Basa Minangkabau - "Tembung Urip".3gp

Bahasa Minangkabau - "Kata-Kata Kehidupan".3gp / Minangkabau Language - "Words of Life".3gp // Yohanes 1 1 Pado mulonyo, sabalun dunia ko dijadikan, nan Firman lah ado juwo. Firman barado samo-samo jo ELOHIM, nan Firman tu, adolah ELOHIM. 2 Sajak samulo Inyo samo-samo jo ELOHIM. 3 Sagalo sasuatu dijadikan malalui Inyo, sagalo apo pun juwo nan ado, indak ciyek juwo doh nan dipabuwek, jikok indak dek Inyo. 4 Firman tu, tampaik asa sagalo mukaluak nan iduik, baitu pulo, iduik tu mambari tarang kabake manusia. 5 Tarang tu bacahayo di nan kalam, nan galok kalam indak ka dapek doh nak mamudua-inyo 6 Tibolah urang nan di utuih dek ELOHIM, Yahya namonyo. 7 Inyo di utuih untuak mambaritokan tarang tu, supayo kasadonyo urang, buliah bi picayo. 8 Indak inyo doh, nan tarang tu, inyo hanyo sakadar mambaritokan. 9 Tarang nan sabana tarang, nan manarangi kasadonyo urang, lah turun ka dunia. 10 Kiniko Firman tu lah ado di dunia, dunia dijadikan malalui Inyo, tapi dunia ko, indak tawu doh jo Firman tu. 11 Baliau datang ka nagari-Nyo sandiri tapi banso-Nyo, indak niyo doh manarimo Baliau. 12 Biyapun baitu, ado juwo urang nan lai niyo manarimo Baliau, sarato picayo kabake Baliau; urang-urang tu di agiah dek Baliau kuwaso, untuak manjadi anak ELOHIM, 13 nan indak dilayiekan dari manusia, dek karano, iduik nan baru tu, dari ELOHIM asanyo. 14 Firman tu lah manjadi manusia, Baliau tingga di antaro kito, kito lah maliyek kamuliaan-Nyo. Kamuliaan tu ditarimo dek Baliau, sabagai Anak Tungga ELOHIM Bapak. Malalui Baliau kito dapek maliyek ELOHIM, sarato dapek marasokan kasiah-Nyo kabake kito. 15 Nabi Yahya datang sabagai sasi Baliau, inyo mambaritokan: "Ikolah Baliau nan ambo katokan tu: Baliau labiah kudian tibo daripado ambo, tapi Baliau labiah mulie daripado ambo, dek karano, sabalun ambo ado, Baliau lah ado juwo." 16 Baliau sangaik paibo; Baliau mambarakaik-i kito. 17 Paratuaran agamo lah kito tarimo malalui Nabi Musa. Tapi, kasiah satiya ELOHIM, dinyatokan malalui Isa Almasih. 18 Indak ado doh urang, nan lah maliyek ELOHIM, salain daripado Anak Tungga ELOHIM Bapak, nan sahakikaik jo ELOHIM Bapak, nan sabana arek jo Baliau. Baliaulah nan manyatokan ELOHIM Bapak kabake kito.