¶ مقدمة وتجربة الميلاد في سوريا
مرحبا أنا تمام من سوريا وهلأ عم تسمع بودكاست Real Syrian Arabic بودكاست عن كل شي بخص اللهجة الشامية والسورية تخديدا أهلا وسهلا فيكم بحلقة جديدة من بودكاست Real Syrian Arabic مثل ما سمعتوا هاللحن المشهور هو غنية Jingle Bells بالعربي وحلقة اليوم رح تكون عن عيد الميلاد والحلقة الجاية رح أحكي لكم عن راس السنة
الحلقة الماضية كانت دسمة وصعبة شوي فرح تكون هاي الحلقة هاسهل واقصر شوي لانو بعرف انكن مشغولين بالاعياد كل عام وانتو بخير بس قبل ما نبدأ بموضوع الحلقة بدي سمعكن ع رسالة وصلتني من صهايب من باكستان مرحبا كيف اشوف اخبارك ان شاء الله مورك بخير انا اسمي صهيب اصلي من فاكستان بس الان وربيان هوني بيدبي بجوز تستغرب يعني ليش يعني عم بحكي معك باللهجة الشامية بصراحة يعني هوني بيدبي محدة بالعلم العربي اللي جدا لانه ما في داعي الكلب يحب اشتركوا في القناة شكرا يا صحيب انبسطت كتير برسالتك
حسب الإحصائيات اللي بشوفها أغلب جمهور البودكاست من أوروبا وأمريكا وأكثر دولة بيسمعوني الناس منها هي ألمانيا وبصراحة آخر شي كنت متوقعه هو أنه توصلني رسالة من حدا باكستاني عايش بدبي بس هذا شي حلو بيدل على أنه في ناس من كل العالم عم تسمع البودكاست وتستفيد منه أنا بصراحة عملته للناس اللي مثلك الناس اللي عم يتعلموا اللهجة الشامية
وبدون يقووا حالهم وما عم يلاقوا مصادر تساعدهم إذا أنتم كمان حابين تبعتولي رسالة صوتية وتسمعوا صوتكم بالحلقات الجاية من البودكاست ممكن تبعتولي إياها على سبوتيفاي أو على صفحتي على الانستغرام أو تليجرام وهلأ منرجع لموضوع حلقتنا مع أنه سوريا بلد أغلب مسلمين بس يوم 25-12 وواحد واحد هنه أيام عطلة رسمية في كتير مسيحيين بسوريا نسبتهم تقريبا 10% وهنه من طواقف مختلفة فمثلا في كاتوليك وسريان وأرمن إلى آخره وعفكرة أقدم كنيسة بالعالم هي كنيسة دورة أوروبوس بالبادية السورية جنب دير الزور
وبعض المناطق مثل بابتومة بالشام بيحس الواحد بأجواء عيد الميلاد فبالعادة في زينة وأسواق ومحلات بتبيع أشياء خاصة بعيد الميلاد أنا مو مسيحي بس بهم أجواء عيد الميلاد وكان عنا شجرة صغيرة بالبيت كنا نزينا وكانوا أهلنا يحطوا لنا هدايا تحت الشجرة عأساس بابا نويل اللي إجا بالليل وحطهم ولما عرفت أنه بابا نويل مو حقيقي كانت أكبر صدمة بحياتي شجرة العيد هي شجرة دائمة الخضرة يعني لونها أخضر طول السنة وبترمز للحياة مثل شجرة الأرز الموجودة على عالم لبنان اللي ممكن تعيش ألاف لسنين وعسيرة لبنان
حسب إحصائية السنة الماضية العيلة اللبنانية هي أكتر عيلة بالعالم صرفت مصاري بوقت عيد الميلاد بمتوسط 2058 دولار وبالمركز الثاني كانت كندا وبالمركز الثالث ألمانيا ومع أنه الأوضاع الاقتصادية بلبنان مثل بسوريا سيئة كتير بس يبدو أنه العيد أهم من أي شيء تاني بالنسبة لللبنانيين
¶ تقاليد الاحتفال وأصل بابا نويل
مثل ما بتعرفوا عيد الميلاد بـ 25 شهر 12 أو كانون الأول والناس بيحتفلوا بعيد الميلاد بليلة 24 كانون الأول يعني قبل بيوم وهذا اليوم منسميه وقفة العيد أغلب الناس بيجتمعوا ببيت حدا من العيلة وغالبا ببيت الجد وفي ناس أحيانا بيحبوا يسهروا بمطعم بيكون في حفلة خاصة مع مطرب وألعاب للولاد وكمان بيجيبوا شخص وبيلبسوا تياب بابا نويل بيوزع هدايا للولاد وفي ناقص خاصة الشباب بيحبوا يجتمعوا ويحتفلوا معرفقاتهم المسيحيين والمسلمين كمان
