22 Jun 2013

'n Woordeboeksamesteller het 'n taai werk, maar as daar passie by betrokke is dit 'n pure lekkerte. Dis dan ook so met professor Ernst Kotzé van Port Elizabeth, voorheen van die Nelson Mandela Metropolitaanse Universiteit. Hy het al 'n Afrikaans/Zoeloe woordeboek die lig laat sien, maar dis sy projek om 'n Afrikaans/Japans woordeboek saam te stel, wat sy trots is. Die projek en navorsing hou hom al langer as 13 jaar besig en behels ook 'n grammatika-handleiding wat terselfdertyd sal verskyn. Veronica Fourie het in die Baai met hom gesels oor sy liefde vir hierdie Oosterse taal en kultuur.