien begin oefen aan hulle item vir die Boeresportdag, en dit bring hom voor ʼn keuse oor hartsake.
Jul 19, 2024•12 min•Season 1Ep. 50
Tannie Ouvrou en Oom Fred hou nabetragting van die verjaarsdagviering. Tannie Ouvrou gee hom skoknuus wat sy nie langer kan stilhou nie. Wie ry agterop Nicolien se bromponie wat so styf vashou aan Oom Fred? Engela en haar dogtertjie beland in die hospitaal.
Jul 18, 2024•10 min•Season 1Ep. 49
Nicolien verjaar, en dit word omtrent die aand by die losieshuis gevier saam met almal wat persoonlike verrassings bring. Die beste een vir haar is die een van Mauritz af. Boonop het die aand ʼn einde wat haar wildste drome oortref.
Jul 17, 2024•11 min•Season 1Ep. 48
Engela is uit haar vel van blydskap om Willie terug te sien, en sy gee hom ontstellende nuus oor die palings van Palinggat Toeristekantoor. Kaptein Van Niekerk en Willie wil Gladys inspan om te help met inligting oor Dylan se bewegings. Engela en Willie whatsapp mekaar laataand, en daar’s ʼn uitnodiging na ʼn groot viering.
Jul 16, 2024•11 min•Season 1Ep. 47
Willie is terug op Bloubaai en kry die jongste nuus oor alles wat in sy afwesigheid gebeur het. Van die drama by Seeredding tot Dylan se nuut ontdekte talent. Mauritz se logiese verklaring oor die helikopter wat knaend oor Bloubaai vlieg, laat egter nie die ongemaklike gevoel wat Willie hieroor het, weggaan nie.
Jul 15, 2024•9 min•Season 1Ep. 46
Bobbi deel haar diepste geheim met Tannie Ouvrou, en saam besluit hulle op ʼn plan vorentoe. Die situasie neem Tannie Ouvrou terug na ʼn tyd in haar lewe wat sy liewer wil vergeet. Oom Fred neem ʼn besluit oor sy terugkeer na die losieshuis, en dinge voel weer soos van ouds.
Jul 12, 2024•10 min•Season 1Ep. 45
Tannie Ouvrou is geskok toe sy die agterdeur vroegoggend oopmaak en ʼn beseerde Boesman daar sien. Dit word ʼn saak van lewe en dood. Oom Fred kry nuus oor Dylan, en ʼn nuwe soektog na hom begin met ʼn storieboek-einde wat almal laat glimlag.
Jul 11, 2024•10 min•Season 1Ep. 44
Engela deel haar spesiale mosselsopresep met Nicolien, maar voor sy opskep kom die ongemaklike Valentynsroos-geskenk ter sprake. Mauritz het nuus oor hoekom die strand gesluit is. Engela bieg by Mauritz oor iets wat sy voel sy liewer nie moes gedoen het nie.
Jul 10, 2024•10 min•Season 1Ep. 43
Dylan kry ʼn goeie verrassing toe Oom Fred met verfblikke vir die kiosk opdaag, maar dit is ʼn ontnugtering toe oom Fred vir hom die verfkwaste aangee. Daar is ʼn groot aankondiging oor ʼn Boeresportdag. Dylan sien net dollars. Bobbi bly naar en maak ʼn bekentenis.
Jul 09, 2024•10 min•Season 1Ep. 42
Nicolien en Mauritz se duikplanne loop skeef, en dít nadat albei so uitgesien het na die dag. Nicolien soek na redes hiervoor by Engela, maar die gesprek bring net verdere skok en teleurstelling. Die “hoekom”-vraag bly onbeantwoord.
Jul 08, 2024•10 min•Season 1Ep. 41
Boesman kom onverwags alleen by die losieshuis aan en sonder Oom Fred is dit nie ʼn goeie teken nie. Engela en Nicolien ontdek foto’s in ʼn ou plakboek in die losieshuis waaroor Tannie Ouvrou haar skaam. Mauritz verras almal weer eens met sy dapperheid.
