Aa gaya hai Shadiyon ka season, aur sath hi aa gaya hai shadi mein daba ke khane ka season. Magar kya hoga, agar Fufaji ke khane se pehle hi khatam ho jayega khana! Janne ke liye suniye Kahaniyon ka Mantra ke naraj fufaji ki ye kahani – Frustrated Fufaji
Yeh garmi ki chhutiyaan, mangoes ki khushboo aur bin bulaaye rishtedaaro ki guftagoo lekar aaati hai. Kacche, pakke, chote, mote, khatte, meethe aam khaane aur khilaane ki ab race lag jayegi. Khayenge isse kayi bulae- bin bulae mehmaan mil baat kar, kuch choos kar, toh kuch kaat kar. Lekin kya kisine kabhi yeh socha ya, ki apne King of Fruits ko kaunsi baat khaaye jaa rahi hai. Aaiye sunte hain, phalon ke raja ki khatti-meethi kahani, unhi ki zubaani…in aaj ke Kahaniyon Ka Mantra ki kahaani!...
Banaras ke Bansi Kaka ka hai bada dil aur ek chota kulfi ka thela. Magar unke thele ke thik samne khul gaya ek fully decorated air-conditioned ice-cream parlour. Toh kya hoga aage, kya Bansi Kaka apna thela hatayenge, ya customers dikha denge uss ice-cream parlour ko thenga, jaane ke liye suniya, Kahaniyon Ka Mantra ki nayi kahani – Kulfi ka thela.
College jaane ke liye Chintu kharidna chahta hai ek nayi scooter, magar uski single Mom nahi badhana chahti koi expenditure. Toh kya Chintu jeetega ye ladai, ya direct jeet lega aap sabhi ka dil, jaane ke suniye Kahaniyon Ka Mantra ki aaj ki ye kahani – Maa ki Silaai machine
Gaon mein rehne wale Chaudhry sahab ke ghar shahar se aa rahe hain Jawai Babu. Garmi se bachane ko unhe, lagwa liya hai Chaudhry saab ne naya AC, magar kya chal payegi AC ya ho jayegi AC ki taisi, Jaane ke suniye Kahaniyon Ka Mantra ka ye episode – AC ki Taisi
Jaise share market mein lagaya hua paisa ek na ek din “doob hi jaata hai” Waise hi dosto ke sath Goa jaane ka plan bhi “cancel ho hi jaata hai” Magar Gopalpur mein rehne wale Goluu ne dhund nikali hai ek aisi tarqeeb, jisse khushi khushi maan gaye uske parents use Goa bhejne ke liye Janna chahte hain kya hai wo tarqeeb, toh suniye aaj ki ye kahani – Goa ka Plan
Ramzaan ke roze huye pure, ab baari hai eid ki, Lekin tyohaar ho koi, parivaar ke bin hai woh adhure.. Aisi hi hai aaj ki kahani, CRPF ke jawaan Akram Khalid jo ghar se dur Hyderabad jaa rahe the Election duty ke liye, kya woh last minute ghar walo ke saath eid manaa payega, yaa apne saathi Jawaano ke saath duty mein busy ho jayega. Jaan'ne ke liye suniye Kahaniyon Ka Mantra ka aaj ka episode 'Sheer-Khurma' .
Dilwalo ki nagri Delhi mein rehne wala Dalbir office se chutti lekar karne chala hai railgadi ka safar… Uska ye safar suhana hoga, ya ban jayegi uske life ki sabse badi “suffering”, janiye ke liye suniye Kahaninoy ka Mantra ki ye kahani – Railgadi Ka Suffer
Teen Medical students nikle ek fun trip par...par us trip mein milne laga fun se zyada horror aur tension. Ab yeh students darenge ya phir apni medical knowledge ka istemaal karenge? Jaan'ne ke liye suniye Kahaniyon Ka Mantra ki agli kahaani: 'Kar Bhala Toh Ho Bhala'
Sadak par daudne wale auto drivers ka sirf challan hi nahi kat'taa, kabhi kabhi pyaar mein khud unka bhi kat jata hai… Ab apne Auto Driver Sanju ke pyaar ki gaadi pahuch jayegi apni manzil par, ya katt jayega uska, janne ke liye suniye, Kahaniyon Ka Mantra ka ye Episode – Auto-Matic Pyaar
Jo hote hain exams mein fail, kya wo life mein bhi fail ho jate hain? Aur jo class mein top karte hain, kya iss baat ki koi gurantee hai ki wo life mein bhi bahut successful hi hote hain? Agar aap bhi janna chahte hain iss mushkil sawal ka jawab toh suniye Kahaniyon Ka Mantra ki yeh kahani – Pass Ya Fail?
