الهدف الأساسي من البودكاست هو إكسابك حريه التصرف وفقًا للمعتقدات الأنسب لذاتك الحقيقيه وأهدافك لأن مش كل الناس تقدر تختبر رحله علاج نفسي مع معالج، فأعتبر ده اجتهاد مني اني اساعدك تطلع أو تطلعي لقدام في حياتك : )
العلاقات الاعتمادية ممتعة جدًا على فكرة! ليها نشوة بنت لذينة بس بتجيبنا أرض وبتخسرنا نفسنا، هي دي الفكرة : ) الانسانة الجميلة اللي بعتت السؤال أنا مقدرها وهشاركها بصراحة غلسة شوية أنا شايف ايه : ) Support the show www.instagram.com/muhammadhazem/ www.tiktok.com/@muhsherif
قاعدين في أمان الله...اختبرنا محفز ضرب مشاعرنا وأفكارنا لأقصى حد وبقينا بنتصرف بعدم اتزان وصواب. هو ده اثر الصدمات النفسية علي حياتنا في الحاضر! تعالى نتكلم عن ده شوية : ) Support the show www.instagram.com/muhammadhazem/ www.tiktok.com/@muhsherif
اوعى الخازوق! أهلًا بيكي في الحياة يا اختاه! طيب نتكلم بجد علشان الاستاذة اللي سئلت السؤال غضبانة ومحبطة وانا مقدر ده ومريت بيه كتير واحب اقولك كلام كتير...... Support the show www.instagram.com/muhammadhazem/ www.tiktok.com/@muhsherif
ايه الحلاوة دي! سؤال حلو، والاجابة اه ولا! حسب مفهومك عن الضمانات وهل انتي متعلقة بشكل معين في العلاقات والمكاسب لو حصل الله عليك يا تعافي ولا لا اقسم بالله ما لاعبة ولا لا! تعالى ناخد وندي بشكل ودي عن السؤال الفلسفي ده! Support the show www.instagram.com/muhammadhazem/ www.tiktok.com/@muhsherif
سؤال استوقفني شوية وقعدت افكر ايه اللي وراه...ليه شخص ممكن يكون هدفة انه ميتأثرش على مستوى الشعور بأي حاجة بتحصل حواليه؟ هل اللي محتاجة اني اديله وصفة سحرية تحقق ده (مفيش والله) ولا نفكر في اللي وراء السؤال؟ خلينا نفكر مع بعض في اللي ورا السؤال... Support the show www.instagram.com/muhammadhazem/ www.tiktok.com/@muhsherif
كلنا أشخاص مكسورين بشكل أو بأخر وفي مننا اللي بيشتغل على نفسه ويحاول يتشافى وفي اللي التراما بتاعته سايقاه تمامًا! الأشخاص دول في منهم أهاليًنا وقرايبنا وصحابنا وناس بتجمعنا بيهم صلة بتصعب علينا معرفة ايه التصرف " الصح! " تعالى نتكلم عن ده شوية Support the show www.instagram.com/muhammadhazem/ www.tiktok.com/@muhsherif
التشكيك في نواياك بشكل مزمن وراه قصة...وراه صوت خايف عليك تصدق انك كويس لتطلع منافق! بيحاول يحميك بأنه يعيشك في حالة انكسار وعدم ثقة مزمنة، منطق مبهر للغاية! بس كتير مننا بيعاني منه بقدر ما ودايمًا صدماتنا هي اللي بتنسج الجزء ده جوانا...تعالى نتكلم عن ده شوية! Support the show www.instagram.com/muhammadhazem/ www.tiktok.com/@muhsherif
سؤال جالي ومن الواضح اللي سئله عايش في معاناه محترمة بس سؤال منطقي! ليه؟ ليه كل الألم والوجع ده علشان كلام مستفز عن النمو والنضج! يا اخي *** ! هو الموضوع صعب فعلًا بصراحة.... تعالي نتكلم بصدق في ده! Support the show www.instagram.com/muhammadhazem/ www.tiktok.com/@muhsherif
رمضان وقعة واثره على كل واحد نفسيًا مختلف تمامًا وفي شعور بالثقل والضيق ممكن ينتاب كتير مننا واحنا مش فاهمين ليه ونظن في نفسنا السوء علشان حاسبين بده خاصة لو نفسيًا أحنا بنعاني. تعالى نتكلم عن ده شوية : ) Support the show www.instagram.com/muhammadhazem/ www.tiktok.com/@muhsherif
