277: Pagbabalik-tanaw at Pagtanaw sa Pagbabalik w/ BLKD

Isa si BLKD sa mga pinakahinahangaang battle emcees sa FlipTop Battle League, hindi lang ng mga tagasubaybay nito, ngunit maging ng battle rappers mismo. Nakilala sya sa kanyang matatalim na kataga, mahuhusay na paglalaro sa salita, at matatalinong anggulo laban sa kanyang mga katunggali. 

Pagkatapos ng kanyang mahaba-habang pamamayagpag sa FlipTop, matagal-tagal din siyang naging tahimik sa eksena. Marami na nga ang naghahanap (at naghahamon) sa kanya.  

Sa natatanging episode na ito, kasabay ng anibersaryo ng kapanganakan ni Gat Andres Bonifacio, umupo si BLKD kasama si Ali upang magbalik-tanaw sa kanyang simulain at naging paglalakabay sa mundo ng Hip-Hop at FlipTop; ang kanyang mga napulot na aral at karanasan, kabilang na ang mga pagkakapatda at pagkakadapa; ang malikhaing proseso at pagbuo ng kanyang obrang album na Gatilyo; ang kanyang lagay sa kasalukuyan at mga inaabangan sa hinaharap. 

Natawid na ang harang, at nandito na nga si BLKD. 

Tara. Listen up ‘yo!