وممكن يطلعوا مشوار سوا وإذا كانوا بالشام غالباً بيروحوا ع دمشق القديمة باب تومة وباب شرقي لأنه مثل ما حكيت قبل أجواء العيد هنيكة كتير حلوة وفي زينة وأضوية بكل مكان وكمان في كتير مطاعم وكافهات وأكيد في كتير كنايس كمان أكيد هو وقت للعيلة بالدرجة الأولى مع أنه بسوريا أغلب الناس عايشين مع أهلهم أو على الأقل قراب منهم وبيشوفوهن كتير إلا إذا كانوا مسافرين في كتير مغتربين بيحبوا يرجعوا على سوريا بهاي الفترة مع أنه برد وأغلب الناس ما عندهم وسيلة للتدفئة أما بالدول الغربية الموضوع كتير مختلف
عيد الميلاد ممكن يكون الفرصة الوحيدة بكل السنة لحتى يجتمعوا العيال ويشوفوا بعض فكتير في ناس ساكنين بعض عن أهلهم أو حتى قراب منهم بس ما عندهم وقت ليشوفوا عيلتهم بالأيام العادية بالنسبة للأكل والحلو ما في شي مميز بيعملوا الناس بعيد الميلاد ممكن يعملوا أكلات وحلويات عربية أو غربية كل واحد حسب ما بيفضل
يمكن أغلبكم بيعرف أنه بابا نويل هو شخصية خيالية مستوحات من القديس نيكولاس اللي عاش بالقرن الخامس بمنطقة بتركيا وكان يوزع هدايا على الولاد ويساعد الفؤرة والمحتاجين وتوفى بشهر 12 وببعض الدول مثل هولندا وبلجيكا بيعيد لها القديس وبيحتفلوا فيه كان تبادل الهدايا شي شائع بالامبراطورية الرومانية أواخر شهر 12 كجزء من تقوص دينية ولهيك حظرت الكنيسة الكاتوليكية تبادل الهدايا بالقرون الوسطى بسبب أصولها الوسانية
بس بعدين رجعت انتشرت العادة بين المسيحيين بسبب الارتباط به القديس بس شمرة سألتوا حالكن ليش بيلبس بابا نويل أحمر؟ ليش مو أخضر أو أزرق أو أي لون تاني؟ السبب هو شركة كوكاكولا بس شو دخل كوكاكولا بعيد الميلاد؟ بال1931 لاحظت شركة كوكاكولا أن المبيعات بالشتاء شبه معدومة لأن الكولا مشروب بارد والناس بيحبوا يشربوا مشروبات سخنة بالشتاء فقرروا يعملوا دعاية يربطوا فيها الكوكا كولا بشي محبوب للكلب الشتاء وهو عيد الميلاد وطلبوا من رسام يرسم بابا نويل وهو عم يشرب كولا
الرسام استوحى صورة بابا نويل من قصيدة The Night Before Christmas للشاعر الأمريكي كليمن كلارك مور اللي صور بابا نويل على أنه ختيار عنده لحية بيضة وكرش وبيهز مثل الجيلي لما يضحك ورسموا لابس أحمر مثل علبة الكوكاكولا وفعلا زادت المبيعات وصارت الشركة تستخدم بابا نويل بإعلاناتها لما أسمع كلمة عيد الميلاد
¶ أغاني الميلاد ومصادر تعلم جديدة
أول شي بيخطر ببالي هو البرد والكنكنة هالكلمة يمكن ما سمعتوها من قبل رح أشرحها بآخر الحلقة فخليكن معي إعلان ما بيكمل عيد الميلاد بدون الأغاني أكيد الأغاني المشهورة بكل العالم مشهورة هون كمان ومنسمعها على الراديو بس في كتير فنانين عرب عملوا أغاني لعيد الميلاد مثل فيروز وماجي دارومي ويارا وغيرهم كتير في منهم علحن أغاني أجنبية مثل الغنية اللي سمعتوها ببداية الحلقة وفي منهم أغاني جديدة كليا مع كلمات وألحان أصلية
