ដំណើរទស្សនកិច្ច​ទិសឦសានដោយឥតគិតថ្លៃ ចាប់​ផ្តើម​ថ្ងៃទី​៧កញ្ញា

ដំណើរទស្សនកិច្ចទិសឦសាន ដោយឥតគិតថ្លៃ ដែលរៀបចំដោយរាជរដ្ឋាភិបាលកម្ពុជា នឹងចាប់ផ្តើមនៅថ្ងៃសៅរ៍ ថ្ងៃទី៧ ខែកញ្ញា ចុងសប្តាហ៍។ កម្មវិធីទៅលេងខេត្តភាគឦសានជាប់ព្រំដែនវៀតណាម និងឡាវ ក្នុងកិច្ចសហប្រតិបត្តិការអភិវឌ្ឍន៍តំបន់ត្រីកោណ CLV នេះ ដើម្បីផ្តល់ឱកាសដល់ប្រជាពលរដ្ឋខ្មែរ បានទៅឃើញដោយផ្ទាល់នូវការអភិវឌ្ឍជាក់ស្តែង នៅតាមតំបន់ព្រំដែន ការកសាងហេដ្ឋរចនាសម្ព័ន្ធផ្លូវក្រវាត់ព្រំដែន និងការអភិវឌ្ឍជារួមរបស់ប្រជាពលរដ្ឋ ក្នុងភូមិភាគឦសាន។