Kathilethum Pathrangal | കാതിലെത്തും പത്രങ്ങൾ | M Jayaprakash | MediaOne
Episode description
ഇന്നും പത്രങ്ങളുടെ തലക്കെട്ടിലുണ്ട് എമ്പുരാൻ. വിവാദങ്ങൾക്ക് തീ പിടിപ്പിച്ച സിനിമ അഞ്ച് ദിവസംകൊണ്ട് 200 കോടി ക്ലബിലെത്തി. വിവാദ ഭാഗങ്ങൾ മുറിച്ചു നീക്കിയ സിനിമയുടെ പതിപ്പ് തിയറ്ററിലെത്താൻ ഒരു ദിവസം കൂടി എടുത്തേക്കും എന്ന് മലയാള മനോരമ. ഈദ് ദിനത്തിൽ ശ്രീനഗർ ജാമിയ മസ്ജിദിലും, യു.പിയിലെ റോഡുകളിലും ഉൾപ്പടെ രാജ്യത്തെ പലയിടങ്ങളിലും പ്രാർഥനാ വിലക്ക് ഏർപ്പെടുത്തിയപ്പോൾ ഇവിടെ കോഴിക്കോട് മാങ്കാവ് കിണാശേരിക്കാർ ക്ഷേത്രോത്സവവും ഈദ് നമസ്കാരവും ഒരേ മൈതാനത്ത് നടത്തിയ വാർത്ത 'ഇതാണ് കേരള സ്റ്റോറി' എന്ന തലക്കെട്ടിൽ ലീഡ് വാർത്തയാക്കി ദേശാഭിമാനി. എന്നാൽ ദേശാഭിമാനി കാണാതിരുന്ന സമരത്തിന്റെ അൻപതാം ദിനം ആശമാർ മുടിമുറിച്ച് നടത്തിയ വൈകാരിക പ്രതിഷേധമാണ് 'തീമുടി' എന്ന തലക്കെട്ടിൽ മലയാള മനോരമക്ക് ലീഡ്. പെരുന്നാൾ അവധി കാരണം ചില പത്രങ്ങൾ മാത്രമാണ് ഇന്ന് പ്രസിദ്ധീകരിച്ചത് - കേൾക്കാം കാതിലെത്തും പത്രങ്ങൾ | Spotify | Apple Podcast | Amazon Music | Mediaone Podcast
അവതരണം- എം ജയപ്രകാശ്, സീനിയർ ന്യൂസ് എഡിറ്റർ- മീഡിയവൺ