Fotografie vun der Agnès Varda am Paräisser Musée Carnavalet

Déi franséisch Realisatrice Agnès Varda huet haut absolutte Kultstatus. Mat Filmer an Documentairë wéi “Cléo de 5 à 7”, “Sans toit ni loi” oder och “Les Glaneurs et la Glaneuse” huet si sech als Ikon vum franséische Film etabléiert. Manner bekannt ass der 2019 verstuerwener Kënschtlerin hiert Wierk als Fotografin. Dofir huet de Musée Carnavalet zu Paräis dësen Aarbechten eng Ausstellung dediéiert, déi och d’Relatioun tëschent der Artistin an der Stad an de Mëttelpunkt stellt. De Max Tholl war fir eis kucken.