दिवसातली सगळ्यांत मोठ्या गुंतागुंतीच्या बातमीचे सर्व पैलू अगदी सोप्या भाषेत.
अदानी समूहाविषयी हिंडनबर्ग रिसर्चचा अहवाल प्रसिद्ध झाल्यापासून शॉर्ट सेलिंग, शेल कंपनी, टॅक्स हेवन, एफपीओ असे वेगवेगळे शब्द तुमच्या कानावर पडले असतील. पण हे शॉर्ट सेलिंग काय असतं आणि ते का केलं जातं? अदानी-हिंडनबर्ग प्रकरणाच्या निमित्ताने अशाच वेगवेगळ्या संज्ञांचा अर्थ जाणून घेऊयात. संशोधन – मानसी कपूर निवेदन – जान्हवी मुळे एडिटिंग – अरविंद पारेकर
24 तासांत सलग दोन शक्तीशाली भूकंपांमुळे तुर्की हादरून गेलंय. 5000 पेक्षा जास्त लोकांचा बळी गेला आहे. पण असे शक्तिशाली भूकंप कशामुळे येतात? भारतात त्यापासून किती धोका आहे आणि भूकंप आला, तर काय करायचं, जाणून घेऊयात आजच्या सोपी गोष्टमधून. लेखन, निवेदन - जान्हवी मुळे एडिटिंग - अरविंद पारेकर
कोणत्याही निवडणुकीत उमेदवाराने एबी फॉर्म पळवला, फाडला, चुकीच्या फॉर्ममुळे उमेदवारी रद्द झाली अशा बातम्या अनेकदा ऐकू येतात. पण हा एबी फॉर्म काय असतो आणि तो का महत्त्वाचा आहे? जाणून घेऊयात. लेखन – हर्षल आकुडे निवेदन – जान्हवी मुळे एडिटिंग – अरविंद पारेकर अधिक वाचा - https://www.bbc.com/marathi/india-64528474
येणाऱ्या शैक्षणिक वर्षापासून शाळेत प्रवेश घेण्यासाठी पालक आणि विद्यार्थी दोघांना आधार कार्डची सक्ती आहे. बीडमध्ये एका शिक्षण संस्थेनं बोगस विद्यार्थी दाखवूत लाखो रुपयांचा गैरव्यवहार केला. त्यामुळे असे प्रकार थांबवण्यासाठी सरकार पावलं उचलतंय. प्रत्येक शाळेत 'व्यवस्थापन समिती' असते हीच समिती आता 'प्रवेश देखरेख समिती' म्हणून काम पाहणारे. काय आहेत शाळा प्रवेशासाठीचे नवीन नियम? जाणून घेऊया आजच्या सोपी गोष्टमध्ये. लेखन - दीपाली जगताप निवेदन – विशाखा निकम एडिटिंग – अरविंद पारेकर
अर्थमंत्री निर्मला सीतारामन यांनी 1 फेब्रुवारी रोजी अर्थसंकल्प मांडला. कररचनेत त्यांनी काही मोठे बदल जाहीर केले आहेत. नवी की जुनी - कोणती करप्रणाली तुम्हाला सोयीची ठरेल? तुम्हाला आता नेमका किती कर भरायचा आहे हे कसं मोजाल? दोन्ही करप्रणालींचे तरुणांवर, पेन्शनर वर्गावर वेगवेगळे परिणाम होणार आहेत का? सविस्तर जाणून घ्या सोपी गोष्टच्या या भागातून. लेखन, निवेदन – अमृता दुर्वे एडिटिंग – अरविंद पारेकर
केंद्रीय अर्थमंत्री 2024 सालच्या निवडणुकांआधीचा आपला शेवटचा अर्थसंकल्प सादर करणार आहेत. सध्याच्या ढासळलेल्या आर्थिक स्थितीत सरकार काही लोकप्रिय घोषणा करण्याची शक्यता नाही असं तज्ज्ञांना वाटतं. पण कोव्हिडनंतर आर्थिकदृष्ट्या दुर्बळ गटकांना सरकारची मदत करावी लागणार हेही नक्की आहे. सीतारमण यांच्यासमोर नेमकी काय आव्हानं आहेत आणि यंदाचं बजेट ही तारेवरची कसरत का ठरू शकते, जाणून घेऊयात लेखन – निखिल इनामदार निवेदन – सिद्धनाथ गानू एडिटिंग – अरविंद पारेकर
