Fantabrögð - Jólaþáttur - Aron Þrándar ræðir Trent og bomburnar

Það kom að því. Liverpool bakvarðabomban sem allir höfðu beðið eftir mætti á svæðið. Trent Alexander-Arnold setti hvorki meira né minna en 24 stig í Fantasy á annan í jólum og bjargaði 19. umferðinni fyrir ansi mörgum leikmönnum. Einn af þeim var Aron Elís Þrándarson, nýr leikmaður OB í Danmörku og sigurvegari draumaliðsleiks Fótbolta.net og Eyjabita í Pepsi Max deild karla í sumar. Aron er með stigahæstu leikmönnum Íslands í Fantasy Premier League og var auk þess valinn í landsliðshóp Íslands í dag svo hann hefur yfir mörgu að gleðjast. Hann gaf sér tíma til að koma og gefa nafna sínum góð ráð í Fantasy fræðum og fóru þeir saman yfir umferðir 19 og 20 í FPL.