القسوة علي نفسنا بيحركها خوف...ورغبة حماية من الخطر! ينفع ده يحطنا علي طريق التعافي؟ هل الكبت وممارسة سلوكيات بتملانا من برة ممكن يخلي الدنيا تمام؟ ليه اه وليه لا؟ تعالى ندردش في ده شوية! Support the show www.instagram.com/muhammadhazem/ www.tiktok.com/@muhsherif
أنا وندى اتكلمنا عن السكيما ثيرابي وشوية حاجات تانية! السكيما ثيرابي بتساعدك تفهم أن في شخصيات مختلفة جواك، وكل شخصية منها دوافعها واللي محتاجاه ممكن تبقي محرك لسلوكك. النهج ده في العلاج بيساعدك تبقي مراقب لأنهي جزء متحرك وبيسعي لأيه! وبيساعدك ترجع ال " adult " أو ال " true self " لكرسي القيادة في حياتك اللي هو أنت :) Support the show www.instagram.com/muhammadhazem/ www.tiktok.com/@muhsherif
أدهم من الناس اللي أنا شوفت بنفسي رحلته الشخصية وازاي هو عرف يشتغل على نفسه قبل ما يساعد غيره ودي أكتر حاجة أنا بحترمها فيه. أتمني تبقي الدردشة مفيدة : ) Support the show www.instagram.com/muhammadhazem/ www.tiktok.com/@muhsherif
دايمًا مدى اريحية الشخص مع نفسه دليل بالنسبالي على نضجه وقبوله لنفسه وبنبسط لما الاقي معالج أو معالجة هما نفسهم في رحلة تعافي وعلشان كدة أنا بحترم علياء لأنها حقيقية وشاطرة جدًا في شغلها ما شاء الله، وحبيت الكلام العفوي اللي سجلناه. Support the show www.instagram.com/muhammadhazem/ www.tiktok.com/@muhsherif
وعلشان انا امور وكنت بسجل الحلقة بحاجه مفهاش pause فالحلقة بقيت في شكل ملفين وده الجزء التاني! Support the show www.instagram.com/muhammadhazem/ www.tiktok.com/@muhsherif
عمرو أنا بدأت معاه من ٢٠٢٠ تقريبًا والراجل ساعدني ومش عارف ساعدني ازاي 😎 اعتقد ان هو ساعدني ارتاح ومع نفسي واصدق فيها واطلع من ورا الماسكات اللي اتعودت عليها اكتر من اي حاجه. ده أول جزء من القعده وفيها انجليزي كتير لأن ده اللي احنا متعودين عليه مع بعض، Sorry not sorry 🤓 Support the show www.instagram.com/muhammadhazem/ www.tiktok.com/@muhsherif
أنتي عارفه التعافي عبارة عن ايه؟ " التصديق " في رواية أنسب من رواية الماضي وتعزيز الرواية دي بأفعال بتعبر عن تصديقك فيها. التعافي صعوبته في بساطته وحقيقة ان هو بيتطلب انك تتخطى الحواجز الوهمية اللي عقلك حطهالك بغرض الحماية. تعالى نتكلم عن ده وشوية حاجات تانية! Support the show www.instagram.com/muhammadhazem/ www.tiktok.com/@muhsherif
البحث عن الوصفة المثالية للتخلص من الصدمات الشقية كان هدفي في أول التعافي وهدف ناس كتير، دايمًا تصوراتنا جاية من شدة رغبتنا في التخلص من الألم اللي احنا عايشينة....ده مفهوم وطبيعي بس الدنيا مش بتمشي كدة : ) تعالى نتكلم عن ده وشوية حاجات تانية! Support the show www.instagram.com/muhammadhazem/ www.tiktok.com/@muhsherif
أحنا بننسي بسهولة وأول صوت يبيع لينا طريقة تسكن الألم بنروح معاه على طول! وعلشان كده تثبيت التغيير عملية يومية وبيساعد فيها التمسك بشوية مبادئ، تعالي نتكلم عن شوية! Support the show www.instagram.com/muhammadhazem/ www.tiktok.com/@muhsherif
كل حاجة أنت ممكن تتعود عليها تقدر تتعود على غيرها ومرحلة التثبيت هي حصادك لكل المحاولات اللي وقعت فيها أكثر ما قمت! تعالى نتكلم عن ده : ) Support the show www.instagram.com/muhammadhazem/ www.tiktok.com/@muhsherif
