RTL - Commentaire - podcast cover

RTL - Commentaire

RTL Radio Lëtzebuerg•www.rtl.lu
News
De kritesche Bléck op d'Aktualitéit vun der RTL Redaktioun
Last refreshed: ⓘ
Follow this podcast in the Metacast mobile app to refresh it and see new episodes.
Follow on
Apple Podcasts
Spotify
RSS
YouTube
Overcast
Pocket Casts
Episodes.fm
Download Metacast podcast app
Podcasts are better in Metacast mobile app
Don't just listen to podcasts. Learn from them with transcripts, summaries, and chapters for every episode. Skim, search, and bookmark insights. Learn more

Episodes

RTL: Ass Zuch fueren net flott..., 03/07/2025

D'Summervakanz steet virun der Dier, dat heescht net just Vakanz fir d’Schoulen, mee och grouss Chantieren op wichtegen Transport-Achsen. Tëscht dem 11. Juli an dem 15. September fueren zum Beispill keng Zich tëscht Beetebuerg an der Stad wéinst Aarbecht um Netz. Et sinn Aarbechten, déi batter néideg sinn, fënnt den Tim Morizet a sengem Commentaire... well Zuch fueren déi lescht Méint war keen einfach Exercice.

Jul 03, 2025•2 min

Marlène Clement: Cavalier seul funktionéiert net, 01/07/2025

De Message vun der Strooss e Samschdeg war däitlech. De Premier Luc Frieden reagéiert séier a mécht de Gewerkschaften d'Dier op fir Verhandlungen. E Feeler gëtt hien awer net zou a verpasst et virun allem, seng Manéier ze regéieren an ze kommunizéieren a Fro ze stellen, bedauert d’Marlène Clement an sengem Commentaire.

Jul 01, 2025•3 min

Pierre Jans: Opgepasst: Schläimspuer!, 26/06/2025

D‘NATO follegt dem US-President Trump. D‘Memberstaaten hunn um Sommet zu Den Haag formell festgehalen, dass fënnef Prozent vun hirer Wirtschaftsleeschtung a Verdeedegung a Sécherheet investéiert ginn.

Jun 26, 2025•3 min

Roy Grotz: Mam Luc am Bësch, 26/06/2025

Déi eng zitt et e Samschdeg op d'hëtzeg Stroossen, déi aner kommen net séier genuch an de kille Bësch. Iwwerdeem d'Gewerkschaften all eenzele Member op hir Maniff e Samschdeg ruffen, invitéiert d'Patronat fir de Weekend Doheem oder soss enzwousch ze genéissen - d'Haaptsaach, net op der Strooss. De Roy Grotz iwwert eng toxesch Situatioun, an där lo e radikaalt Ëmdenke gefrot ass.

Jun 26, 2025•3 min

Pierre Jans: Nous Monarchie. Nach., 24/06/2025

Nationalfeierdag läit hannert eis. An de Grand-Duc Henri ass zanter 25 Joer um Troun. An nach ëmmer stinn d‘Lëtzebuerger eigentlech hannert der groussherzoglecher Famill. Ganzer 69 Prozent vun de Befrote soten am neiste Politmonitor, dass d‘parlamentaresch Monarchie déi beschte Staatsform fir Lëtzebuerg wär. Iwwer d‘Hallschent fënnt awer och, dass mol eng Kéier an engem Referendum iwwer d‘Monarchie ofgestëmmt kéint ginn. Dem Pierre Jans no kann dat just eppes heeschen.

Jun 24, 2025•3 min

Michèle Sinner: Pedokrimineller fänkt d’Police net op Patrullen an der Groussgaass, 12/06/2025

Eng rezent Affär vu Pedokriminialitéit huet fir vill Opreegung gesuergt. Afferschutzorganisatioune sinn entsat iwwer Delaien an Decisioune vum Scas, dem Service central d'assistance sociale. Ma warscheinlech ass de Probleem kee schlechte Wëlle fir d'Täter ze pëtzen an Affer ze schützen. Mee éischter eng Verkettung vun onglécklechen Ëmstänn an d'Penurie u spezialiséiertem Personal op méi ewéi enger Plaz, mengt d'Michèle Sinner a sengem Commentaire.

