അവനിയുടെ മകളുടെ മരണവും ആധുനികമനുഷ്യന്റെ പരിമിതികളും Dilli Dali 28/2021
Episode description
അവനിയുടെ മകളുടെ മരണവും ആധുനികമനുഷ്യന്റെ പരിമിതികളും
മൂന്നുവർഷങ്ങളായി ആ പെൺകടുവയെ മനുഷ്യൻ വേട്ടയാടാൻ പഠിപ്പിച്ചു . അവൾ അവനിയുടെ മകൾ എന്നറിയപ്പെട്ടു . നരഭോജിയായ 'അമ്മയെ സുപ്രീം കോടതിവിധിയാൽ വെടിവെച്ചുകൊല്ലുകയായിരുന്നു . അപ്പോൾ മനുഷ്യന് അറിയില്ലായിരുന്നു പത്തുമാസം പ്രായമുള്ള രണ്ടു കുഞ്ഞുങ്ങൾ അവനിയ്ക്കുണ്ടായിരുന്നു എന്ന് . മനുഷ്യൻ കുഞ്ഞുങ്ങളെ എടുത്തുവളർത്തി . അമ്മക്കടുവയുടെ ഭാഗം മനുഷ്യൻ അഭിനയിച്ചു . വനത്തിൽ വേട്ടയാടാൻ പഠിപ്പിച്ചു . മൂന്നുവയസ്സായ മകൾ കടുവയെ മനുഷ്യൻ വനത്തിലേക്ക് തുറന്നുവിട്ടു . 48 മണിക്കൂറിനുള്ളിൽ ആ പെൺകടുവ മരിച്ചു . എങ്ങനെ ? ഈ പോഡ്കാസ്റ്റ് കേട്ടാലും .
മനുഷ്യനു മനസ്സിലാകാത്ത വനാന്തരത്തിൽ വനംവകുപ്പിന്റെ നിയമങ്ങളെക്കാൾ നല്ലത് വനനിയമങ്ങളല്ലേ ? അമ്മക്കടുവയാകാൻ ശ്രമിച്ചു പരാജയപ്പെട്ട മനുഷ്യന്റെയും ഒരു കടുവയുടേയും കഥ
സ്നേഹപൂർവ്വം
എസ് . ഗോപാലകൃഷ്ണൻ
ഡൽഹി
മാർച്ച് 16 , 2021