Í útvarpsþættinum Fótbolti.net á laugardaginn var rætt við þjálfara Akureyrarliðanna Þórs og KA. Þórsarar hafa verið á flottu skriði í Inkasso-deildinni eftir erfiða byrjun og eru nú þremur stigum frá öðru sætinu. KA-menn fóru af stað í Pepsi-deildinni með miklum látum en stigasöfnunin hefur ekki verið eins góð upp á síðkastið og liðið er um miðja deild.
„Laugardagurinn var erfiðastur. Maður var ekki undir það búin að vera úr leik eftir tvo leiki," Guðrún Inga Sívertsen, GunnInga varaformaður KSÍ, í viðtali í Útvarpsþættinum Fótbolta.net í dag. GunnInga var ásamt fjölmörgum starfsmönnum KSÍ á EM í Hollandi og fylgdist með íslenska kvennalandsliðinu. Hún sá um undirbúning fyrir mótið og sinnti fleiri verkefnum. „Maður lærir af þessu, þetta er dýrmæt reynsla í reynslubankann."
Elvar Geir Magnússon og Tómas Þór Þórðarson ræddu við Magnús Má Einarsson um umferðina framundan í Pepsi-deildinni. Skoðað hvað hefur gerst í deildinni að undanförnu og hvernig liðunum hefur gengið að styrkja sig.
Síðasta EM Innkastið frá Hollandi er sent út frá hóteli íslensku fjölmiðlamannana, Hof van Putten. Elvar Geir Magnússon, Arnar Daði Arnarsson og Tómas Þór Þórðarson fóru yfir málin, sirka sólarhring eftir að Ísland tapaði fyrir Sviss. Ljóst er að stelpurnar okkar eru úr leik fyrir lokaumferð riðilsins.
Alex Freyr Hilmarsson hefur verið mjög öflugur í liði Víkings R. í Pepsi-deildinni í sumar. Alex var valinn í úrvalslið umferða 1-11 hjá Fótbolta.net. Alex var gestur í útvarpsþætti Fótbolta.net á X-inu 97,7 í gær.
Magnús Már Einarsson fékk Magnús Þór Jónsson, fréttaritara Fótbolta.net, í heimsókn í útvarpsþætti Fótbolta.net á X-inu í dag. Þeir nafnar fóru þá yfir fyrri umferðina í Pepsi-deildinni og skoðuðu hvert lið fyrir sig.
EM Innkastið að þessu sinni er frá hóteli íslensku fjölmiðlamannana, Hof van Putten. Elvar Geir Magnússon, Arnar Daði Arnarsson og Guðmundur Marinó Ingvarsson fengu sér sæti í hótelgarðinum, létu renna í bjóra og spjölluðu um lífið í Hollandi. Aðalmálið er náttúrulega leikurinn gegn Frakklandi í gær sem tapaðist á ansi svekkjandi hátt.
Innkastið er á sínum stað eftir allar umferðir í Pepsi-deild karla. Þeir Magnús Már Einarsson og Gunnar Birgisson fóru yfir 11. umferðina í dag en Elvar Geir Magnússon var fjarri góðu gamni þar sem hann er staddur á EM í Hollandi. Í Innkasti dagsins var farið vel yfir 11. umferðina og staðan í deildinni skoðuð eftir hálft mót.
EM Innkastið er sent út frá Hollandi meðan Ísland er með á Evrópumótinu. Fyrsti leikur stelpnanna okkar er gegn Frakklandi á morgun og er hitað upp fyrir leikinn í fyrsta þætti. Elvar Geir Magnússon og Arnar Daði Arnarsson fóru yfir málin ásamt Hauki Harðarsyni, íþróttafréttamanni á RÚV, sem lýsir leiknum. Innkastið var tekið upp á hinum konunglega Willem II leikvangi í Tilburg þar sem leikurinn á morgun fer fram.
Í tilefni af EM kvenna kemur út þessi sérstaki þáttur af Ítalska boltanum. Í þetta sinn er fjallað um ítalska kvennaknattspyrnu og lið Ítalíu á EM 2017. Er staða kvennaknattspyrnunnar og kvenréttina í landinu skoðuð og að lokum auðvitað farið yfir leikmannahóp liðsins og hvaða leikmenn það eru sem eiga að draga vagninn á mótinu.
