Ar an gclár seo labhair mé le Damian McElgunn faoin ngearrscannán a rinne sé faoi Bhród Vancouver 2022. Chomh maith leis sin, chualamar ó Sheoirsín Ní Mheachair faoin tseachtain Gaeilge a bhí ag lucht Daltaí na Gaeilge in Esopus Nua Eabhrac le gairid!
Ar an gclár seo labhair mé le Ben Ó Ceallaigh, léachtóir in Aberystwyth, faoin Scoil spéisiúil ar ábhar an Athghabhála a bheidh ar siúl ag Cumann Chluain Áird ar líne i rí an fhómhair agus an chaint a thabharfaidh sé mar chuid di.
Ar an gclár seo chualamar ó Molly Plunk agus í ag labhairt linn faoi bhronnadh scoláireacht Gaeltachta uirthi agus a seal ag Oideas Gael i nGleann Cholm Cille! Chomh maith leis sin, cloisfimid ó Dhiarmuid Breathnach faoi chás na Palaistíne i láthair na huaire théis d'ocht dtír de chuid an AE ráiteas a chur amach chun an Iosraeil a cheistiú maidir leis an ruathar a rinneadh ar eagraíochtaí neamhrialtais sa Phalaistín nach mór bliain ó shin anois.
Ar an gclár seo labhair Molly Nic Céile linn ó Nua Eabhrac faoi Phop Up Gaeltacht a d'eagraigh sí ansin, in Astoria níos luaithe an mhí seo agus faoina cuid físeán Gaeilge 'Gaeilge i mo Chroí' d'fhoghlaimeoirí timpeall na cruinne. Chomh maith leis sin, chulamar ó Lonán Ó Lorgnáin i Melbourne na hAstráile faoi obair atá ar siúl chun iarracht a dhéanamh Gaelscoil a bhunú sa chathair!
Ar an gclár seo, chualamar ó Rónan Ó Dochartaigh ó Oideas Gael faoin Scoil Samhraidh Teanga agus Cultúir a bhí ar siúl acu ag Oideas Gael an tseachtain seo caite le scríbhneoirí, ceoltóirí, aisteoirí agus eile, agus faoi na cúrsaí samhraidh Gaeilge a bhíonn acu do Ghaeil ó gach cearn den domhan gach samhradh.
Ar an gclár seo bhí an ceoltóir Enda Reilly ag labhairt linn faoi bhogadh ó Thamhlacht Bhaile Átha Cliath go Detroit Michigan, a chuid ceoil a roinnt ag féilte agus ceolchoirmeacha timpeall ar na Stáit Aontaithe agus an fhéile ollmhór, Féile na nGael i Milwaukee, áit a mbeidh sé ag canadh trí Ghaeilge ag an bPuball Gaeltachta i mí Lúnasa!
Ar an gclár seo, chualamar ó Ray Mac Manais faoi stair agus pleananna 2022 d'Fhéile na nGael Milwaukee. Chomh maith leis sin d'éisteamar le ceol ó albam úr 'Speactram' de chuid Marcas Mac an Tuairnéir.
Ar an gclár seo, chualamar ó Chaitríona Weafer faoin gcinneadh a rinne Cúirt Uachtarach na Stát Aontaithe Roe v Wade a chur ar ceal. Chomh maith leis sin bhí Marcas Mac an Tuairneir ag labhairt linn (as Gaeilge agus Gàidhlig) ó Albain faoina albam úr, Speactram.
Ar an gclár seo bhí Matt O'Heir ag labhairt linn faoi chúrsaí Gaeilge i Chicago agus a shaol féin. Chomh maith leis sin bhí scoláire ICUF agus iarscoláire Fulbright, Pa Sheehan ag caint linn faoi dheireadh seachtaine teanga agus cultúir a bhí ar siúl ag muintir Kingston, Ontario le gairid.
Ar an gclár seo bhí Tuairisceoir Polaitíochta Raidió na Gaeltachta, Eoin Ó Catháin ag labhairt linn faoin lámhach gunna a rinne ar bhunscoil i dTeicseas ag deireadh mhí Bealtaine, inar maraíodh 19 bpáistí agus beirt mhúinteoirí. Chomh maith leis sin bhí Darach Ó Tuairisg, léiritheoir leis an gComhlacht Léiriúcháin Teilifíse agus Drámaíochta Fíbín ag labhairt linn faoi na tionscnaimh éagsúla atá idir lámha acu - ceann amháin, clár teilifíse le daoine óga cruthaitheacha timpeall na cruinne faoi ch...