भारत जोडो यात्रेला राजकारणाशी जोडून पाहिलं जाऊ नये, असं स्वतः राहुल गांधी आणि काँग्रेसने आवर्जून सांगितलं. पण तरीही राहुल गांधींना त्यांच्या राजकीय वाटचालीत या यात्रेचा फायदा होईल असं काहींना वाटतं. पण खरंच भारत जोडो यात्रा राहुल गांधींना विरोधी पक्षाचे नेते म्हणून ओळख मिळवून देईल का? अधिक जाणून घेऊयात आजच्या सोपी गोष्टमधून. लेखन – इकबाल अहमद निवेदन – जान्हवी मुळे एडिटिंग – अरविंद पारेकर
आज भारतातले जवळजवळ 97 टक्के स्मार्टफोन्स हे गुगलच्या अँड्रॉइड ऑपरेटिंग सिस्टिमवर चालतात. त्यामुळे या फोन्समध्ये बाय-डिफॉल्ट गुगलच्याच काही गोष्टी टाकून येतात. त्यामुळेच आता गुगल इंडियाला भारतात तब्बल 13 अब्जांची चपराक बसली आहे. काय आहे हे प्रकरण? यामुळे तुमचे-आमचे अँड्रॉइड फोन्स कसे बदलणार? जाणून घेऊ या आजच्या सोपी गोष्टमध्ये. लेखन-निवेदन – गुलशनकुमार वनकर एडिटिंग – अरविंद पारेकर
जुन्या पेन्शन योजनेविषयी आम्ही नकारात्मक नाही, असं विधान देवेंद्र फडणवीस यांनी औरंगाबादमध्ये शिक्षक मतदारसंघाच्या निवडणुकीच्या प्रचारादरम्यान केलं आणि पेन्शनवरून चर्चेला पुन्हा उधाण आलं. पण जुनी पेन्शन योजना म्हणजे ओल्ड पेन्शन स्कीम किंवा ओपीएस म्हणजे काय आहे? ती पुन्हा लागू करावी अशी मागणी का होते आहे आणि या योजनेला विरोध का होतो आहे? जाणून घ्या. लेखन – जान्हवी मुळे निवेदन – गुलशनकुमार वनकर एडिटिंग – अरविंद पारेकर
6 जानेवारीला भारताच्या प्रजासत्ताक दिनी देशाची राजधानी नवी दिल्लीत होणारं संचलन तुम्ही प्रत्यक्ष किंवा टीव्हीवर नक्कीच पाहिलं असेल. शाळेत असताना आपापल्या गावात, शहरात होणाऱ्या संचलनातही तुम्ही सहभागी झाले असाल. दर वर्षी हा सोहळा रंगतो. पण अजूनही प्रजासत्ताक दिनाबाबत आणि त्या संदर्भातील इतर अनेक गोष्टींची माहिती अनेकांना नसते. तर अशा काही प्रश्नांची उत्तरं आपण जाणून घेणार आहोत आजच्या सोपी गोष्टमधून निवेदन – जान्हवी मुळे एडिटिंग – अरविंद पारेकर
ग्रीन कॉमेट नावानं ओळखला जाणारा धूमकेतू जगभरात सध्या चर्चेचा विषय बनला आहे. कारण तब्बल 50 हजार वर्षांनी तो पृथ्वीच्या जवळ आला आहे. म्हणजे याआधी हा धूमकेतू आला होता, तेव्हा इथे पृथ्वीवर निअँडरथल्स या आदिमानवाचा वावर होता आणि या धूमकेतूची एक फेरी पूर्ण होईपर्यंत आधुनिक मानवाची अख्खी प्रजाती विकसित झाली. हा धूमकेतू कसा, कुठे, कधी पाहता येईल आणि धूमकेतूंचा अभ्यास महत्त्वाचा का असतो? जाणून घेऊयात. निवेदन – जान्हवी मुळे एडिटिंग – अरविंद पारेकर
क्रीडा क्षेत्रात महिला खेळाडूंचा लैंगिक छळ होत असतो अशा चर्चा नेहमीच कानावर येत येतात. पण याबद्दल भारतीय कायद्यात नेमक्या काय तरतुदी आहेत? जाणून घेऊया आजच्या सोपीगोष्टमध्ये.