Það var veglegt Inkasso-hringborð í útvarpsþættinum Fótbolti.net á X977. Úrvalslið umferða 1-11 var opinberað ásamt besta leikmanninum og besta þjálfaranum. Elvar Geir Magnússon, Tómas Þór Þórðarson, Magnús Már Einarsson og Davíð Snorri Jónasson sátu við hringborðið.
Elvar Geir Magnússon, Magnús Már Einarsson og Gunnar Birgisson voru svo spenntir fyrir nýju Innkasti að þeir gátu ekki beðið eftir því að 10. umferðin myndi klárast. Í Innkasti vikunnar er rætt um þá fjóra leiki sem eru að baki í umferðinni. Einnig koma Evrópuleikirnir framundan við sögu.
Eiður Aron Sigurbjörnsson hefur komið sterkur inn í lið Vals síðan hann kom frá þýska liðinu Holstein Kiel í maí. Hann hefur byrjað undanfarna leiki og spilað virkilega vel. „Þetta hefur verið skemmtilegt. Það er búið að ganga vel og það eru allir sáttir," sagði Eiður Aron þegar heyrt var í honum í Útvarpsþættinum Fótbolti.net á X-inu í hádeginu.
Leikmenn FH, Bergsveinn Ólafsson og fyrirliðinn Davíð Þór Viðarsson, voru gestir í útvarpsþættinum Fótbolti.net á X977 í dag. Tómas Þór Þórðarson ræddi við þá um tímabilið, tapið óvænta gegn Víkingi Ólafsvík og komandi Meistaradeildarleik.
Jörundur Áki Sveinsson fótboltaþjálfari ræddi við Elvar Geir Magnússon og Tómas Þór Þórðarson um Pepsi-deildina í útvarpsþættinum Fótbolti.net á X977. Rætt var um óvæntan sigur FH gegn Víkingi Ólafsvík í gær og þá leiki sem framundan eru.
Það er sérstök aukaaútgáfa af Innkastinu, hljóðvarpsþætti Fótbolta.net, þessa vikuna. Rætt er um innflytjendur í íslenskum fótbolta. Elvar Geir Magnússon stýrði þættinum en hann ræddi við Þórð Einarsson, yfirþjálfara yngri flokka Leiknis í Breiðholti, og Hjalta Ómarsson, framkvæmdastjóra Retor Fræðslu, en hann hefur verið að starfa með liði Stál-úlfs sem stofnað var af innflytjendum.
Þórir Hákonarson, fyrrum framkvæmdastjóri KSÍ, kom í heimsókn í útvarpsþáttinn Fótbolti.net og ræddi um hugmyndir varðandi nýjan þjóðarleikvang. Nú styttist óðum í hina nýju Þjóðadeild en hætta er á því að Ísland neyðist til að spila heimaleiki erlendis þar sem leikið er um vetrartímann.
Inkasso-deildin var til umræðu í útvarpsþættinum Fótbolti.net á X-inu FM 97,7 í dag. Davíð Snorri Jónasson, aðstoðarþjálfari Stjörnunnar, ræddi gang mála í deildinni. Þá var rætt við leikmann Stjörnunnar, Eyjólf Héðinsson, um umræðu um sameiningu Leiknis og ÍR. Eyjólfur er uppalinn ÍR-ingur og er með sterkar skoðanir á sameiningarmálum í Breiðholti. Hann vill sjá félögin sameina knattspyrnudeildir sínar undir nafni Breiðholts.
Elvar Geir Magnússon og Tómas Þór Þórðarson fengu Helga Sigurðsson, þjálfara Fylkis, í heimsókn í útvarpsþáttinn Fótbolti.net á X-inu. Rætt var um Fylkismenn og allar helstu fótboltamál vikunnar í íslenska boltanum. Meðal annars var rætt um það hvernig Íslandsmeistarar FH hafa verið að spila í sumar, hugsanlega komu Sölva Geirs Ottesen til FH, Evrópuframmistöðu íslensku liðanna, hrikalegan júnímánuð Stjörnunnar, 8-liða úrslit bikarsins og Sverri Inga í Rússlandi.
Það er komið að þriðja þætti af 4. deildar Innkastinu en að þessu sinni er Ingólfur Sigurðsson fjarri góðu gamni. Runólfur Trausti og Magnús Valur Böðvarsson, sem hefur verið helsti sérfræðingur um neðstu deild í mörg ár, ræða málin. Að sjálfsögðu er Afríka í brennidepli en liðið hefur verið mikið í fréttunum í vikunni eftir að það neitaði að spila leik gegn KFR vegna þess dómara sem KSÍ setti á leikinn.
