SIYABONGA SUSTER CHRISNA, SIYABONGA deur Martelize Brink

Suster Chrisna du Plessis het 16 jaar gelede iemand buite 'n kliniek gesien op die grond lê, wat besig was om te sterf weens MIV/VIGS-komplikasies. Sy het daar en dan besluit dat daar 'n plek in haar gemeenskap moet wees waar mense in nood kan aanklop om hulp. Sy het toe die Siyabonga Care Village op Vredenburg op die been vebring. Dit is 'n plek van veiligheid vir mishandelde vroue, 'n tuiste vir gestremdes, 'n skool vir gestremde kinders, en bied palliatiewe dienste aan pasiënte in die laaste dae van hulle lewe. Martelize Brink het suster Chrisna gaan ontmoet.