Vakanzepläng an eng Postkaart (A2)

Wëllkomm zréck an der Poterkëscht!

Haut héiere mir e puer Frënn, déi zesummen eng Vakanz fir de Summer plangen. Duerno lauschtere mir d'Postkaart, déi si aus der Vakanz geschéckt hunn.

Vill Spaass beim Nolauschteren!

---

Transkript:

Dialog

Anna: So, hutt dir scho Pläng fir de Summer?  

Tom: Also ech nach net. Ech géif awer gär an eng Stad goen. Wat denkt dir? 

Lara: Dat kléngt super ! Wuer solle mer da goen ? 

Anna : Wéi wier et mat Berlin ? Do gëtt et vill ze kucken. 

Lara : Hmm, ech war schonn e puer Mol zu Berlin. Ech géif léiwer op eng waarm Plaz goen. 

Tom : Vläicht Barcelona ? Do ass et schéin a waarm. 

Anna: O jo, ech wëll onbedéngt d’Sagrada Familia gesinn! 

Lara: De Park Güell ass och impressionant. A mir kënnen op d’Plage goen an am Mier schwammen. 

Tom: Ma tipptopp! Wou solle mer iwwernuechten? 

Anna: Ech proposéieren eng Jugendherberg. Dat ass bëlleg a mir kënnen nei Leit kenne léieren. 

Lara: Dat ass eng gutt Iddi. A wéi komme mer op Barcelona? 

Tom : De Fliger ass déi bescht Optioun. Dat geet séier.  

Anna : Ech sinn averstan. Ech fueren net gär laang Auto. Wéini fléie mer? 

Tom: Fir mech ass Mëtt August ideal. De 15. August ass Feierdag a mir maachen d’Bréck op der Aarbecht.  

Lara: Perfekt fir mech! Geet dat och fir dech, Anna? 

Anna: Jo, ech hunn de ganzen August Congé a si flexibel. 

Tom : Super ! Ech schloe vir, mir treffen eis de Weekend a buchen alles, éier et ze deier gëtt. 

Lara: Ok! Bis de Weekend! 

Anna: Bis de Weekend! 

Postkaart

E schéine Bonjour vu Barcelona! 

Eis Vakanz ass bal eriwwer a mir hu vill erlieft. D’Wieder war leider net immens. Et huet oft gereent a mir konnten net op d’Plage goen. D’Lara war net frou! 

Dofir si mi a vill Muséeë gaang. Dat huet dem Anna immens gefall. De Picasso-Musée war interessant, an och d’Sagrada Familia war impressionant.  

Eis Jugendherberg war super! Et war ganz gemittlech a mir hu vill Leit aus anere Länner kenne geléiert. Owes si mir zesummen Tapas iesse gaang oder hunn an der Jugendherberg gekacht. 

Mir freeën eis schonn, iech alles z’erzielen a Fotoen ze weisen! 

Léif Gréiss 

Anna, Lara an Tom