مرحلة التغيير أشبه بلما يبقي عندك لمبه شوية تشتغل وشويه تفصل، مش علي وتيره واحده، لسه بتحاول تعتاد الطرق الجديدة للتعامل مع احتياجاتك ومشاعرك وأفكارك في الانتكاس والطلوع والنزول فيها حتمي...تعالى نتكل عن ده وشوية حاجات تانية : ) Support the show www.instagram.com/muhammadhazem/ www.tiktok.com/@muhsherif
التعافي ببساطة هو الشجاعة أنك تكون ذاتك...ولما تتحلي بالشجاعه دي هتشوف قد ايه أنت محتاج الاتصال بمختلف اشكاله ومن اهمهم رغبتك في الاتصال بالله بمفهوم صحي...تعالى نتكلم عن ده! Support the show www.instagram.com/muhammadhazem/ www.tiktok.com/@muhsherif
التغيير مرحلة فيها نازل وطالع...ومرة تواجه وتتعامل مع مخاوفك وتنبؤاتك بالفشل والهجر ومرة تلسوعك ونتنتكس! تعالى نتكلم عن ده وشويه كمان عن الحيل الذهنية اللي بنلعبها على نفسنا علشان نرجع لسلوكياتنا واحنا عاملين نفسنا مش واخدين بالنا! Support the show www.instagram.com/muhammadhazem/ www.tiktok.com/@muhsherif
في مشاعر معينة لما بتستثار بيجتاحنا ألم مرعب وبيبقي كل اللي علي بالنا ازاي اسكن الألم بأي طريقة....تعالى نتكلم عن المشاعر دي وازاي تفكر في تخفيفها بدون ما ترجع لنفس أنماط التكيف اللي مبهدلة حياتك وصورتك قدام نفسك! Support the show www.instagram.com/muhammadhazem/ www.tiktok.com/@muhsherif
الخوف دايمًا وراه رغبة حماية من الم متوقع....بس الألم المتوقع بيبقي توقع خاطئ مبني على خبرات زمان...فلو عايز تتعافي وتنضج معندكش حل غير أنك تتعامل معاه...تعالى نتكلم عن ده! Support the show www.instagram.com/muhammadhazem/ www.tiktok.com/@muhsherif
المشاعر والأفكار اللي بقالك سنين بتخدرها وبتكبتها بسلوكيات تكيف هتحتاج منك انك تبدأ تتخلي عنها وتبدأ في رحلة بناء طرق جديدة تسرح المشاعر و تسد الاحتياجات بدل ما تكبتها...تعالى نتكلم عن ده! Support the show www.instagram.com/muhammadhazem/ www.tiktok.com/@muhsherif
تعالي نفهم شويه عن مثيرات المشاعر والأفكار بتاعتك ونتكلم عن التعامل معاها علشان ناخد أول خطوه في الطريق وتقدر ترصد اللي بتحرك جواك كل يوم وبيستفز جواك سلوكيات في الأغلب بتزعلك من نفسك... Support the show www.instagram.com/muhammadhazem/ www.tiktok.com/@muhsherif
كلنا بلا استثناء عايزين نتغير ونتعافي بس بنحاول نختبر التغيير بنفس المعتقدات اللي عطلتنا سنين. في الحلقة دي أنا بتكلم عن شويه نقاط هدفها تساعدك تغير نظرتك للتعافي النفسي ومفهوم النمو والتقدم فيه! Support the show www.instagram.com/muhammadhazem/ www.tiktok.com/@muhsherif
في الجزء ده بتكلم بالتفصيل شوية عن ازاي التراما بتخلينا نتفاعل مع العالم على أنه مكان خطر وغير آمن ودايمًا الأذى هبلاقي طريقه لينا وعن ليه ده بيحصل وازاي تبص لنفسك بطريقة أكثر رحمة ومتشفش انك بتدلع! وكمان بجاوب علي شويه اسئله بتتسئلي علي طول! Support the show www.instagram.com/muhammadhazem/ www.tiktok.com/@muhsherif
في الحلقة الأولى بتكلم عن علاقة الاحتياجات النفسيه اللي كنا بكل برائه بنحاول نلبيها واحنا صغيرين و اخدنا على قفانا واحنا بنعمل كده والأفكار والسلوكيات اللي احنا عايشين بيها واحنا كبار. الماضي فهمه هيساعدك توعى لليه أنت بتعمل اللي بتعمله وايه المعتقدات اللي مسؤوله عن سلوكياتك اليومية. Support the show www.instagram.com/muhammadhazem/ www.tiktok.com/@muhsherif
