محبت مستقل غم ہے

‏سَاغر صدّیقی ‏ﻣﺤﺒﺖ ﻣﺴﺘﻘﻞ ﻏﻢ ﮨﮯ ﻣﺤﺒﺖ ﻏﻢ ﮐﺎ ﮔﮩﻮﺍﺭﮦ ‏جو آنسو رنگ لے آےٓ وہی دامن کا شہ پارہ ‏جسے اَرماں کا خُوں دے کر بنام آرزو سینچا ! ‏خدا جانے کہاں ہے وہ جہان زندگی آرا ‏مِرا ذوقِ خریداری ہے اِک جنسِ گراں مایہ ‏کبھی پھُولوں کے شیدائی کبھی کانٹوں کا بنجارہ ‏جہاں منصب عطا ہوتے ہیں بے فکر و فراست بھی ‏وہاں ہر جُستجو جُھوٹی ' وہاں ہر عَزم ناکارہ ‏بَسا اوقات چُھو لیتی ہَے دامن کبریائی کا ‏تمہاری جنبشِ اَبرو ' مِری تخلیقِ آوارہ ‏نہ جانے محتسب کیوں میکدے کا نام دیتے ہیں ‏جہاں کچھ آدمی کرتے ہیں اپنے دَرد کا چارہ ‏تِرے گیسو خیالوں کی گرفتِ ناز سے گزرے ‏کہ جیسے ایک جوگی بَن میں لہراتا ہے دو تارہ ‏پلٹ آےٓ ہیں شاید انقلابِ دید کے لمحے ‏نظر کی وُسعتوں میں ڈوبتا جاتا ہے نظّارہ ‏فقط اِک ہاتھ میں ٹوٹا ہوا ساغؔر اُٹھانے سے ‏لَرز اٹھا ہے اے یزداں تِری عظمت کا مینارہ