Dörtigsis san wi üüb suufas, stuuler an sesler tup kimen am mä’nöler tu snaakin, wat bi üs uun a ualdai luas wiar an wat wi för toochter an tips haa (fööraal musiik), wat wi mä jam dial wul. An so föl spoos at maaget hee, skel’f oober uk tujiiw, det wi ei muar nooch tidj an energii haa, am en program tu maagin, wat wi uk hal üüs üüs best program för jam betiakne mei. Diartu skel’f uk üübpaase, det wi uun’t pandemii, wat so ja uk a nerfen al temelk strapasiaret, üüs energii en betj muar üüb üüs ö...
Dec 10, 2020•32 min•Ep. 30
Leew lidj, detheer tidj faan’t juar kön temelk stresig wees an ölers üüs uun a wos of somer as’t nü bütjen goor ei so fein, am een diar ens irgenthuar deel tu saten am deel tu kemen, wan ham det ens rocht puan hee. Wat kön ham diar du? Wi snaake das feer intensiiw am mögelkhaiden, ens rau tu fun uun a ualdai an uk bi’t iinsliapen. Ferlicht sogoor so lung, det jam salew en betj trääd diarbi wurd kön. Wan jam oober wreeken bliiw, do fu jam uun’t ööder hualew faan detheer episood uk en iarsten blak...
Nov 27, 2020•33 min•Ep. 29
An diar san wi nü weler uun en situasjoon, huar uun lidj beeder aran bliiw skul üüs enöler tu draapen. A miasten faan üs haa diarmä uuntesken ja uk erfaaring, man so rocht spoos maaget det jo uk ei imer, tu skypin. Huar bliiw spalen an spoos uun online draapen mä frinjer an familje? Wi haa heer al am escape rooms an exit games snaaket – so wel mä rocht draapen ( tjabelstünj #118 ) üüs uk online ( suufa podcast #009 ). Tja, an auer wi uk bluat gans ianfach lidj san, haa wi do jüst üüs de naist lo...
Nov 06, 20200•Ep. 28
Wi keen neemen, wat Bronski Pedal Steel het, man ferlicht jaft at diar bütjen ja hoker mä dediar nööm. Üüb arke faal wul hi of hat gud tu detheer episood paase, tutmanst wan hi of hat gud aprede küd. Heer gungt at nemelk föl am’t apredin das feer (ei so üüs uun episood nr. 014, Ütjnjokse – das feer wurd lidj diarbi tuluket!). Faan’t snaakin am Babylon Berlin, auer det story am’t musiik faan Bryan Ferry uun detdiar seerie noch ei ütjfertääld wiar, kem wi gliks tu’t naist seerie, huar uun hüsing n...
Oct 22, 2020•36 min•Ep. 27
Detheer episood wurt di präsentiaret faan fein warem deekens an leker tee. Marret as komplet uun a harewst-modus an frööget ham böös diarauer. Hauke kön det ei gans so gud ferstun, uk wan hi al ferstäänt, det a harewst uk det ian of öler fein saag haa kön. Wi konsentriare üs oober föör aal üüb a gemüütelk sidjen faan’t jonker tidj faan’t juar an drem faan fein iidjen an musiik. An entelk snaake wi ei tuföl am’t corona-pandemii. Bluat gans kur an eentelk uk bluat, auer Hauke jüst en spal spelet h...
Oct 01, 2020•39 min•Ep. 26
Marts an september san leewen markant muuner, auer mä jo det warem of det kuul tidj faan’t juar begant. Das juar hee uun a marts oober noch wat gans ölers begand: domools, also föör en hualew juar, san a Corona-beskrenkingen kimen. Wi luke das weg üüb en tidj turag, wat temelk nüürig wiar – ei bluat, am a beskrekingen salew an hör fulgen, man uk auer at gans intresant as, hü ham för seeks of sööwen muun noch auer Corona an Covid snaaket hee an hü’m det nü dee. Man at jaft uk maner bedrüüwin saag...
Sep 18, 2020•36 min•Ep. 25
Efter en letj paus, huar uun wi ei tup kimen san, jaft at entelk weler en stak snaak faan üüs suufas. An det as das feer tatsechelk goor ei imer so lacht an lastig, auer uk en mase luas wiar. Spiitigerwiis uk föl mä nazis. Wan jam jam al fraaget haa, hü’s mä üüs hula-hoop challenge uuntesken ütjschocht, do harke jam woorskiinelk imer trau tu. Föl toonk üüb arke faal diarför! Das weg fu jam gliks tu began en letj update diar am. A jonk sidjen At gungt das weg oober fööraal uk am a jonk sidjen faa...