Guðni Bergsson, formaður KSÍ, er gestur í Innkastinu á Fótbolta.net í dag. Guðni var kjörinn formaður KSÍ í febrúar og í Innkastinu ræðir hann fyrstu mánuðina í starfi.
Íslenska útgáfan af Innkastinu er á dagskrá eftir hverja umferð í Pepsi-deildinni í sumar. Elvar Geir Magnússon, Magnús Már Einarsson og Gunnar Birgisson ræddu um 9. umferð deildarinnar. Einnig ræddu þeir um 8-lið úrslit bikarsins.
Íþróttasálfræðiráðgjafinn Hreiðar Haraldsson var gestur í útvarpsþættinum Fótbolti.net á X-inu FM 97,7 á laugardaginn. Hreiðar ræddi þar við Elvar Geir Magnússon um andlega þáttinn í fótboltanum og hvort félög á Íslandi hugsi nægilega mikið um hann varðandi leikmenn sína.
Þann 14. júlí heldur íslenska kvennalandsliðið til Hollands á Evrópumótið í Hollandi þar sem fyrsti leikurinn verður gegn stórliði Frakklands þann 18. júlí. Arnar Daði Arnarsson, fréttaritari Fótbolta.net og sérfræðingur um kvennaboltann, ræddi við Tómas Þór Þórðarson og Elvar Geir Magnússon um mótið framundan og íslenska hópinn sem valinn var á dögunum.
Freyr Alexandersson þjálfari kvennalandsliðsins fór yfir leiki 9. umferðar Pepsi-deildar karla í útvarpsþættinum Fótbolti.net á X-inu FM 97,7 í dag. Elvar Geir Magnússon ræddi við hann, örstutt um kvennalandsliðið, og svo var komið að því að fara yfir leikina framundan í Pepsi-deildinni.
Íslenska útgáfan af Innkastinu er á dagskrá eftir hverja umferð í Pepsi-deildinni í sumar. Magnús Már Einarsson er í sumarfríi en Elvar Geir Magnússon fékk til sín tvo góða menn til að fara yfir 8. umferðina. Ingólfur Sigurðsson og Daníel Geir Moritz tóku upp hnífinn til að kryfja leikina. Einnig er fjallað aðeins um Inkasso-deildina og brottrekstur Ásmundar Arnarssonar.
Rætt var ítarlega um komandi umferð í Pepsi-deildinni í útvarpsþættinum Fótbolti.net á X-inu FM 97,7. Farið var yfir alla leikina og ýmsum spurningum velt fram. Getur Fjölnir fallið? Hverjar eru líkurnar á því að Valur verði meistari? Er rétta lausnin að reka Willum? og fleiri spurningar flugu. Elvar Geir Magnússon, Tómas Þór Þórðarson og Magnús Már Einarsson ræddu um allt það helsta. Einnig var Inkasso-deildin skoðuð.
Kristján Guðmundsson, þjálfari ÍBV, ræddi við Elvar og Tómas í útvarpsþættinum Fótbolti.net í dag. Rætt var um byrjun ÍBV á mótinu, síðasta leik gegn KR, lífið í Vestmannaeyjum og komandi leik gegn Grindavík. Þá var einnig rætt um Álfukeppnina í fótbolta sem mun lífga upp á boltaumræðuna næstu daga. Kristján er mikill aðdáandi Álfukeppninnar.
Elvar Geir Magnússon og Tómas Þór Þórðarson voru mættir aftur í útvarpsþættinum Fótbolti.net á X-inu FM 97,7 í dag. Fyrsti hluti þáttarins fór í að ræða um helstu mál fótboltans. Cristiano Ronaldo vill yfirgefa Spán, sagt er frá Færeyjarferð útvarpsþáttarins og loks rætt um íslenska landsliðið. Opinberað er hvaða leikmenn eru hæstir í einkunnagjöf Íslands í riðlinum.
Viðar Örn Kjartansson endaði sem markakóngur í Ísrael á fyrsta tímabili sínu þar en hann skoraði 24 mörk með Maccabi Tel Aviv. Viðar var gestur í útvarpsþætti Fóbolta.net um helgina þar sem hann ræddi tímabilið í Ísrael.
