Episode 122: "Firman Hidup"- Basa Rejang.3gp

Redjang Language - "Words of Life".3gp // 1 KORINTUS 13 - Kasiak1 Kunyau uku dapet miling ngen bebagoi bahaso manusio, bahkan ngen bahaso malaikat, tapi uku coa kemasiak tun luyen, mako kecek-kecekku o cuma sa'ei bae coa ade taine.  2 Mat. 17:20, 21:21; Mrk. 11:23 Kunyau uku pacok semapei bito kunei Allah, ngen ngertai kute hal de saro, ngen namen kutene serto kembiak pecayo ngen Allah sehinggo dapet maliak tebo, tapi uku coa kemasiak tun-tun luyen, mako uku coa ade taine!  3 Kunyau kute de uku temuan, uku semdekeak ngen tun peset, ngen uku semreak diraiku utuk nembem, tapi uku coa kemasiak tun-tun luyen, mako kutene o coa ade gunone samo sekilai.4 Tun de kemasiak tun-tun luyen, tun o sabar ngen baik atei. Si coa nyebuau, coa ngike, coa ombong.  5 Si rendeak atei, coa kasar, si coa makso tun luyen temotoa kelokne suang, coa kulo gacang tesinggung, ngen coa dendem.  6 Tun de kemasiak tun-tun luyen, tun o coa senang ngen de kidek tapi cuma galok de baik.  7 Si tabah ngen lok pecayo ngen de lebiak baik pado tiep tun; lem keadaan de aweipe kulo tun de kemasiak coa perneak putus asa ngen sabar mbot kute hal.8 Selalu ade waktau neak ipe tun perlu saling kemasiak. Uyo ade tun de pacok semapei bito kunei Allah, tapi konyo si bakea bedan semapei bito o. Uyo ade de pacok miling lem bebagoi bahaso de ajaib, tapi konyo si bakea bedan miling lem bahaso-bahaso o. Uyo ade tun de namen dau hal, tapi tobo'o bakea coa tinget jano de tobo'o namen.