आता सरकार एक असा नियम आणू पाहतंय, ज्यामुळे एखादी गोष्ट, बातमी किंवा सोशल मीडिया पोस्ट खरी आहे की खोटी हे ठरवण्याचे अधिकार सरकारलाच असतील. माहिती तंत्रज्ञान कायदा, 2021च्या नियमांमध्ये प्रस्तावित दुरुस्तीच्या दस्तावेजात म्हणण्यात आलंय की कुठल्याही सोशल मीडियावर आणि ऑनलाईन पोर्टर्ल्सवर अशा मजकुराला स्थान देण्यात येऊ नये, ज्या मजकुरास माहिती आणि प्रसारण मंत्रालयाच्या Press Information Bureauच्या फॅक्ट चेक युनिटने फेक किंवा खोटं म्हटलेलं आहे. यामुळे माध्यम स्वातंत्र्यावरच गदा येईल, अशी भीती का व्यक्...
दिवसातली सगळ्यांत मोठ्या गुंतागुंतीच्या बातमीचे सर्व पैलू अगदी सोप्या भाषेत.
महाराष्ट्राचे मुख्यमंत्री एकनाथ शिंदे जागतिक आर्थिक परिषद म्हणजे वर्ल्ड इकॉनॉमिक फोरममध्ये सहभागी होण्यासाठी स्वित्झर्लंडच्या दावोस इथे गेले आहेत. फक्त शिंदेच नाही तर उत्तर प्रदेशचे मुख्यमंत्री योगी आदित्यनाथ आणि कर्नाटकचे मुख्यमंत्री बीएस बोम्माई यांच्यासह देशातले मोठे उद्योगपतीही या परिषदेला जाणार आहेत. पण दावोसमध्ये जाऊन हे लोक नेमकं काय करतात? ही परिषद काय आहे? त्यातून कुणाचा फायदा होतो आणि त्यावर टीका का होते आहे? निवेदन – जान्हवी मुळे एडिटिंग – अरविंद पारेकर...
उद्धव ठाकरे यांची शिवसेनेचे पक्षप्रमुख म्हणून मुदत येत्या 23 जानेवारीला संपत आहे. यासाठी पक्षांतर्गत प्रक्रिया पार पाडण्यासाठी परवानगी द्यावी अशी विनंती ठाकरे गटाने केंद्रीय निवडणूक आयोगाकडे केली आहे. 10 जानेवारीला पार पडलेल्या सुनावणीमध्ये ठाकरे गटाने लाखो कागदपत्रं पुरावे म्हणून सादर केली आहेत. तर शिंदे गटाचे वकील महेश जेठमलानी यांनी शिवसेनेच्या घटनेत बेकायदेशीर बदल करण्यात आल्याचा दावा केला आहे. बाळासाहेब ठाकरे यांच्या निधनानंतर शिवसेना पक्षप्रमुख हे पद घटनाबाह्य पद्धतीने तयार केलं असा शिंदे ...
पृथ्वीभोवतीचं ओझोनचं आवरण वाचवण्याच्या माणसाच्या प्रयत्नांना अपेक्षेप्रमाणेच यश आलं आहे.पुढच्या काही दशकांतच या आवरणाला पडलेलं भगदाड भरून निघेल असं संयुक्त राष्ट्रांनी एका ताज्या अहवालातून जाहीर केलं आहे. निवेदन – जान्हवी मुळे एडिटिंग – अरविंद पारेकर
सरकार परदेशी विद्यापीठांना भारतात त्यांची केंद्रं उघडण्यासाठी आमंत्रण देण्याच्या विचारात आहे. युनिव्हर्सिटी ग्रँट कमिशन अर्थात यूजीसी म्हणजे विद्यापीठ अनुदान आयोगानं त्यासाठी मार्गदर्शक तत्त्वांचा मसुदा 5 जानेवारीला जाहीर केला.पण यामुळे खरंच विद्यार्थ्यांचा फायदा होईल का? निवेदन – जान्हवी मुळे एडिटिंग – अरविंद पारेकर
