¶ مقدمة وتعريف ببلاد الشام
مرحبا أنا تمام من سوريا وهلأ عم تسمعوا بودكاست Real Syrian Arabic بودكاست عن كل شي بخص اللهجة الشامية والسورية تحديدا أهلا وسهلا فيكن بالحلقة الثانية من بودكاست Real Syrian Arabic أول شي بدي أتشكر كل حدا دعمني على Buy Me A Coffee وكل حدا دعمني ولو بتعليق أو لايك وكل حدا عطى رأيه بالبودكاست اكيد هالشي بيشجعني كتير لكمل وقدم لكم محتوى متعوب عليه صح اخد مني وقت وجهد كتير بس لما شوف انه في ناس حبوا البودكاست واستفادوا منه بنسى الطعب انا كتير بيهمني رأيكم
لأنه بالنهاية هذا البودكاست لإلكم وحابب إحكي عن المواضيع اللي بتهمكم لهيك بدي أذكركم كمان مرة أنه إذا عندكم أي اقتراحات ممكن تبعتولي على الإيميل أو تكتبولي تعليق أو رسالة على أي صفحة من صفحاتي على وسائل التواصل الاجتماعي وهلأ صار وقت نبدأ بحلقة اليوم جاهزين؟ يلا نبدأ
عنوان الحلقة لليوم متل ما شفتوا هو بلاد الشام مو معقول يكون البودكاست عن اللهجة الشامية وما نحكي عن الدول اللي بتنحكي فيها هاللهجة وبما انه اغلبكن عم يتعلمها فأكيد عندكن اهتمام بالموضوع رح أحكي لكن عن أهمية بلاد الشام وشو الشي اللي بيجمع بين هالدول ومن وين إجت هالتسمية
بلاد الشام هي منطقة بتتضمن أربع دول سوريا، لبنان، الأردن وفلسطين ومن زمان كانت تضم أجزاء من العراق والسعودية وتركيا أهمية بلاد الشام بتجي من موقعها المميز بين القارات الثلاثة آسيا وإفريقيا وأوروبا وما فينا ننكر أهميتها التاريخية فهالمنطقة طلع منا حضارات قديمة كتير
¶ أصول أسماء الشام وسوريا والمشرق
وفيها زرع الإنسان لأول مرة وبنى السفن وركب البحر ومنها طلعت أول أبجدية بالتاريخ وأول نوتا موسيقية أما بالنسبة للإسم شام ففي أكتر من نظرية بتفسر من وين إجاها الإسم النظرية الأولى هي أنه لما كانت بلاد الشام تحت حكم الآشوريين كانوا يعبدوا آلهة كتير أشهرها بعل شاميم يعني إله السماء باللغة الآرامية
اللي هي لغة سامية مثل اللغة العربية وعلى فكرة حتى لهلأ في ناس بسوريا لسه بيحكوا هاللغة الأديمة فسموا المنطقة على اسم الإله شاميم ومع الوقت صار اسمه بلاد الشام وشام بالأرامي يعني سماء النظرية الثانية بتقول إنه هالمنطقة كانت بالشمال بالنسبة للعرب بسعودية وشام هي اختصار لكلمة شمال وفي نظرية بتقول انه العرب كانوا يشوفوا هالدول بالجانب اليسار والجهة اليسار او الشمال كانت بالنسبة لقلن نذير شقم يعني فعل سيء فسموها شقم
وبعدين اختفت الهمزة وصارت شام وفي نظريات تانية بس بصراحة ما اتنعت فيها كتير مثلا انه الاسم اجا من كلمة شامة لانه اهل هالمنطقة عندن شامات كتير او من الشم بسبب الريحة الحلوة والمميزة من الياسمين بسوريا والأرض بلبنان والبردقان بفلسطين أما كلمة سوريا فهي جاية من سيريا اللي هو الاسم اليوناني القديم للمملكة الآشورية
ومع الوقت صارت أشوريا وبعدين سوريا وبالإنجليزي كلمة Levant اجت من كلمة Levant الفرنسية اللي معناها Rising بالإنجليزي لأن الشمس بتشرق من الشرق وكلمة Orient مشتقة من الكلمة اللاتينية Oriens يعني الشرق واللي بيقابلها بالعربي كلمة المشرق واللي بيشمل بلاد الشام بالإضافة للعراق ودول شبه الجزيرة العربية
¶ وحدة ثقافية وتحديات معاصرة
يعني دول الخليج واليمن الشي اللي بيجمع دول بلاد الشام هو انهم بيحكوا لهجات متشابهة في ناس بيعتبروها لهجة واحدة وفي ناس بيصنفوهم ضمن مجموعتين اللهجات الشامية الشمالية اللي بتشمل سوريا ولبنان واللهجات الشامية الجنوبية اللي بتشمل فلسطين والاردن بس الحقيقة انه بكل دولة من هالدول في كتير لهجات كل مدينة وكل قرية ممكن يكون الى لهجة خاصة فيها