Jun 12, 2025

Claude Zeimetz: Lëtzebuerger "Zeitenwende", 10/06/2025

D’NATO-Verdeedegungsministeren hu sech d’lescht Woch op dee gréissten Oprëschtungsplang zanter dem Kale Krich gëeenegt. Mat 5% vum PIB, déi jidderee fir d’Sécherheet soll ausginn. Wéi séier, doriwwer gëtt nach bis de Sommet an dräi Woche verhandelt. Mä et ass absolut kloer. All d’NATO-Länner, also och Lëtzebuerg, wäerten an Zukunft Rekordzomme fir d’Arméi mussen ausginn. E Commentaire vum Claude Zeimetz.

Jun 10, 2025•3 min

Carine Lemmer: E verurteelte Gewalttäter soll keen Idol sinn, 05/06/2025

E Freideg spillt d'Lëtzebuerger Futtballnationalekipp e Frëndschaftslännermatch géint Slowenien. Mat derbäi ass de Gerson Rodrigues, de Rekordbuteur vun der Nationalekipp, deen an zweeter Instanz wéinst Gewalt a Kierperverletzung an 3 Fäll zu 18 Méint Prisong – mat Sursis – verurteelt gouf.

Jun 05, 2025•4 min

Marc Hoscheid: Wéi seet een eigentlech "Selbstgol" op Russesch, Här Kartheiser?, 03/06/2025

Ufank vun der leschter Woch war de Lëtzebuerger EU-Deputéierte Fernand Kartheiser fir e puer Deeg op politescher Visitt zu Moskau. Den ADR-Politiker hat eng Invitatioun vum russesche Parlament ugeholl a sech nieft Deputéierten och mat engem vun de Vize-Ausseministere getraff. D'Opmierksamkeet war him domadder gewëss, awer och d'Kritik. Déi koum net just vum politesche Géigner, mee och aus den eegene Reien. D'EKR-Fraktioun, an där hien am EU-Parlament Member ass, wëllt hien ausschléissen. E Mëttw...

Jun 03, 2025

Annick Goerens: Interview mat Pedo-Kriminellem: Dat ass kee Journalismus, mee Voyeurismus, 23/05/2025

Et ass du Jamais-vu, wat d’Lëtzebuerger Wort an de leschten zwee Deeg publizéiert huet. Rieds ass vun engem nach lafende Geriichtsprozess, wou ee Mann wéinst Pedo-Kriminalitéit ugeklot ass, deen an der Theaterwelt an am ëffentleche Liewen hei zu Lëtzebuerg keen Onbekannten ass. De Mann huet en plus seng eegen Duechter mëssbraucht a kritt elo am Wort e ganzen Artikel, wou hie sech als Affer duerstellen däerf. Een absolutten No-Go fënnt d'Annick Goerens am Tëscheruff.

May 23, 2025•3 min

Dany Rasqué: Schaffen, fir ze liewen, ass Out!, 22/05/2025

Am Walkampf war d’Thema Pensioune quasi inexistent. 18 Méint, nodeems den neie Luc sech op de Stull vum Premier gesat huet, ass kloer: Mir gi méi laang schaffen, ob mer wëllen oder net. "Hätt een dat nëmmen éischter gewosst", kommentéiert d’Dany Rasqué mat emol méi, emol manner Ironie.

May 22, 2025

Claude Zeimetz: Pensiounsreform: A wou bleift de Kompromëss?, 16/05/2025

Zanter en Dënschdeg weess d'Land da lo endlech a graffen Zich, wou et bei der Pensiounsreform soll higoen. Um Ofschloss vum laangen Consultatiounsprozess, dee Schwaarz-Blo déi lescht Méint zelebréiert huet, läit d'Verantwortung da lo virun allem bei de jonke Generatiounen, fir de System an der Riicht ze halen. D'Claude Zeimetz sicht zanter där Annonce nach ëmmer de Kompromëss, dee jo u sech sollt bei deem ganze Geschwätz erauskommen.

May 16, 2025

Vum Claudia Kollwelter: LUGA: Eng gréng Visioun ouni Wuerzelen, 13/05/2025

D'LUGA ass zanter leschter Woch offiziell op. Déi grouss urban Gaardenausstellung soll nohalteg an ekologesch sinn, sou gouf d'Expo ënner fräiem Himmel op d'mannst vun Ufank u vermaart a verkaf. Ma wéi nohalteg kann en temporäert Evenement iwwerhaapt sinn, freet sech d'Claudia Kollwelter a sengem Commentaire.

