¶ التعريف بالمضيف والرحلة التعليمية
مرحبا أنا تمام من سوريا وهلأ عم تسمعوا بودكاست Real Syrian Arabic بودكاست عن كل شي بخص اللهجة الشامية والسورية تحديدا أهلا وسهلا فيكن بالحلقة الأولى من بودكاست Real Syrian Arabic بهالحلقة رح أحكي لهم عني وعن البودكاست بشكل عام مين أنا وشو هذا البودكاست وعن شو رح أحكي فيه كل هالأسئلة وأكتر رح جاوب عليهم بهالحلقة
خليكن معي يمكن تكونوا بتعرفوني من الفيسبوك أو من قناتي على التليجرام وممكن تكونوا طلابي أو ممكن ما بتعرفوني أبدا رح أعرفكن عحالي بكل الأحوال أنا اسمي تمام من سوريا من مدينة دمشق عاصمة سوريا عمري 24 سنة وأنا طالب طب بالسنة الأخيرة بجامعة دمشق
وبنفس الوقت أنا أستاز لللهجة الشامية صر لي أكتر من سنتين بدرس اللهجة الشامية للأجانب وعندي طلاب من دول مختلفة يمكن عم تسألوا حالكم شو دخل الطب بتدريس اللغات؟ معكم حق تتساءلوا وبصراحة العلاقة مو كتير واضحة فرح احكي لكون شو القصة لما كنت بالسنة التالتة بالجامعة قررت بلش اتعلم اللغة الالمانية منشان سافر على ألمانيا بعد ما أتخرج واشتغل هونيك لأنه في طلب كبير على الأطباء بهالبلد المهم لما بلشت أتعلم ألماني سمعت بشي اسمه تاندم أو تبادل لغات
تاندم هي البسكليت اللي بيركبها شخصين وبيدوسوا سوا وبيتساعدوا بس هون المقصود فيها انه شخصين بيتعاونوا وبيساعدوا بعضهم لحتى كل واحد يتعلم لغة الثاني يعني مثل ما منقول بالشامي حكيلي لحكيلك على فكرة هالمثل موجود بالانجليزي كمان خلينا نرجع لقصتي مع التدريس حاولي تدور على ناس بالانترنت بيحكوا ألماني وبدون يتعلموا عربي وفعلا لقيت
واستغربت انه في منهم كان بدون يتعلموا اللهجة الشامية والسورية بالتحديد فصرت ساعد هالناس وحسيت انه شي كتير حلو انه الواحد يساعد الاجانب يتعلموا لغته واكتشفت كتير شغلات بلغتي ما كنت بعرفها لأنني ما كنت فكر فيها وفيما أقول كتير بحبة للكاتب الألماني المشهور Goethe بتقول
يعني اللي ما بيعرف اللغات الأجنبية ما بيعرف شي عن لغته وفعلاً هالاقتباس بلخص قصتي مع تعلم وتعليم اللغات قررت بعدين أني بلش درس اللهجة الشامية للأجانب قلت لحالي منه بتعرف عناس من كل العالم ومنه بشتغل وبجمع مصاري وبمول الفيزا وسفرتي على ألمانيا وفعلا كان قرار بمحله وما ندمت عليه أبدا بالعكس تمنيت لو خطرت لي هالفكرة من قبل تعرفت ع طلاب من مختلف أنحاء العالم لوافعهم لتعلم العربي واللهجة الشامية بالذات كانت مختلفة مثلا في منهم أصلهم عربي وعندهم أرايب بدهم يحكوا معهم
في منهم عندهم رفقات عرب أو حتى متزوجين عرب وفي منهم حبوا السقافة العربية وعندهم اهتمام بدول بلاد الشام بشكل خاص وانتو شو الشي اللي خلاكن تتعلموا اللغة العربية واللهجة الشامية بالذات؟ كتبولي بالتعليقات أو بعثولي إيميل وأنا رح اختار تعليقات وإقراها بالحلقة الجاية
¶ أهداف البودكاست ومحتواه المستقبلي
على فكرة أنا كتير مهتم باللغات غير العربي بحكي إنجليزي وفرنسي وألماني وحابب أتعلم لغات تانية كتير مثل الإسباني والإيطالي والروسي بس للأسف ما عندي وقت لهالشي حالياً أبداً أنا كتير مشغول عندي دراسة وعندي دروس العربي بس مع هيك قررت أعملكم هالبودكاست لأنه بعرف أنه ما في كتير مصادر لللهجة الشامية على الإنترنت وهلأ صار الوقت لخبركم عن شو رح أحكي بهالبودكاست أكيد ما رح أحكي لكم عن حالي كل مرة في كتير أفكار ببالي
