#130 Skoðanir Svíþjóðar

Þáttur tvö í Norðurlandaseríu Skoðanabræðra. Í heild sinni aðgengilegur á PATREON - gúglið Patreon Skoðanabræður og borgið svona 500kr á mánuði fyrir endalausan aðgang að endalausri veislu.

Svíþjóð – fyrirmyndarríkið, ólíkt Noregi, sem allir hata. Í Svíþjóð er gott að búa og það getur eiginlega enginn útskýrt af hverju. Hér gera samt fjórir mismunandi sérfræðingar tilraun til þess.

Feðgarnir Jakob Birgisson grínisti og Birgir Hermannsson stjórnmálafræðingur segja frá dvöl sinni í Svíþjóð og rekja sögu þjóðar í stuttu, hnitmiðuðu og ögn bældu máli.

Emma Ástvaldsdóttir viðskiptafræðingur segir frá sænsku samfélagi eins og hún hefur kynnst því í Stokkhólmi frá því á unglingsárum, en þar hefur hún verið með annan fótinn.

Andrea Röfn Jónasdóttir bloggari kveður Svíþjóð eftir þriggja ára dvöl og eitt stykki barnsburð – og það gerir hún með trega, enda frábært land sem má segja ýmislegt um.