May 13, 2025

Annick Goerens: Et sinn onroueg Zäiten, mee dat ass kee Grond ze hyperventiléieren, 08/05/2025

An Däitschland an allgemeng uechter Europa gouf e Mëttwoch vill iwwer d'Wal vum Friedrich Merz debattéiert, dee jo eréischt beim zweeten Ulaf als neie Bundeskanzler confirméiert gouf. Vu Staatskrisen, Blamage an Apokalyps war rieds uechter d'Medien, mee fir eis Journalistin Annick Goerens war dat keen Drama, mee just gelieften Demokratie. Keen Grond deemno ze Hyperventiléieren

May 08, 2025

Roy Grotz: Äddi Debattekultur - Wëllkomm Kommunikatioun sur mesure, 06/05/2025

Dee mat senger Meenung an d'Press geet, muss riskéieren, eng kleng Lëftchen oder awer e Stuerm vu Reaktiounen ze provozéieren. Sou ass dat - sou war et nach ëmmer an et ass och net anescht, wann een "en public", vu Chambertribünen erof, um Comptoir, bis hin op Theaterbüne seng Meenung haart an däitlech deklaméiert. Schwiereg gëtt et, wann de Kapp an de Sand gestach gëtt a sech Protagoniste vun Neiegkeete verstoppen - de Roy Grotz weess, vu wat hie schwätzt...

May 06, 2025

François Aulner: E Ring mat 3 Spuere ronderëm d'ganz Stad, 29/04/2025

De Parking um Héienhaff um Sennengerbierg ass elo op, mat bal 500 Parkplazen. Am Commentaire fënnt de Fränz Aulner dat "schéin a gutt". Hie fäert awer, datt et an Zukunft nach méi Blechlawine ronderëm an an der Stad wäerte ginn. Als Léisunge gëtt et a sengen A just: net méi wuessen, oder méi Wunnengen an Infrastruktur bauen. Dorënner e ganze Ring mat 3 Spuere ronderëm d’Stad.

Apr 29, 2025

Claude Zeimetz: D'Handyverbuet wäert net all Problemer léisen, 22/04/2025

Vun haut un ass also den Handy an der Grondschoul an an de Maison-relaise strikt verbueden. No der Péngschtvakanz zéien d'Lycéeën no. D'Mesure gëtt allgemeng begréisst. Ma fir de Jonken hiert Wuelbefannen an hir Entwécklung wierklech ze verbesseren, braucht et méi wéi manner Zäit virum Ecran an der Schoul. E Commentaire vum Claude Zeimetz.

Apr 22, 2025•3 min

Carine Lemmer: Zollchaos an Handelskrich, 10/04/2025

D’EU a China haten op dat amerikanescht Freedefeier vu Stroftaxe reagéiert, China däitlech méi kräfteg wéi d’Europäesch Unioun. Wéi eng Approche ass besser? Eng Verhandlungsbasis muss bleiwen, mengt d’Carine Lemmer a sengem Commentaire.

Apr 10, 2025

Annick Goerens (Radio): Happ a Malz sinn net verluer, 08/04/2025

Ukrain, Gaza, Klimawandel an Naturkatastrophen an all Dag nei Trump-Hysterien. Dobäi komme Smartphones, Sozial Medien an déi lues Erosioun vun eisen Demokratien. Wéi soll ee mat dem Wansinn vun haut ëmgoen? Déi Fro stellt sech d’Annick Goerens a sengem Commentaire.

Apr 08, 2025•3 min

Marc Hoscheid: Marine İmamoğlu oder Ekrem Le Pen?, 03/04/2025

Marine Le Pen gëtt a Frankräich verurteelt an dierf net u Walen deelhuelen. An der Tierkei gëtt den Ekrem İmamoğlu wéinst méiglecher Korruptioun verhaft. Déi zwee Fäll sinn net gläichzesetzen, ma d'Reaktioune lafen awer no engem änleche Muster of, mengt de Marc Hoscheid an engem Commentaire.

Apr 03, 2025•3 min
Next →
For the best experience, listen in Metacast app for iOS or Android