أنا عملت كتاب في عشرين غرنية من أغاني عيد الميلاد باللهجة الشامية مع الكلمات مكتوبة بالعربي مع التشكيل الضروري ومع الترجمة للإنجليزي ورح يكون مجاناً هدية مني لألكم بمناسبة عيد الميلاد والسنة الجديدة وعملت قائمة تشغيل على اليوتيوب وعى السبوتيفاي كمان لحتى تقدروا تسمعوا هاي الأغاني وتقروا الكلمات من الكتاب بنفس الوقت ورح يكون في كتاب تمارين ممكن تشتروا إذا عجبكم الكتاب وحابين تتمرنوا أكتر وتحسنوا العربي طبعكم مع هالأغاني فيه تمارين لعشرة من أغاني الكتاب هنه تمارين صح أو غلط
وتمارين على الكلمات مرادفات عكوس جموع وكمان بكل غنية في شرح لقاعدة وتمارين عليها بدي خبركن كمان انه ملف هالحلقة استثنائيا رح يكون مجاني بمناسبة الاعياد ممكن تحصلوا على كتاب الأغاني وملف الحلقة كمان من خلال صفح سياعة buy me a coffee buy me a coffee dot com slash syrian arabic ورح أترك لكم الروابط بصندوق الوصف وبدي اذكركم كمان انه من هون ورايح رح نزل حلقة كل يوم ثبت والثبت اللي بعده رح يكون في اجتماع عن نفس موضوع الحلقة الاجتماع حاليا مجاني لحتى تسجلوا على الاجتماع
فيكن تعبوا الاستمارة الموجودة عموقعي is.gd slash syrian arabic ولحقوا حالكن لأن الأماكن محدودة خمس أو ست أشخاص بالكتير منشان كل حدا يكون عنده وقت لا يحكي الاجتماعات كلها رح تتسجل وتنزل على اليوتيوب ففيكن تشوفوها بعدين حتى لو ما حضرتو
¶ شرح المفردات وخاتمة الحلقة
اذا ما فهمتوا كل شي هذا شي طبيعي لا تاكلوهم رح اشرح اهم الكلمات وفيكن بعد ما تسمعوا الشرح ترجعوا تسمعوا الحلقة مرة تانية هيك رح تفهموا أكتر وهلأ مثل العادة رح أترككن مع شرح لأهم الكلمات اللي مرت بحلقة اليوم شرح المفردات مشغولين مشغول عنده شي مهم يعمله وما عنده وقت ليعمل شي تاني عكس فاضي
الإحصائيات جمع إحصائية هي حقائق وبيانات مأخوذة من دراسات جمهور الناس اللي بيسمعوا أو بيشوفوا برنامج أو مسلسل أو بودكاست إلى آخره يقوه حاله الفعل قوه بقوه حاله يعني بيعمل جهد ليصير أقوى وأحسن مغتربين مغترب حدا عايش بالغربة يعني عايش ببلد تاني غير بلده ويمكن اسمه غربة
لأنه بيكون الشخص غريب بين الناس بالبلد الجديد وسيلة طريقة وفي مثل معروف بيقول الغاية تبرر الوسيلة مقابله بالانجليزي The end justifies the mean مشوار طل على برا غالبا مع الرفقات ممكن تكون عمطعم أو عكافي أو بس تمشاي أجواء الجو العام والشعور والمزاج والأشياء المرتبطة بوقت أو مكان معين كنايس جمع كنيسة
وهو مكان العبادة الخاص بالمسيحيين خيالية خيالي مو حقيقي شي حدا فكر فيه وتخيله شائع معروف وفيه كتير ناس بتعمله حذرت الفعل حذر بيحذر منع وكمان بتجي بمعنى عمل بلوك لحدا أو بلك عوسائل التواصل الاجتماعي شبه معدومة معدوم مو موجود صفر شبه معدوم يعني تقريبا مو موجود كرش
بطنه مدور وطالع لبرة بسبب الشحوم المتراكمة بهالمكان وفي مثل بيضحك بيقول الرجال بدون كرش ما بيسواقرش الكنكنة هي كلمة منستخدمها لنوصف شعور الدفا والراحة وأجواء فصل الشتاء وهي لما الواحد يتغطى ويظل قاعد وما يتحرك وبتشبه شوي كلمة هيغو المشهورة باللغة الدنيماركية وهيك بتكون خلصت حلقتنا لليوم بتمنى تكون عجبتكن واستفدتوا منا إذا عندكن أي أسئلة أو اقتراحات أو أي شي حابين تحكو ممكن تبعتولي إيميل على real.syrian.arabic او ممكن تبعتولي رسالة صوتية على سبوتيفاي رح اترك الرابط بصندوق الوصف
ولا تنسوا تتابعوني على وسائل التواصل الاجتماعي فيسبوك، انستغرام، تيليجرام ويوتيوب وإذا حابين تاخدوا دروس معي زروا موقعي استنوني بحلقة جديدة ومع السلامة you