Jul 05, 2024•11 min•Season 1Ep. 40
Engela raak opgewonde oor haar nuwe werkplek, maar daar ontstaan gou ʼn krisis, en Mauritz probeer raad gee. Engela is in twee geskeur oor ʼn geheim wat sy met Mauritz deel. Willie kry laataand ʼn WhatsApp van Engela oor nuwe verwikkelinge in Bloubaai.
Jul 04, 2024•10 min•Season 1Ep. 39
Oom Fred vertel Dylan van die planne wat hy en Willie het om die kiosk op te kikker. Dylan het inligting oor die helikopter wat bedags oor Bloubaai vlieg. Bobbi kry weer met die spookkaptein van kamer 9 te doen, en oom Fred dik die storie verder aan met feite en foto’s.
Jul 03, 2024•11 min•Season 1Ep. 38
Mauritz en Nicolien se fietsrit na Dassiepunt eindig met ʼn besering, maar dit bring ook goeie dinge mee. Deel Nicolien Mauritz se passie vir die see en sy stories, of is dit net om nader aan die Strandloper te kom? Bobbi skok Nicolien toe sy die naam van die man verklap wat die Valentynsroos gegee het.
Jul 02, 2024•11 min•Season 1Ep. 37
Oom Fred doen herstelwerk by die losieshuis. Hy en Tannie Ouvrou het baie om uit te pluis oor die personeelskuiwe tussen Die Seekat en die losieshuis – daar moet geen misverstande wees nie, veral nie as Jack betrokke is nie. Bobbi verklap dinge oor Dylan wat oom Fred as “waardevolle inligting” bestempel.
Jul 01, 2024•9 min•Season 1Ep. 36
Oom Fred kom met ʼn werksaanbod na Tannie Ouvrou wat ʼn omwenteling onder die personeel sal meebring. Daar’s ʼn arrestasie wat die dorpenaars verwelkom en ʼn helikopter in die lug wat hulle aan die raai het. Hoekom loop Dylan deesdae mank? En hoe sal hy op oom Fred se nuwe aanbod reageer?
Jun 28, 2024•9 min•Season 1Ep. 35
Nicolien en Engela se vriendskap versterk. Hulle gesels oor ma-wees, en Engela hoor van Nicolien se hartseer verlede. Mauritz laat Nicolien en Engela bont staan by Seeredding … En daar is ʼn nuwe kodetaal tussen hom en Nicolien.
Jun 27, 2024•10 min•Season 1Ep. 34
Oom Fred verras Tannie Ouvrou en Bobbi by die losieshuis. Hy moet vure doodslaan oor die spook van kamer 9 wat Bobbi terroriseer. Daar’s ʼn aankondiging wat almal en veral Tannie Ouvrou tot stilstand ruk. Bobbi kry ʼn werksaanbod van Oom Fred wat eers deur meneer Jack goedgekeur moet word.
Jun 26, 2024•9 min•Season 1Ep. 33
Engela en Nicolien sien hoe Mauritz soos ʼn sirkusarties ʼn heldedaad verrig by die hawe. Mauritz se aansien styg verder by Nicolien toe hy haar bekendstel aan een van die kusbesoekers wat hy teen vakansiegangers moet beskerm. Engela stuur ʼn WhatsApp vir Willie in die hospitaal … dis meer as goeie wense.
Jun 25, 2024•11 min•Season 1Ep. 32
Bobbi is besig om die losieshuis vir die Blombos-span skoon te maak toe sy ʼn ontstellende ervaring in kamer 9, die spookkamer, het. Tannie Ouvrou dink Bobbi se naarheid is as gevolg van die groot skrik. Bobbi doen navraag by Dylan oor die skietery by sy koffieplek, en hy kry ʼn skrobbering oor ʼn ou saak.
Jun 24, 2024•9 min•Season 1Ep. 31