Sep 04, 2020•36 min•Ep. 24
At wurt nü weler en betj kuuler, oober wi hed at ja temelk hiat auer a fereleden trii weg. Mi persuunelk hee det eentelk gans gud den, oober ik witj nooch, det at föl lidj jaft, wat a temperatuuren goor ei so gud ded. Tatsechelk wiar’t ei bluat heer uun Tjiisklun temelk hiat, uk öler steeden üüb a wäält haa nei hatj-rekorden meldet. An üüs ik diar noch en betj muar recherchiire wul, san ik at aanj bi’t puurt tu a heel uunkimen. Diarmä’t ei tu warem wurt, jaft at oober tutmanst uun üüs playlist h...
Aug 20, 2020•10 min•Ep. 23
Wi san turag faan üüs enkelt urlaubsreisen an wel noch ens turagluke, wat mä blak üüb’t coronapandemii üüb a reisen gud gingen as, huar wi üs seeker fääld haa – an huar ei. För üüs playlist Musiik, wat wi besnaake of ianfach ens widjerdu wel, finj jam uun üüs suufa playlist , wat wi üüb Apple Music an Spotify mä jam dial. Das weg nei diartu kimen: Fonaines D.C. – Televised Mind Bastille – WHAT YOU GONNA DO??? Mattiel – Guns of Brixton To Kill a King – We Used to Protest / Gamble (Accoustic) Beac...
Aug 06, 2020•22 min•Ep. 22
En somrem as’t normoolerwiis tidj för welrenen. Det woorskiinelk bekäändst as was at Tour de France. Man sok en trinjam-renen jaft at ei bluat diar. At jaft tu’n bispal uk pendants uun Spaanien, at Vuelta a España, an uun Itaalien, a Giro d’Italia. Uun a uugenblak schocht at mä ale renen ei so gud ütj, auer uk jo am’t corona pandemii ufsaad of üüb en leeder ponkt amlaanjen wurden san. Hauke luket das weg üüb en histoorisk episood faan a Giro d’Italia, wat bluat gans kurt uundüüret hee: at suart ...
Jul 30, 2020•9 min•Ep. 21
Auer a ferleeden wegen haa wi al en redusiaret program üüb’t suufa hed, oober nü as’t tatsechelk ens tidj för urlaub. Wi snaake das weg am plooner för urlaub an hü det mä urlaub uun corona tidjen auerhood gungt. An wi haa en letj spal, huar Hauke faan toocht, det at gans lastig wees küd. Oober at aanj wiar hi dediar, huar auer laachet wurd. Nei Musiik jaft at uk uun üüs suufa playlist (üüb Apple Music an Spotify) : Porridge Radio & Lala Lala – Good For You Pottery – Under the Wires Panic! At...
Jul 17, 2020•24 min•Ep. 20
Hauke noch ens weler alianing, oober mä nei musiiktips, wat jam üüb üüs suufa playlist uunhiar kön. The Beatles – Come Together Travis – Valentine Steve Gunn & Cass McCombs – Wild Mountain Thyme Frittenbude – Die Dunkelheit darf niemals siegen (feat. Jörkk Mechenbier)
Jul 09, 2020•3 min•Ep. 19
Das weg bluat kurt hög tips för fein musiik, wat jam uk üüb üüs suufa playlist finj: Hinds – Good Bad Times The Flaming Lips – Flowers of Neptune 6 Editors – Last Day Nap Eyes – 2 Kool 2 B 4-Gotten
Jul 02, 2020•6 min•Ep. 18
Diar skul aran de dörnsktepich rianmaaget wurd, man do as’t jüst tup kimen mä detdiar wegaanj, huar’t bluat rinjt an goor niks drüg wurt? Ei so ring, wi sä det ei üüs probleem, man üüs mögelkhaid, ens widjer tu dun, wat wi för jam testet haa: hü ham diarmä dach irgenthü klaar kem kön. Ferlicht hed uk MSN ens bi üs efterfraage skulen, auer diar as uk en mase ferkiard gingen, üüs wi uun’t taz efterlees küd. Diar skul nemelk för’t nachrichten-portaal det redaksjuun ütjbütjet wurd jin en algoritmus....
Jun 18, 2020•21 min•Ep. 17
Mä Marret & Hauke üüb’t suufa #016 faan a 12.06.20 Henwis: detheer episood haa’f leeder üüb’t website den üüs at tu’t iarst feer sendet wurden wiar. At as üüb dediar dai datiaret, huar at tuiarst üüb tu hiaren wiar. Noch ens gungt at am rasismus. An üüs wi al ferleeden feer henwiset haa, kön wi bluat diar am snaake, hü at öler lidj gungt, auer wi priwiligiaret san an nian rasismus jin üs salew belewe. Likes as’t wichtig, det ham det aanj stelung reflektiaret an uk ens auerleit, huaram at üs ...
