Podlediad sgyrsiol arobryn // Award-winning, light entertainment podcast. British Podcast Award winner 2023
Llond trol o straeon yr wythnos yma, bois bach! O linach Cymraeg Dolly Parton, rhaghysbyseb Wicked, araith seremoni raddio Harrison Butker, canlyniad yr ymchwiliad i'r sgandal gwaed ac actorion cwiar ar gyfer rhannau cwiar. Dewch i mewn, mae'r siop ar agor!
Rhwng drama yr Eurovision, y celebrity block list a'r cyfweliad na rhwng Piers a Fiona, mae Mari a Meilir fel dwy felin bupur yn yr wythnos yma. Heb sôn am rhyw ymddangosiad bach ar y teli bocs nos Lun. Dewch i mewn, mae'r siop ar agor!
Cymaint o newyddion i'w drafod yr wythnos yma gan gynnwys y MetGala, cyhoeddiad Y Llais ar S4C, ymgyrch Sara Davies a Coco & Cwtsh i gael Cymru i Eurovision, canlyniad yr etholiadau lleol a llysnafedd malwod... Dewch i mewn! Mae'r siop ar agor.
Da ni'n mynd rownd y byd heno wrth drafod bob dim o Jojo Siwa i Janet, llais yr isymwybod... Mi wnewch chi ddeall pan glywch chi'r sgwrs. Mae'n amser agor y siop!
Doedden ni methu sdopio siarad, RuPaul's Dragrace neu beidio...felly dyma gangen o'n podlediad lle NAD OES rhaid i chi fod yn dilyn y gyfres i ymuno yn yr hwyl. Mae Siarad Siop yn ychwanegiad bach i'n cymuned Cwîns lle fyddwn ni'n trafod materion cymdeithasol a hel straeon o wythnos i wythnos (diwylliant pop yn bennaf). Croeso i'r teulu, Cwîns. Mae'r siop nawr ar agor...
Hir yw pob aros ond dyma ni'r bennod olaf o'r gyfres! Er nad oedd yr enillydd yn sioc, roedd na gymaint i'w fwynhau (a'i feirniadu) yn y bennod. Diolch i chi gyd am wrando, am gefnogi ac am gyfrannu at y sgwrs. Da ni wir yn gwerthfawrogi. Felly am y tro, mwynewch!
Diolch byth am ddoniau stand-up Hannah a Tia neu mi fyse'r bennod yma wedi bod yn siom enfawr. Ydi tasg stand-up yn deg pan nid Saesneg yw mamiaith hanner y Cwîns? Ddylse'r dair Cwîn fod wedi bod yn y gwaelod? Gewch chi glywed beth oedd gan Mari a Meilir i'w ddweud nawr!
Sawl tasg wael arall sydd rhaid i ni ddioddef? Fyse chi wedi rhoi "seveeen" i'r bennod yma? Er gwaetha'r diffyg cynnwys, dydi hynny ddim wedi rhoi taw ar drafod Mari a Meilir.
Roedd y bennod ddiweddaraf yn llawn tasgau amheus - o 'reading challenge' ddi-fflach i sioe gerdd heb sioe. A wnaeth Gothy aros wythnos yn ormod? Ydi cangen 'UK vs The World' yn cael llai o ofal na changhenau arall y gyfres? Mae gan Mari a Meilir ddigon i'w ddweud ar y mater.
Mae hi'n amser snatchgame unwaith eto! Oedd hi'n un llwyddiannus? Wnaeth Jane McDonald a Sinitta lwyddo i achub y llong rhag suddo? Pa wisg gipiodd y fflag, ac a oedd Ru yn rhy galed ar Gothy? Pwyswch play ac fe gewch chi glywed adolygiad Mari a Meilir a llawer llawer mwy.
Ar ôl pennod ychydig fwy rhwystredig, mae Mari a Meilir yn ceisio darganfod be yn union oedd y dasg yr wythnos hon. Doedd y Cwîns fawr callach chwaith! Oeddech chi'n cytuno efo dewis y ddwy Cwîn fuddugol? Beth fyddech chi wedi ei ddewis? Cliciwch 'play' i ymuno yn y drafodaeth nawr.
Tri chynnig i'r Cwîns! Da ni'n cael ein diffethaf yr wythnos hon efo nid un, nid dau ond tri categori ar y runway. Pwy drödd o froga yn dywysog, pwy frathodd yr afal a phwy gafodd eu 'hapus am byth bythoedd'? Wel, pwyswch play ac mi gewch chi glywed y cyfan gan Mari a Meilir nawr.
Da ni methu cadw draw ac mi rydyn ni nol yn gorlifo efo brwdfrydedd a chynwrf am ail gyfres RuPaul's Dragrace UK vs The World. Mae hon yn bennod arbennig, ychydig hirach gan ei bod yn ddechrau cyfres a chymaint i'w drafod! O, mae hi'n braf bod nol.
Mae'r amser wedi dod i goroni brenhines cyfres 5 o RuPaul's Dragrace UK a da ni'n barod amdani... Ychydig yn hwyrach na'r arfer, ond da ni'n mwydro ddigon i'w gwneud hi'n un werth aros amdani. Ar eich marciau, barod...EWCH!
Mae Mari a Meilir yn gytun (am unwaith) mai hon yw pennod orau cyfres 5 hyd yma, ac am bennod yw hi hefyd! Pob cwîn yn llwyddo yn y sialens, llond lle o jôcs da, drama yn y Werkroom a lewks ar y runway yn deilwng o fod yn Fashion Week.
