പ്രാർത്ഥിക്കുന്നെങ്കിൽ ഇങ്ങനെ : P. Bhaskaran centenary podcast by S. Gopalakrishnan 34/2023

1833 ൽ ഒരു കപ്പലിൽ ഇരുന്ന് ദുഃഖിതനായ ഒരു പുരോഹിതൻ എഴുതിയ പ്രാർത്ഥനയാണ് 'വെളിച്ചമേ നയിച്ചാലും' എന്നത്. പതിന്നാലാം നൂറ്റാണ്ടിലെ വിജയനഗരസാമ്രാജ്യത്തിന്റ ഒരു ശിലാലിഖിതത്തിലാണ് 'ലോക സമസ്താ സുഖിനോ ഭവന്തു' എന്ന വാക്യം രേഖപ്പെടുത്തിയിട്ടുള്ളത്. പുല്ലിലും പൂവിലും പുഴുവിലും കിളിയിലും വന്യജീവിയിലും വനചരനിലും ജീവബിന്ദുവിൻ അമൃതം തൂകിയ ലോകപാലകനുവേണ്ടി മതനിരപേക്ഷമായ പ്രാർത്ഥനാഗാനം രചിക്കുമ്പോൾ പി . ഭാസ്കരനിൽ എന്തെല്ലാം സാംസ്കാരിക പ്രചോദനങ്ങളാണ് സ്പന്ദിച്ചിരുന്നത് ! അദ്ദേഹത്തിൻ്റെ ജന്മശതാബ്ദിയിൽ അദ്ദേഹമെഴുതിയ ലോകോത്തരമായ ഒരു പ്രാർത്ഥനാഗാനത്തെ സ്മരിക്കുകയാണ് ദില്ലി -ദാലി . ഒരു ഗാനത്തെ മുൻനിർത്തിയുള്ള ചില ചിന്തകൾ ആണിത്. പി . ഭാസ്കരൻ എഴുതി പുകഴേന്തി സംഗീതം നൽകി എസ് . ജാനകി പാടിയ ആ ഗാനവും ഈ പോഡ്‌കാസ്റ്റിൽ ഉൾപ്പെടുത്തിയിരിക്കുന്നു സ്നേഹപൂർവ്വം എസ്‌ . ഗോപാലകൃഷ്ണൻ 14 June 2023 https://www.dillidalipodcast.com/