Jun 11, 2020•15 min•Ep. 16
Mä Marret & Hauke üüb’t suufa #015 faan a 05.06.20 Henwis: detheer episood haa’f leeder üüb’t website den üüs at tu’t iarst feer sendet wurden wiar. At as üüb dediar dai datiaret, huar at tuiarst üüb tu hiaren wiar. Began wi gliks mä’t gratst teema uun a uugenblak: politseigewalt, rasismus an diskriminiaring. Wat en grat probleem as, wan wi diar am snaake, as det wi diarbi dönen ütjklamere, wat tatsechelk bedraapt san – auer wi bialen san üüb arke faal priwiligiaret. Diarauer wel’f üs ianfac...
Jun 04, 2020•14 min•Ep. 15
Ferleeden weg wiar wi al diarbi, hü Marret tuppaaket – nü wurt ütjnjokset. An diar snaake wi uk am. Hü swaar at wees kön, ual saagen wechtudun – uk wan ham jo tatsechelk goor ei brükt. An wat at diar för strategiien jaft, am at dach tu skaafin. Wan do ütjnjokset as, do kön ham tufrees iin uun’t nei aran tji. Wat as oober wichtig, diarmä ham een aran fäält? Uun tau musiikstaken faan Bob Dylan an Tocotronic wurt diarfaan süngen, det lidj bluat ei diarhen turag wel, huar’s grat wurden san. Wi wel e...
May 22, 2020•26 min•Ep. 14
Das weg as weler so en weg, huar det mä’t suufa ei so rocht stemet. Wi sat jo al linger ei muar mäenöler üüb’t suufa, oober das weg as Marret uk witj wech faan’t suufa, huar hat normaalerwiis as. Auer hat ales klaar maaget am amtutjin. Likes haa wi hög minüten tidj hed, am tu tjablin an diarbi ging’t am’t program, wat at das juar uunsteed för de Eurovision Song Contest jaft an am en dai för mam an aatj. At wiar jo jüst mamendai an de aatjendai stäänt uk för’t dör. Diar fraage üs, of an hü det ee...
May 18, 2020•18 min•Ep. 13
Keen jam uk lidj, wat aanj april/began mai gebuursdai haa? Was keen jam hoker. Marret hee üüber de iindrük, det at diar üngewöönelk föl lidj jaft, wat tu detdiar tidj tu wäält kimen san. Kön det wees, det diar tatsechelk föl muar lidj gebuursdai haa? Dach huar nei leewent enstäänt, gungt uk ual leewent tu aanj. Ferleeden weg as Tony Allen, schlagzeuger an mäbegrünjer faan’t afrobeat, störwen. Wi eranre noch kurt am ham am präsentiare fein musiik faan ham. Aü üüb üüs playlist (üüb Apple Music | ü...
May 07, 2020•16 min•Ep. 12
Föör fjauer weg (#007) haa wi al am maskin snaaket. Do haa inisjatiiwen begand, diarför tu werbin, een en maske uuntutjin, wan ham tu äärnin as, huarmä uk gliks a iarst lidj begand haa. Iintesken hee worskiinelk bal arken en maske üübhed, auer ham sant hög daar saner en maske ei muar iin uun’t laaden of persuunennaiferkiar mut. Bi üs gungt at das weg am a iarst erfaaringen mä sok maskin an hög föördialen, wat’s ferlicht uk mäbring. Playlist Diartu haa’f uk fein musiik mä, wat jam üüb üüs playlis...
May 02, 2020•19 min•Ep. 11
„Spelplaatsen ütj üüs jongenstidj“ küd en tiitel för’t autobiografii wees, oober wi men det gans wurdelk: wi wel detheer weg en betj turagluke üüb a spelplaatsen ütj üüs jongenstidj. Det hee en gans ianfachen grünj. Wi haa nemelk mäfingen, det döndiar steeden, huar wi domools fölsis hengingen san an wat irgenthü jo uk föl bedüüdet haa, det jo wilems goor ei muar diar san. Diartu kem wi uk üüb en ual fraage turag, wat wi üs uun tjabelstünj #160 al ens fraaget haa, huaram lidj uun seerien fölsis s...
Apr 29, 2020•24 min•Ep. 10
Letst weg toocht wi noch, det puask eentelk uk ei ölers wurt üüs a öler daar, wat uun a uugenblak föörbi tji. Man do haa wi doch noch wat belewet. Marret hee en Exit Game fünjen, wat ham online spele kön. An diar am snaake wi uk föl – auer at bi Hauke uun san frinjerkris en letj festival jeew, huar üüb beeft öler ponkten uk spelet wurd: nemelk jüst detdiar Exis Game, wat tu liker tidj gans huar ölers uk Marret spelet hee. Doch at as ei at iansigst spal, wat ölers uun en skööl spelet wurd an nü u...