8 जानेवालीला ब्राझीलच्या राजधानीत संसद, सुप्रीम कोर्ट आणि राष्ट्रपती भवनावर माजी राष्ट्राध्यक्ष जेअर बोल्सोनारो यांचे हजारो समर्थक चालून गेले. काहींनी संसदेत तोडफोड केली तर काहींनी अध्यक्षांच्या खुर्चीवर चढून नव्या राष्ट्राध्यक्षांचा विरोध केला. ब्राझीलमध्ये हे सगळं का घडतंय? या वादाचं मूळ कुठेय? जाणून घेऊया आजच्या सोपी गोष्ट मधून. निवेदन - विशाखा निकम एडिटिंग - अरविंद पारेकर
मोदी सरकारने ग्रीन हायड्रोजन मिशनची घोषणा केलीय. त्यासाठी 19,744 कोटी रुपयांची तरतूदही केली आहे. पण काय आहे हे मिशन? हायड्रोजनपासून ऊर्जा मिळवणं शक्य आहे का? आणि जर हो, तर आपण आजवर या तंत्रज्ञानाचा वापर का नाही केलाय? जाणून घेऊ या आजच्या सोपी गोष्ट मध्ये. लेखन, निवेदन - गुलशनकुमार वनकर एडिटिंग - अरविंद पारेकर
रस्ते वाहतूक मंत्रालयाच्या अहवालानुसार, भारतात 2021 मध्ये तब्बल 4 लाख 12 हजार 432 रस्ते अपघात झाले. यात 1 लाख 53 हजार 972 जणांचा मृत्यू झाला तर 3 लाख 84 हजार 448 जण जखमी झाले. 18 ते 45 वयोगटातील लोक रस्ते अपघातात सर्वाधिक मृत्यू किंवा जखमी होतात. सर्वाधिक रस्ते अपघात तामिळनाडूमध्ये झाल्याची नोंद आहे, त्या मागोमाग उत्तर प्रदेश, कर्नाटक, मध्यप्रदेश आणि सातव्या क्रमांकावर महाराष्ट्र आहे. संशोधन – दीपाली जगताप आणि रोहन नामजोशी निवेदन - दीपाली जगताप एडिटिंग- अरविंद पारेकर
अमेरिकेत पारंपरिक अंत्यविधीला पर्याय म्हणून ह्युमन कंपोस्टिंग ही पद्धत नावारुपाला येत आहे. 2019 मध्ये पहिल्यांदा वॉशिंग्टन राज्याने यासाठी मान्यता दिली होती. आतापर्यंत अमेरिकेच्या सहा राज्यांनी ह्युमन कंपोस्टिंगसाठी परवानगी दिली आहे. यामुळे मृत्यूनंतर एखाद्या व्यक्तीला आपल्या शवाचं रुपांतर मातीमध्ये किंवा खतामध्ये करण्याचा निर्णय घेता येऊ शकतो. ‘ह्युमन कंपोस्टिंग’मध्ये नैसर्गिक आणि सुरक्षित प्रक्रिया वापरून मृतदेहाचं रुपांतर मातीमध्ये करता येऊ शकतं असा दावा आहे. या प्रक्रियेला नॅचरल ऑरगॅनिक रिडक...
महाराष्ट्र, दिल्ली, कर्नाटक आणि झारखंडसह देशभरात सध्या जैन धर्मीयांचं आंदोलन सुरू आहे. नुकतंच कोल्हापूर आणि मुंबईतही आंदोलन करण्यात आलं. जैन धर्मीयांसाठी पवित्र स्थळ असलेल्या झारखंडमधील ‘श्री सम्मेद शिखर’ धर्मस्थळाला पर्यटनस्थळ करण्याच्या प्रस्तावाला जैन समुदायाचा विरोध आहे. झारखंड राज्यात गिरीडीह जिल्ह्यात पारसनाथ पर्वतावर जैन धर्मीयांचं पवित्र स्थळ आहे. जैन धर्मातील 24 पैकी 20 तीर्थंकरांचं याच ठिकाणी निर्वाण झालं तं अशी धारणा आहे. जैन धर्मातील दिगंबर आणि श्वेतांबर अशा दोन्ही पंथांची या धर्मस्थ...
