Hetjurnar okkar syngja sig inn í sumarfrí með söngvum sínum um ímyndaða vini, Harvey horrormyndir og frægðarbond, ásamt því að koma að töff skóm og muninum á guði og mættinum og stóra planinu. Hefnendurnir eru í boði Nexus
Ævar hinn sanngjarni og Hulli hinn súri fara aftur í bíó og taka upp gersamlega skammarlaust og drulluspillt spjall um sprengjurnar sem skullu á strendur skynfæra þeirra síðustu vikurnar. Nánar tiltekið Avengers: Infinty War, Deadpool 2 og Solo: A Star Wars Story. ARÚÚÚGAH SPOLER ALERT.Hefnendurnir eru í boði nexus. Nexus: Það er aðeins einn guð.
Hulli og Ævar nú hittast á ný. Komnir loks saman eftir smáræðis frí. Þeir ræða um hitt og ræða um þetta, Rambó hinn fimmta og Billa og Tedda. og auðvitað eitthvað sem rímar við ný.
Í óvenju stuttum en að venju skemmtilegum þætti fara Hulkleikur og Ævorman í bíó með Thandrosi og Nebóla, reyna að muna hver þessi Drakúla er aftur, spyrja reykjandi nörda útí tvívídd, og meta meðlimi Star Wars heimsins út frá hæð og meðlimi marvelheimsins út frá kynþokka.
Gest ber að garði í Hefnendaturninum þar sem Svenni í Nexus kemur til að kynna hvað er á döfinni á næstunni í musterinu. Að auki er komið inná lagaflækjur óða Max, kynlífskölti vinkonu ofurmennisins, illan dauða öskukallsins og komandi ráðstefnu njarðahjarðarinnar, Midgard!
Hetjurnar okkar knáu sameinast á ný í Hefnendaturninum til að tjá sig um ofsótta elligoðið, Norbitinn Panamaprins, Billy eitthvað og ógildingu górilluapametsins hans og sprengjuhótun steikarinnar. Og svo er fáninn dreginn í hálfa stöng fyrir tvo nýfallna meistara
Ævorman í borg óttans og Hulkleikur í friðardalnum ræða símleiðis um bit krútthnífsins, rödd leðurblökunnar, harmleik svarthöfða, táningsár úlfsins og spielbergmyndina sem spielberg spielbergaði í feitt spielberg. Hefnendurnir eru í boði nexus. Nexus: Það er aðeins einn guð.
Í Hefnendaturninum hittast hetjurnar Hulkleikur og Ævorman til kjafta í kaffipásu um heima og geima. Þar á meðal frændalistasamfélagið, fjórgó, kryddlegnar ofurhetjur, húlígana og dómsdoktora, áður en allt endar svo á suðupunkti í sundrandi söngleikjaspjalli.
Hetjurnar okkar taka fyrir Ríkharðlífi Harmon, endalok Ævintýratímans, endurgerðan brjálaðan búálf og útvíkkaða Draumaheima ásamt umræðum um viljandi og óviljandi dónaskap og meistarmánaðagláprestarnar hans Hulkleiks
Ævorman og Hulkleikur ræða um risa í heimildamyndum og tölvuleikjum, þrumuguði í froska- og kvenlíki og eftirsjárverða andargogga í Marvel og Star Wars. Hey bara enn einn drulluslaki dagurinn í Hefnendaturninum. Hefnendurnir eru í boði Nexus. Nexus: Resistance is futile.
Ævar og Hulli ræða námsferil Eriks Killmongers, tímaferðalög Kobba Kviðristu, Besta hlutverk Rockwells, gleymda minningu West og ástarljóð Del Toros.
Hulli snýr aftur frá Berlín og hann og Ævar ræða um úrslit Eddunnar, allt þetta dót sem er búið að vera að gerast síðan þeir hittust síðast, leiðrétta sjálfa sig og hlusta síðan á þakkarræðuna sem heyrðist ekki. Svo halda þeir í myrkviði Pardusdýrsins.
Hetjurnar okkar hittast á ný eftir langa fjarveru frá hvorum öðrum, fallast í faðma og ræða um víðfeðmt umfjöllunarefni eins og koddalausar flugfarir, meint fánýti fagverðlauna, illa hirta þúsaldarfálka, brynjuklædda brjóstvöðva og auðvitað Lobay.
Ævar er með Stokkhólmsheilkenni þannig að Hulli fær Lóu Hjálmtýs aftur sem gestaHefnenda og þau ræða dvergvaxna Íslandsvini sem borða fólk, nineties leikkonur sem trufla tímalínur og uppstökka unglinga sem engjast í undirmeðvitundum uppkominna einstaklinga.
Ævar er í Svíþjóð að representa land og þjóð þannig að Hulli ræður Lóu sem gestaHefnenda og þau ræða Bobcat Goldthwait, fjarlæga brauðristarfeður og bróður Búffans í Stand By Me.
Hlunkurinn og Járnmennið halda upp á óvæntan hundraðastaogfimmtugasta þátt sinn með ofhlæði af athyglisbresti, málvillum og óákveðni. Sandrés Önd kíkir í heimsókn og þau ræða allt á milli Abbey og Abba.
