സംസ്കാരം ശബ്ദം മാത്രമാകുമ്പോൾ

പ്രിയ സുഹൃത്തേ ,

ബീഥോവന്റെ ഇരുനൂറ്റിയൻപതാം ജന്മവാർഷികമാസമാണ്‌ ഡിസംബർ 2020 . അദ്ദേഹത്തെ ജ്ഞാനസ്നാനം ചെയ്തത് 1770 ലെ ഡിസമ്പർ പതിനേഴാം തീയതിയായിരുന്നു . ജനനത്തീയതിയെ കുറിച്ച് ചരിത്രകാരന്മാർക്കിടയിൽ അഭിപ്രായവ്യത്യാസമുണ്ട്.

ഇന്നത്തെ ദില്ലി-ദാലി ബീഥോവൻ എന്ന അസാധാരണ സംഗീത പ്രതിഭയ്ക്കുള്ള ആദരപോഡ്കാസ്റ്റ് ആണ് .

അദ്ദേഹത്തിൻറെ ഒൻപതാം സിംഫണിയെ കുറിച്ച് ഒരാലോചനയാണിത്. മനുഷ്യന്റെ ചെവിയുടെ കേൾവി സാധ്യതകളാണ് ഒൻപതാം സിംഫണി അനാവരണം ചെയ്യുന്നത് ...ഉറുമ്പുകൾ നടക്കുന്ന ശബ്ദം പോലെ ചില സ്വരവിന്യാസങ്ങൾ ....കൊടുങ്കാറ്റുലച്ച മഹാവനം പോലെ മറ്റൊരിടം ....ഇതെല്ലാം കൽപന ചെയ്യുമ്പോൾ അദ്ദേഹം ബധിരനായിരുന്നു എന്നറിയുമ്പോൾ കേൾക്കുന്നത് ചെവി കൊണ്ടല്ല എന്നതും കൂടി നാമറിയുന്നു .

ഈ പോഡ്കാസ്റ്റ് തയ്യാറാക്കിയിരിക്കുന്നത് ഒൻപതാം സിംഫണിയുടെ ശബ്ദലേഖനത്തിന്റെ സഹായത്തോടെയാണ് .

Headphone ഉപയോഗിച്ചു കേട്ടാൽ കൂടുതൽ ശ്രവ്യസുഖം ലഭിക്കും എന്നോർമ്മിപ്പിക്കുന്നു 

പോഡ്‌കാസ്റ്റിലേക്ക് സ്വാഗതം .

സ്നേഹപൂർവ്വം 

എസ് . ഗോപാലകൃഷ്ണൻ 

ഡൽഹി , 13 ഡിസംബർ 2020