2023 या वर्षात जगातल्या एक तृतियांश देशांमध्ये Recession म्हणजे आर्थिक मंदी येईल, असा इशारा आंतरराष्ट्रीय नाणेनिधी अर्थात आयएमएफनं दिला आहे. यामागची कारणं काय आहेत आणि महत्त्वाचं म्हणजे त्याचा भारतावर काय परिणाम होईल? भारतातही नजीकच्या काळात आर्थिक मंदी येईल का, जाणून घेऊयात. संशोधन – अर्चना शुक्ला, निवेदन – जान्हवी मुळे एडिटिंग – अरविंद पारेकर
अखेर कोरोनावरची नाकावाटे दिली जाणारी लस अर्थात nasal vaccine आली आहे. भारत बायोटेक म्हणजेतीच कंपनी जी कोव्हॅक्सिन लस देत होती, त्याच कंपनीने ही लस भारतात आता आणली आहे. पण ही लस नेमकी काय आहे? ती कुठे? कशी आणि कितीला मिळेल? पाहू या आजच्या सोपी गोष्ट मध्ये. लेखन, निवेदन – गुलशनकुमार वनकर एडिटिंग – अरविंद पारेकर
विवारी (25 डिसेंबर 2022) नेपाळच्या राजधानीत अगदी नाट्यमय घडामोडी घडल्या आणि पुष्प कमल दाहाल उर्फ प्रचंड यांनी तिसऱ्यांदा एकदा पंतप्रधान म्हणून शपथ घेतली. प्रचंड हे नेपाळमधल्या माओवादी कम्युनिस्ट पक्षाचे नेते आहेत आणि त्यांची चीनसोबतची जवळीक चर्चेत असते. ते पंतप्रधान झाल्याचा भारत-नेपाळ संबंधांवर आणि चीनसोबतच्या समीकरणांवर काय परिणाम होऊ शकतो? हे जाणून घेऊयात. लेखन, निवेदन – जान्हवी मुळे एडिटिंग – अरविंद पारेकर
चीनमध्ये कोव्हिडचे रुग्ण वाढत आहेत, तशी भारतातही भारतातही भीती वाढली आहे. पण यावेळी आपण कोव्हिडची किती भीती बाळगली पाहिजे? लस, मास्क, गोळ्या, ऑक्सिजन, प्रवास.... याबद्दल तुमच्या मनातल्या प्रश्नांची उत्तरं बीबीसीने तज्ज्ञ डॉक्टरांकडून जाणून घेतली. संशोधन – टीम बीबीसी निवेदन – जान्हवी मुळे एडिटिंग – अरविंद पारेकर
महाराष्ट्र आणि कर्नाटकमधला सीमावाद महाराष्ट्राच्या विधानसभेत गाजतो आहे. त्यावर तोडगा निघेपर्यंत एक पर्याय म्हणून बेळगावला केंद्रशासित प्रदेश करा, असं उद्धव ठाकरे यांनी सुचवलं. पण खरंच बेळगाव केंद्रशासित करता येईल का? एखादा नवा केंद्रशासित प्रदेश तयार करण्याविषयी कायदा काय सांगतो? लेखन, निवेदन – जान्हवी मुळे एडिटिंग – अरविंद पारेकर
आयसीआयसीआय बँकेच्या माजी व्यवस्थापकीय संचालक आणि मुख्य कार्यकारी अधिकारी चंदा कोचर आणि त्यांचे पती दीपक कोचर यांना सीबीआयनं शुक्रवारी (23 डिसेंबर 2022) अटक केली. तर व्हिडिओकॉन समूहाचे प्रमुख वेणुगोपाल धूत यांनाही अटक करण्यात आली आहे. व्हिडीओकॉन समूहाला 3250 करोड रुपये कर्ज देताना अनियमितता राखल्याचा आरोप चंदा कोचर यांच्यावर आहे. संशोधन – टीम बीबीसी निवेदन – जान्हवी मुळे एडिटिंग – अरविंद पारेकर
कोरोनाचे रुग्ण चीन, दक्षिण कोरिया आणि अमेरिकेत वाढल्यानंतर भारतातही एका नवीन व्हेरिअंटचे काही रुग्ण आढळले आहेत. त्यामुळे सरकारने खबरदारीची पावलं टाकायला सुरुवात केलीय, प्रशासन सतर्क झालंय आणि पुन्हा मास्कची सक्ती होणार की काय, म्हणून तुमचीआमची काळजी वाढलीय. पण अशात एक गोष्ट सगळेच विचारतायत, की मी काही महिन्यांपूर्वी ती कोव्हिडची लस घेतली होती, आणि तो बूस्टर डोसही घेतला होता. त्याचं काय? या नवीन कोरोना व्हेरिअंटपासून मी सध्या किती सुरक्षित आहे? याच प्रश्नाचं उत्तर मिळवू या आजच्या सोपी गोष्ट मध्ये...