Pwy sydd ddim yn hoff o'r sialens drawsnewid? Troeon cynta mewn sodlau, wigs a cholur a llwyth o straeon twym-galon. Hefyd, mae yna westai arbennig ar y podlediad yr wythnos yma sy'n coroni'r cyfan. Beth sydd ddim i'w hoffi? Wel, dipyn go lew o bethau yn ôl Mari a Meilir.
Roedd na ddigon o ddrama o fewn y dasg a'r bennod yr wythnos hon i gadw Mari a Meilir yn sgwrsio, chwerthin, dadlau a dadansoddi am dros awr. Mae na drafod ffafriaeth, pyjamas a chamelod..! Be well?
Y bennod mae PAWB yn edrych ymlaen amdani. Y dasg sy'n gwthio'r Cwîns i'r eithaf. Ond pa gymeriad oedd eich hoff un chi? Oedd Mrs Doubtfire yn gweithio efo acen o'r 'deep south'? Ddylie Lady C fod wedi gadael y jwngwl? Mari a Meilir sydd wedi bod yn trafod unwaith yn rhagor, gyda digon o caclo bob hyn a hyn.
Mae Calan Gaeaf BRON ar ben felly mae hi'n saff i ni ddweud y gair na. Nadolig! A phwy sydd ddim yn hoff o bantomeim dros gyfnod yr Ŵyl? Ond sgwn i beth oedd barn Mari a Meilir o 'Pant-Oh She Better Don't'? Oedden nhw'n gwgu neu'n dathlu wrth weld y gwisgoedd ar y runway?
Yn y bennod fwya dramatig o'r gyfres hyd yma, ar ochr pwy ydych chi? Wrth i'r dair cwîn sydd eisoes wedi ennill ddisgyn i'r gwaelod, mae'r tensiwn yn tasgu rhwng Banksie, Cara Melle a Vicky Vivacious.
Yn y bennod yma, mae'r dasg grwp pop yn codi nifer o atgofion i Mari a Meilir. Y platforms, y posters a'r girl power! Ond pa grwp roddod yr "ick" i "yum" y ddau? 'Sgwn i pa cwîn ddeniadol sydd wedi rhoi dipyn o benbleth i Meilir, a beth sy'n achosi i'r ddau ddweud "weithiau ni'n cytuno a weithiau ni ddim" am y tro cyntaf y gyfres yma?
Mae'r drincs yn llifo bron cymaint a barn Mari a Meilir. Mae yna hen ddigon i'w ddweud am wisgoedd amrywiol y Cwîns, ffrae Tomara a Cara, y gwestai Yasmin Finney...a sgwrs sydyn am atgyfodiad Big Brother!
Mae Rupaul's Dragrace UK yn ei ôl... sy'n golygu ein bod ni nol! Da ni methu aros i ddod i adnabod y criw newydd yma o CWÎNS.
Pennod fach fer yn sôn am bob dim British Podcast Awards. Mi wnawn ni gau'n cegau am y digwyddiad ar ôl hwn, GADDO!
Da ni wedi cyrraedd y ffeinal - ac am ffeinal oedd hi hefyd. Gwisgoedd, aduniadau, dagrau, megamix a'r lipsync i guro POB lipsync. Gwisgwch eich gwregys, mae hi'n dipyn o rollercaster!
O ystyried ei bod hi'n bennod gyn-derfynol, doedd na fawr o dân yn yr her gomedi yma yn anffodus. Yng ngeiriau'r anfarwol Trinity the Tuck, "where are the jokes?" Ond roedd na well siap ar y runway wrth i'r cwîns arddangos eu giwsgoedd punk fwyaf pwreus. Ydych chi'n hapus efo'r bedair sydd yn mynd i'r ffeinal?
Er mor braf oedd gweld Mother Ru yn ôl yn ei sedd, doedd hynny dal ddim yn ddigon i dynnu sylw oddi wrth y sgript ofnadwy ar gyfer y dasg yr wythnos yma. Llanast llwyr! Ydi'r cwîns eraill yn dechrau cornelu Jonbers? Oedd Pixie wir yn crïo? Ydych chi'n cytuno efo canlyniad y lipsync? Oedd y looks yna'n anhygoel? 'Sgwn i os ydych chi'n cytuno efo Mari neu Meilir...?
Ble'r aeth y Cwîn RuPaul ei hun? Pwy ddewisodd y gân lipsync yna? A ddyliai Boy George fod ar y panel beirniadu? Rhain yw rhai o'r cwestiynnau mae Mari a Meilir yn YSU i'w trafod yr wythnos yma. Sgwn i os fyddwch chi'n cytuno efo barn Meilir neu Mari am y Cwîn fuddugol yr wythnos yma? Wel, i ffwrdd a chi!
Gan ei bod hi'n Galan Gaeaf, dyma ddarn ychwanegol gafodd ei dorri o'r bennod ddiwethaf i chi ei fwynhau tra'n cerfio eich pwmpen neu'n paratoi eich hysgyb. Mwahahaha!
Ma'n gwallt ni di gwynnu ar ôl y Snatchgame yna! Diolch byth bod Cwîn Elizabeth y Cyntaf yn eu plith nhw i achub y llong. Ydi Pixie rhy hunan-dosturiol? Pwy enillodd y lipstink? Nath Danny gynllwynio i newid ei gymeriad? Be sy di hollti barn Mari a Meilir? Wel, cliciwch play a gwrandewch.