فرح خليها مفاجأة بس رح أقلكن بشكل عام أنه رح أحكي عن مواضيع مختلفة ومتنوعة عن سوريا والعادات والتقاليد والثقافة العربية وممكن أحكي لكن عن شخصيات مشهورة بالعالم العربي وممكن كمان أعمل مقابلات مع ناس سوريين أو حتى أجانب بتمنى يكون المحتوى مفيد وممتع وأكيد إذا عندكن أي أفكار أو اقتراحات لمواضيع حابين أحكي عنا ممكن تبعتولي على الإيميل أما بالنسبة لإسم البودكاست Real Syrian Arabic فأنا اخترت هالإسم لأنه رح حاول أقدم محتوى حقيقي وطبيعي مو مصطنع مثل المحتوى اللي بتلاقوه بالكتب التعليمية
ما بدي اطول عليكم اكتر من هيك ورح حاول ما تكون الحلقات كتير طويلة يعني هيك شي عشر دقايق او ربع ساعة منشان ما تملوا ورح حاول اعمل حلقة كل اسبوع او كل اسبوعين حسب وقتي وكمان حسب تفاعلكم اذا شفت انه في كتير ناس سمعوا الحلقة وحبوها اكيد رح اتشجع اني نزل حلقات اكتر
¶ شرح مفردات الحلقة والموارد
قربت الحلقة تخلص بس بدي ألكن أنه فيكن تحملوا ملف PDF في التفريغ تبع هاي الحلقة مع أهم الكلمات اللي وردت بالحلقة مجانا رح حط الرابط بصندوق الوصف وهلأ رح أشرح أهم الكلمات اللي مرت بالحلقة بالعربي ورح أكتب معنى الكلمات بالإنجليزي كمان بالملف بجدول بالأخير شرح المفردات خليكن معي يعني ضلوا معي ولا تروحوا عمكان تاني وانتبهوا شو رح احكي شو دخل يعني شو العلاقة أو شو الرابط؟ لما قلت شو دخل الطب بتدريس اللغات؟ يعني شو علاقة الطب بتدريس اللغات؟ حكي لي لأحكي لك
هذا المثل مثل ما قلت لكون موجود بالانجليزي واللي هو والمقصود فيه مقولة يعني شي قاله حدا ونشهر بعضين اقتباس تقريبا نفس الشي مثلا اقتباس من فيلم او من كتاب بلخص يعني بقول شي باختصار وبكلمات قليلة فيه معقولة بالفصحة بس منستخدمها بالعامية كمان بتقول خير الكلام ما قلة ودل يعني أحسن شي بينحكى هو الشي اللي بيعطي معنى بأقل الكلمات منو ومنو يعني من جهة ومن جهة تانية لما قلت منه بتعرف عناس من كل العالم ومنه بشتغل يعني من جهة بتعرف عناس من كل العالم ومن جهة بشتغل بمول يعني بجمع مصاري لحتى اقدر اعمل شي معين
بها الحالة السفر على ألمانيا بمحله لما قلت القرار بمحله يعني القرار كان مناسب أو كان صح خطرت لي الفكرة يعني اجتني الفكرة صار الوقت يعني إجا الوقت أو آن الأوان في كتير أفكار ببالي يعني عندي كتير أفكار وعلى فكرة كلمة بال إلى كتير معاني رح أحكي لكون عنا بعدين التفريغ يعني الكلام المكتوب واللي فيكن تقرؤوا بالملف اللي حكيت لكون عنه الكلمة الأخيرة لليوم وردت
¶ التواصل والدعم الختامي
يعني إن ذكرت أو مرت. وهيك بتكون خلصت حلقتنا لليوم. بتمنى تكون عجبتكن واستفدتوا منا. إذا عندكم أي أسئلة أو اقتراحات ممكن تبعتوها على الإيميل real.syrian.arabic.gmail.com ولا تنسوا تتابعوني على وسائل التواصل الاجتماعي صفحتي على فيسبوك وإنستغرام وقناتي على يوتيوب وتليجرام وإذا عجبكم محتوي وحبين تدعموني وتدعموا البودكاست فيكم تعاملوا هالشيء على buymeacoffee.com slash syrian arabic بكون ممنونكم حتى لو اي مبلغ بسيط ممكن يعمل فرق استنوني بحلقة جديدة ومع السلامة