Ar an gclár seo bhí Donal Grogan (Colorado Paddy ar líne!) ag caint faoin bhronnadh gradam Laoch na Gaeilge 2022 air ag Deireadh Seachtaine Gaeltachta LA le gairid! Chomh maith leis sin bhí Tomaí Ó Conghaíle ag caint linn faoi Éigse na Bruiséile a bhí ar siúl lár mhí Bealtaine 2022 den chéad uair.
Ar an gclár seo bhí Caitríona Weafer ag labhairt linn faoi aisghairm Roe v Wade sna Stáit Aontaithe agus faoi Dheireadh Seachtaine Gaeltachta LA a bhí ar siúl le gairid. Chomh maith leis sin bhí Tadhg Mac Cionnaith ag caint linn faoin deireadh seachtaine speisialta ar fhreastail sé air, eagraithe ag Oideas Gael in omós do Tony Birtill.
Ar an gclár seo bhí Alannah Ní Ghallchóir ó Chonradh na Gaeilge i Londain ag labhairt linn faoin deireadh seachtaine Gaeltachta a bhí ag an gcraobh ag an deireadh seachtaine agus eile. Chomh maith leis sin bhí James Ó Conaill ag caint linn faoina scoláireacht Fulbrigth ag Ollscoil Villanova agus faoi dheiseanna do mhuintir Stáit Aontaithe scoláireachtaí a fháil chun cúrsa Gaeilge a dhéanamh sa Ghaeltacht.
Ar an gclár seo chualamar ó Shéamus Ó Fianghusa i Nua Eabhrac a bhí ar ais ag caint linn faoina mhadra míleata, Meaití, a tógadh uaidh breis is trí bliana ó shin anois, agus a throid chun Meaití a thabhairt ar ais abhaile. D'fhill an madra abhaile théis blianta de throid agus cás cúirte le gairid agus agus cheiliúraigh sí a 10ú breithlá inniu!
Ar an gclár seo, bhí Clár Ní Bhuachalla, Stiúrthóir Gaeltacht UCD i gCOBÁC ag labhairt linn faoi Scoil Samhraidh #TionolUCD 2022 COBÁC a bheidh ar siúl mí Mheithimh le héagsúlacht imeachtaí mar chuid de chlár na bliana seo!
Ar an gclár seo, labhair Molly Nic Céile linn faoina cuid físeán Gaeilge 'Gaeilge i mo Chroí' d'fhoghlaimeoirí timpeall na cruinne, a heispéiris ar líne agus na forbairtí ar a cainéal YouTube thar am! Labhair muid freisin faoi óráid an Uachtaráin Zelenskyy le muintir na hÉireann i dTithe an Oireachtais maidir leis an gcogadh san Úcráin.
Ar an gclár seo beidh John Caulfield ag labhairt linn faoi Fhéile Idirnáisiúnta Litríochta Cúirt! Chomh maith leis sin beidh Aileen F. Gorman Leong ón Irish Echo ag labhairt linn faoina cuid alt san Echo faoi chúrsaí Gaeilge sna Stáit Aontaithe!
Ar an gclár seo, bhí Brian Ó Conchubhair ó Ollscoil Notre Dame in Indiana na Stát Aontaithe ag labhairt linn faoi sheoladh a leabhair nua "Bone and Marrow/Cnámh agus Smior: An Anthology of Irish Poetry from Medieval to Modern". Chomh maith leis sin, éistfimid siar le giota beag ón imeacht a bhí ar siúl ag The Journal sa Daingean Dé hAoine 'An Ghaeilge: Faoi bhrú nó faoi bhláth?' faoin nGaeilge in Éirinn, timpeall ar an Eoraip, sna Stáit Aontaithe agus níos faide i gcéin.
Ar an gclár seo, labhair Nadia Dobryanska ón Úcrain ag labhairt linn faoi thuras a muintire ón Úcráin go hÉirinn an tseachtain seo caite, a tuairimí faoi thodhchaí na hÚcráine agus bealaí gur féidir linn tacú leis an tír.