بس بالنهاية نحن منحكي لغة وحدة وأكيد منفهم ع بعضنا ممكن أحيانا يكون في اختلاف بسيط باللفظ أو كلمات مختلفة وهالشي أحيانا ممكن يعمل سوء تفاهم بسيط بس هالكلمات نادرة وبالمناسبة نحن باللهجة السورية لما نقول الشام غالبا قصدنا مدينة دمشق الشي اللي بيجمعنا غير اللهجة هو العادات والتقاليد والاكل اكيد بالمناسبة يمكن أعمل حلقة خاصة عن الأكل لأن مطبخ بلاد الشام معروف عالمياً وبتوقع رح يهمكم الموضوع تاريخياً كانوا هالدول دولة وحدة بس تقسموا بعض الحرب العالمية التانية
بعد ما سقطت الدولة العثمانية وللأسف مع كل هالأشياء المشتركة فيه لسه كتير حواجز بيننا ومع كل هالأهمية والحضارات اللي طلعت من هالمنطقة اليوم بتعاني من مشاكل كتيرة ما رح احكي عنهم لأنه أكيد كلكون بتعرفوهم بس بتمنى يجي يوم ويعيشوا أهل هالبلدان بسلام وسعادة إن شاء الله ما مليتوا أو حسيتوا أنه عم عاطي درس التاريخ أو جغرافيا وهلأ صار الوقت لنروح الفقر اللي بعدها شاركوا معي
¶ تفاعل المستمعين وشرح المفردات
بهاي الفقرة رح أسأل سؤال وبالحلقة اللي بعدها رح أختار إجابة أو إجابتين وإقراهن أو شغلن بالحلقة بالحلقة الماضية سألت ليش عم تتعلموا العربي واللهجة الشامية بشكل خاص؟ وهات كان جواب سالومي من ألمانيا أنا معلمة بعطي دروس عن الكتاب المقدس بدون أشر كنت أعطي الدروس بالألماني والإنكليزي ولما إشوا ناس كتير من سوريا عالمانية كان بدي ساعاتهم لتعرفوا أكثر عالكتاب المقدس والثقافة الألمانية But for me, I don't know what I'm saying, but I'm not sure what I'm saying in Arabic.
was ta'arraffet annaas sta'at ketia wa baat minnun sa'aru rif'aati biturusna finnaas min kullal dual شكرا للك يا سالومي عندما قلت اللغة الأم كانت المفتاح لألبهم ذكرتيني بالمقول الشهيرة لنيلسون منديلا إذا حكيت مع واحد بلغة بيفهمها الحكي بيفوت عقله إذا حكيت معه بلغته الحكي بيفوت عقلبه وسؤال حلقة اليوم هو شي مرة زرتوا دولة من دول بلاد الشام اي دولة كانت وكيف كانت تجربتكن واذا لا
شو الدولة اللي حابين تزوروها وليش؟ إذا حابين تجاوبوا على هالأسئلة فيكن تبعتولي إيميل أو رسالة عصفحة من صفحاتي عمواقع التواصل الاجتماعي ممكن تكتبوا أو حتى تحكوا وأنا رح أقرأ أو أشغل إجابة أو تنتين بالحلقة الجاية إذا ما فهمتوا كل شي هاد شي طبيعي لا تاكلوهم
رح اشرح اهم الكلمات وفيكن بعد ما تسمعوا الشرح ترجعوا تسمعوا الحلقة مرة تانية هيك رح تفهموا اكتر فيكن تشوفوا تفريغ الحلقة كلها مع الترجمة للانجليزي بملف الحلقة موجودة على موقعي رح حط الرابط بصندوق الوسص وهلأ مثل العادة رح اترككم مع شرح لأهم الكلمات اللي مرت بحلقة اليوم شرح المفردات شي متعوب عليه يعني شي الواحد تعب عليه وعطاه من وقته وجهده مو معقول يعني مو ممكن أو مستحيل وهون مو معقول ما نحكي يعني لازم نحكي ولابد نحكي بتضم يعني بتحتوي أو فيها وبتشمل كمان نفس الشي موقع يعني مكان
وممكن يكون موقع على الانترنت كمان مننكر يعني ما منعترف او ما منعتبر هالشي موجود نظرية هي فكرة بتشرح سبب ظاهرة او اي شي مثل نظرية الانفجار العظيم بتفسر يعني بتشرح أو بتوضح السبب نذير شقم أو فعل سيء يعني الشي بيجيب حظ مومنيح أو بيجيب النحس اختفت يعني راحت أو بطلت موجودة
اتنعت يعني كنت متأكد انه هالشي صحيح شامي هي نقطة صودة ممكن تكون بأي مكان على الجسم وخاصة على الوجه وهالشي بيعتبر من علامات الجمال سوء تفاهم هو موقف فيه شخص بيفهم شخص تاني غلط وهالشي ممكن يعمل مشاكل أحيانا تأسموا يعني تفرقوا وصاروا أجزاء بعد ما كانوا واحد وهيك بتكون خلصت حلقتنا لليوم بتمنى تكون عجبتكن واستفدتوا منها إذا عندكن أي أسئلة أو اقتراحات ممكن تبعتوها على الإيميل ولا تنسوا تتابعوني على وسائل التواصل الاجتماعي صفحتي على فيسبوك وإنستغرام وقناتي على يوتيوب وتليجرام
وإذا عجبكم محتوي وحبين تدعموني وتدعموا البودكاست فيكن تعاملوا هالشي على buymeacoffee.com slash syrian arabic بكون ممنونكم حتى لو أي مبلغ بسيط ممكن يعمل فرق استنوني بحلقة جديدة ومع السلامة