ആറളത്തെ കബീർ ശലഭം 15/2021

നിലാവു വിരിച്ച വെളുത്ത കമ്പളം പോലെ പുഴയ്ക്കു മേലെ പതിനായിരം ചിത്രശലഭങ്ങൾ ...അവയിലൊന്ന് ആറളത്തെ കാട്ടുചെത്തികളിൽ ഒന്നിന്റെ ഇതളിൽ ഇരുന്നപ്പോൾ ഞാൻ ശ്രദ്ധിച്ചു നോക്കി ...കബീർ എന്റെ ചെവിയിൽ പാടി 'എത്ര നേർമ്മയാണ് നിന്റെ വസ്ത്രത്തിന് ! ആരാണ് ശലഭമേ നിന്റെ ഉടയാട നെയ്തത് ? ശലഭത്തിലെ ഏത് മതം? ഏത് ജാതി നീ ?"

ഈ പോഡ്കാസ്റ്റ് ഞാനും ഒരു ചിത്രശലഭവും ഒരുമിച്ച് കുമാർ ഗന്ധർവയുടെ കബീറിനെ കേട്ടതിന്റെ ഓർമ്മയാണ്. ശലഭമേ , നീ എത്ര കരുതലോടെ നിന്റെ നേർമ്മ കാത്തുസൂക്ഷിക്കുന്നു ...ഞാൻ എന്റെ അഹന്തയുടെ മേലാടകൾ എത്ര നിരുത്തരവാദത്തോടെ കൊണ്ടു നടക്കുന്നു ! ഒറ്റ ശ്വാസകോശത്താൽ കുമാർ നെയ്ത ഗാനവസ്ത്രവും .

കേട്ടാലും ഈ പോഡ്കാസ്റ്റ്

സ്നേഹപൂർവ്വം

എസ് . ഗോപാലകൃഷ്ണൻ

ഡൽഹി

06 ഫെബ്രുവരി 2021