Ar an gclár seo, labhair Deirdre Ní Mhathúna ón 'Little Ireland Collective' san Albain linn faoin gCiorcal Comhrá speisialta seo a bhí ag lucht Dún Éideann le muintir na Gaeltachta Sur Seine i bPáras na Fraince le gairid do Sheachtain na Gaeilge. Chomh maith leis sin labhair Ciara Ní Éannachái linn faoi Lá Idirnáisiúnta na mBan agus a hainmniúchán ar liosta an Irish Examiner don lá. Labhair sí faoin bpainéal ar a labhróidh sí mar chuid de Fhéile Cúirt freisin, agus a cuid filíochta i gcnuasach n...
Ar an gclár seo tá píosa a rinne mé le Jeffrey Sardina ó San Diego beo ón bPop Up Gaeltacht sa Cobblestone i mBÁC le gairid! Chomh maith leis sin bhí Colm Bairéad, iarchraoltóir Raidió na Life agus stiúrthóir #AnCailínCiúin, an chéad fadscannáin Gaeilge ag Féile Berlinale agus ainmnithe do 10 duais IFTA ag labhairt linn faoin scannán agus an ráth atá air!
Ar an gclár seo, labhraíomar le Muireann Ní Chorcráin, scoláire Fulbright agus an tOllamh Brendan Kane linn faoi imeacht a bhí acu mar chuid de Douglass Week agus go leor eile! Chomh maith leis sin bhí Donnchadh Sneddon ag labhairt linn ó Dhún Éideann na hAlbain faoina thaithí leis an nGaeilge agus an Ghàidhlig.
Ar an gclár seo, labhraíomar le Cecily Ní Loinnsigh, iarscoláire Fulbright, faoina ham i gCeanada ar scoláireacht ICUF, taisteal timpeall na tíre agus go leor eile.
Ar an gclár seo, labhraíomar le Tadhg Ó Meachair ón mbanna ceoil Goitse linn faoina gcamchuairt timpeall ar na Stáit Aontaithe go luath, ceol an bhanna agus dúshláin toisc Covid-19. Chomh maith leis sin chualamar amhrán a tháinig amach ar Lá le Bríde, dar teideal Imbolc.
Ar an gclár seo, bhí Alan Da Silva ag labhairt linn ón mBrasaíl faoina chuid staidéir agus oibre. Chomh maith leis sin bhí Seán Breathnach ag labhairt linn faoina scannán Foscadh atá á thaispeáint mar chuid d'Fhéile Scannánaíochta Idirnáisiúnta Corcaigh agus a chúlra sa scannánaíocht.
Ar an gclár seo bhí Diarmaid Ó Maolagáin linn agus é ag insint dúinn faoin ngrúpa Gaeltacht an Oileáin Úir i Tamworth Ceanada. Chomh maith leis sin bhí Don O'Mahoney, Cláraitheoir Sinsearach d'Fhéile Scannánaíochta Idirnáisiúnta Corcaigh linn ag labhairt faoin bhFéile.
Ar an gclár seo labhair Derek Ó Briain linn faoi chúrsaí Gaelchultur agus deiseanna do mhúinteoirí lasmuigh d'Éirinn bheith ag teagasc leis an eagraíocht . Chomh maith leis sin beidh bhí Seán Romansic ag labhairt linn faoina shaol thall i gCalifornia na Stát Aontaithe agus a iníon á tógáil aige le Gaeilge ann.
Ar an gclár seo labhair Tomaí Ó Conghaile linn faoin deireadh a tháinig le maolú na Gaeilge san Aontas Eorpach ag tús na bliana, agus stádas iomlán mar theanga oifigiúil san AE aici anois.
Ar an gclár seo bhí Eithne Dunbar ag labhairt linn faoina grúpa Gael i gCeanada agus an imeacht spéisiúil "Saíocht" a bhí ar siúl i gCeanada le déanaí agus chualamar cuid dá ceol féin ar an gclár. Chomh maith leis sin bhí Michaíl Caisianóbh ag labhairt linn ó Mhoscó na Rúise faoina thaithí féin leis an nGaeilge, fotheidil ar scannáin agus cartúin Gaeilge agus go leor eile.
Ar an gclár seo bhí Stiofáinín Nic Cárthaigh agus Caitríona Ní Chonaola ag labhairt linn faoin gceardlann amhránaíochta ar an sean-nós a bhí ar siúl ag an ngrúpa, An Ghaeltacht Sur Seine i bPáras na Fraince le gairid. Chomh maith leis sin labhair Nicola Lavelle linn faoina leabhar nuafhoilsithe Glór ar Inis Gluaire!