Apr 20, 2020•33 min•Ep. 9
Heer komt jau update faan a wokst an gemüütelkst suufas uun Lübeck an Hamborig. Ferleeden weg haa wi al am sport an iidjen uun’t corona-tidj snaaket an wi wel diar noch ens efterfraage, of uk ales so gung, üüs wi üs det föörstääld haa. At as ja uk gans wichtig, det ham ens luket, hü at a ölern gungt. 0:28 – Hü schocht’t ütj mä a sport? Letst weg haa wi mä’t Hula Hoop Challange begand. Hü schocht at diar ütj? San wi noch gud diarbi, üs tu beweegin? 5:20 – #maskeauf – wat ham gud üüs maske brük kö...
Apr 02, 2020•26 min•Ep. 7
Diar san wi al weler! Faan nü of uun – so lung üüs wi ale aran bliiw skel – jaft at üüs podcast nü arke weg. An wi haa uk en mase tu fertelen. Hula-Hoop Challenge Das weg gungt at föl am beweeging. Det komt uun a uugenblak jo gau uk en betj tu kurt. Diarauer besnaake wi ens, wat ham gud ens du kön of wat wi uk al du. An üüs det so as, jaft at uk gliks en weedstridj: at Hula-Hoop Challenge tesken Marret an Hauke (an arken, wat uk mämaage wal!). (Rocht) iidjen Wichtig as oober ei bluat, een tu bee...
Mar 26, 2020•32 min•Ep. 6
At as en temelk iarnst situasjuun uun a uugenblak. Man wan arken so gud at gungt aran blaft an nian kontakt tu öler lidj hee, küd at werke, det at corona-epidemii ei so grat wurt. Uun det tidj skal ham wel nooch irgentwat du. Wat at diar för mögelkhaiden jaft an wat al ales startet wurden as, diar snaake wi das weg am. Wi haa uk en betj musiik mä diarbi, wat jam üüs leewent üüb üüs suufa playlist üüb Apple Music an Spotify finj kön: Playlist slowthai & Mura Masa – Doorman K.I.Z. feat. Hennin...
Mar 20, 2020•40 min•Ep. 5
Marret as ei diar, wat skal’m do du? Ham küd alianing üüb’t suufa sat an skrial, ham küd een besüp, bit at irgenthü beeder wurt, of ham küd Marret uk ianfach postkoorden skriiw. Das weg jaft at trii postkoorden för Marret mä musiiktips, seerientips an en tupfaading, wat so luas wiar. Playlist Bloodwitch – Fly Captain Beefheart & His Magic Band – I’m Glad Swutscher – Affenkönig Messer – Tapetentür Jam finj det ales üüb üüs suufa playlist üüb Apple Music an Spotify ....
Mar 11, 2020•9 min•Ep. 4
Wi began diar, huar wi ferleeden weg aphäälen haa. Wan wi doch muar mä’nöler snaake wul, do wost wi ferlicht uk, hük staken wi arkes feer tatsechelk üüb üüs playlist du. So as’t nü kimen, det Hauke das weg noch wat tu en stak faan’t letst episood sai wal. Ölers gungt at am termiinen bi a dochtern an det wi spiitigerwiis imer noch föl tu föl mä nazis tu dun haa. 00:08 Noch ens am ferleeden feer: Det stak Green Fields of France (No Man’s Land) , wat Marret uun üüs letst episood rekomendiaret hed, ...
Feb 21, 2020•25 min•Ep. 3
Wi nem jam das weg uk weler mä üüb üüs suufa. Diar gungt at am föl saagen, wat eentelk goorei so gemüütelk an fein san üüs wi heer sat. Tu’n lok haa’f oober uk rocht so gud keeken an istee diarbi. 0:23 | Brexit – Wat hee’m för üs anert? Nü as’t so widj, det Grat Britanien nian dial faan’t EU muar as. Hü wi det belewet haa an wat’m för üs anert hee, besnaake wi. Diarbi spelet uk tee en wichtig rol an en amfraag faan YouGov. A quarter of Brits (26%) – and 41% Leave voters – say they’re bothered wh...
Feb 07, 2020•28 min•Ep. 2
Wi haa üs wat neis auerlaanjen: nü san wi (Marret an Hauke) bluat noch arke öler weg tu hiaren, diarför oober uun en aanj formaat: Mä Marret & Hauke üüb’t suufa . An am wat neis gungt at uk, neemelk am’t nei juar. Det as nü uuntesken goor ei muar gans so nei, oober ferlicht as det uk jüst de rocht moment, am ens feesttuhualen, wat faan det, wat wi üs föörnimen haa, so loket as an wat ei. Auer miast gungt det ja gans gau, det ham sin Vorsätze do breecht. Diartu rekomendiare wi uk seerien an m...
Jan 26, 2020•26 min•Ep. 1
![Mä Marret & Hauke üüb't suufa [archiwiaret] - podcast cover](https://assets.metacast.app/images/podcast/artwork/FMqz7tES)