Ævorman og Hulkleikur vígja nýja aðstöðu í Hefnendaturninum með tuði um finnskar/írskar/íslenskar kveðjur, áfengiverslanir og barnaheimili í Enterprise, Berry-kisuna vs Leto-jókerinn og að lokum telja þeir upp besta sjónvarp 2017 Hefnendurnir eru í boði nexus. Nexus: Resistance is futile.
Ævar og Hulli tala um springfieldskan húðlit, upphafsstef stjörnuferða, dyramottu tímalávarða, kapteinasokka og telja svo upp uppáhalds kvikmyndir sínar 2017.
Hefnendur eru á fullu við að borða alltof mikið af reyktu svínakjöti, opna gjafir og drekka jólaöl til að taka upp venjulegan þátt. Þess vegna ætla þeir að birta í staðinn áður óútgefna upptöku frá því í fyrra. The Star Wars Holiday Special er líklega ein versta mynd allra tíma. Mögulega sú versta. Hún er allavega langversta Star Warsið. Þess vegna ákváðu Hefnendur að horfa á lengstu þekktu útgáfu af myndinni og tala yfir hana. Gera svona Commentary. Með Lóu Hlín (Lóbó) Hjálmtýsdóttur.
Hefnendárinu lýkur senn og því er viðeigandi að hetjurnar okkar líti um öxl á allt það stærsta sem hefur gengið á, í einum feitum áramótaannál! Þar verður imprað á öllu frá tortímingu og trekki, krípum og myrkraheimum og hæfilegum skammti af undrakonum og gömlum körlum að lesa vitlaus umslög. Að auki fer fram ítarleg umfjöllun um nýjasta kafla stjörnustríðsbálksins og örlög hinsta væringjans. Always.
Hulli og Ævar tala um afar spennandi hluti eins og afar mikla ást Hulla á Ævari, afar spennandi prump, það sem Grant Morrison þykir afar gaman að horfa á, afar slæma skinkusamloku, afar óhugnanlega sólmyrkva og afar góðhjartaðar alvöru ofurhetjur.
Hetjurnar okkar koma seint til leiks þessa vikuna en bjóða upp á tregafulla umræðu um endalok hins myrka alheims, reffilegan refsanda, stjörnustæla Tarantino og líka hvort það sé í lagi að vera leiðinlegur ef maður er að gera list.
Ævar og Hulli ræða samskiptaleiðir íslenskra dægurgoða, poppkúltúrreferensa framtíðarinnar, muninn á stroke og pool, misskilda mömmufordóma, dónakalla og ljóta brandara.
Hetjurnar okkar prúðu henda í umræðuveislu um tilvistarkreppu tölvutengja, tilvistarkreppu Hringadróttinssögu, tilvistarkreppu Batmans, tilvistarkreppu treilara og tísera, tilvistarkreppu vídeóleigunnar og tilvistarkreppu flokkanna á kvikmyndum og sjónvarpi. Sartre hvað? *Klíng*
Í nýjasta þætti Hefnenda ræða Hulkleikur og Ævorman um mögulegan stjörnuþríleik, dévítans Disneyvæðinguna, óskalistann sinn í myndasögusjónvarpi og ofurkonu að sparka í karlpung. Síðan þarf að ræða aðeins alvarlegri mál á alvarlegri nótum í nýja dagskrárliðnum Æi fokk, seriously? Þú líka?! Afhverju? Dísis fokking kræst hvað er að?!
Ævarúlfurinn og Hullvítið setjast á TwinPeaks-esque sviðið í hryllingsholunni Húrra og hljóðrita Live bloodcast fyrir framan áhorfendur sem eru fleiri en puttahnífar Freddys en færri en endurkomur Jasons. Þeir ræða byssuleysi grímuklæddra morðingja, sjálfstæð vélmenni og réttdræpar nasistazombíur. Ævar reynir að tala um örlög Corey Feldman en Hulla finnst það of hryllilegt fyrir þetta hryllings-special Hefnenda!
Ævar mætir eldsnemma í Hullbunkerinn og þeir ræða lélegustu endurgerð ársins, sumé kosningarnar og stórasta land í heimi, sumsé Asgard (Ekki Ásgarð því það er munur á Asgard og Ásgarði). Svo reyna þeir að fatta hvort 2049 sé klámvætt eða feminískt ár og svo koma auglýsingar. Og hvílíkar auglýsingar! Og meira. Ágætur þáttur sko.
Hulli er með of bilaðan heila til að podcasta en Ævar kveikir samt á upptökutækinu og þeir tala um bókasafnsbiturð skrípasöguskálds, skyggn augu með heyrn, rasisma og hvernig kvikasilfur getur bjargað heiminum.
Hulli litli og Ævar mikli tjatta um snapp, geymslupláss í geimnum, óstartreklegt startrek og skáldað byssuofbeldi í byssuofbeldisveruleika.
Hulkleikur er með flensu og Ævorman kemur í heimsókn til að hressa hann við með rabbi um tilgangsleysi slagorðagríns, öfugþýðingar og andstöðurangstæðu, en líka aðeins um alla þessa káfandi kúkalabba í Hollívúdd.