Teen mastaane chale number zyada paane.... Cheating karke marks zyada laane. Ab kya nakal mein lagegi inki akal ya phir ek jhatke se aayenge in cheaters ke hosh thikaane? Jaan'ne ke liye suniye Kahaniyon Ka Mantra ki brand new kahaani- Smart Cheaters.
Backbencher hona vaise toh cool lagta hai par exam ke time Backbencher ko sabse bada fool maana jaata hai. Toh is exam season mein humaare ek backbencher ne thaan liya hai ki woh topper bankar khilayega phool ...par ho jaati hai ussey ek chhoti si bhool. Kaun si? Jaan'ne ke liye suniye Kahaniyon Ka Mantra ki is hafte ki kahani - Backbencher Bana Topper?
Holi aane wali hai, magar Holi ke sath aa rahe hain Exams. Kamlesh khelna toh chahta hai holi hostel ke sabhi dosto ke sath, magar agle din hai uska final exam. Ab kya karega Kamlesh? Janne ke liye suniye Kahaniyon ka Mantra ki ye kahani - Holi Vs. Exam.
Vo meme toh dekha hi hoga aap sabhi ne “bhai main toh tut gaya” thik usi tarah tut gaya hamara Sunny jab usko pata chala ki uski crush Surbhi ka bhi koi crush hai. Kya Surbhi Sunny ki kabhi ho payegi ya Sunny ka pyar khud ho jayega crush? Jaan’ne ke liye suniye Kahaniyon Ka Mantra mein nayi kahani - Crush ka Crush.
Kisine sahi kaha hai ki ishq me har insaan apni limit push karta hai- ab chahe vo college wala ishq ho ya phir office wala, chahe woh shehar wala ishq ho ya phir gaon wala. Is hafte, Kahaniyon Ka Mantra mein suniye Rajesh Chaurashiya urf Gobar Chaurasiya aur unki patni ki love story, straight from their gaaon!
Mohit bhaiya apni Priya ke sath manana chahate hai valentine week, par iss Premi jode par nazar hai pure mohalle ki. akhir kaisa mohalle walon se nazren bachakar Mohit Valentine week manata hai, Janne ke liye suniye Mohalle Wala Valentine`s Day
Dekho bhaisahab insaan ko jitna bhi mil jaye utna kam lagta hai Chahe vo duniya ka sabse ameer admi hi kyu na ho par ek chhoti si chahat hai Monu ki- usse apne birthday gift me chahiye foreign trip. Kya Monu ko mil payega ye gift ya fir monu ko cake katke hi kaam chalana hoga Jaanane ke suniye Kahaniyon Ka Mantra ki aaj ki kahani: फॉरन Jana Hai
Apne insaano ki Shadiyon ke baren me to kai bar suna hoga, par janwaron ki Shadi ke bare me sunana thoda weird lag sakta hai, Kahaniyon Ka Mantra me suniye do husky doggy, Advit aur Pinky ke Shadi ki Kahani Husky Ki Baarat.
26 January ko asman me lahrata tiranga dekhna, chorus me National anthem gana aur swadisht special laddu khana… kya moment hota hai na ! Par yaha Munna aur Dadu ke nazar me laddu ko lekar kya alag nazariye hai, janane ke liye suniye Kahaniyon Ka Mantra me Laddoo Aaj Kal
Iss kadkadati thand mein Montu Bhaiya karna chahte hai apne pyar ka izhar, Dekhna hai ki kya Mohini, Montu ka proposal karegi swikaar... Janane ke liye Suniye, Kahaniyon ka Mantra mein 'Montu The Winterman'.
Kehte hain agar aapke pass Car na ho, toh aap beCar hain… Aji aisa hum nahi kehte, ye kehna hai Sundar Lal ka. Middle-class aadmi car kharidne ke liye kya-kya papad belta hai. Suniye Kahaniyon ka Mantra ke iss episode mein
Kehte hai ki jo bhi hum sal ke pahle din karte hai wahi poore sal karte hai. Apne purane dost happy ko new year resolution ki kasam dilane me lage Lucky bhaiya aakhir kaun sa resolution dilate hai jaanne ke liye suniye Kahaniyon Ka Mantra mein What's Your Resolution.
MnM Talkies ki puri team ke taraf se aap sabhi ko Merrrryyyyy Christmasssss… Ek Family ke Secret Santa ko kisne secretly aisa gift diya, jiska intezar unhe aur unki wife Fiona ko pichhale 50 salon se tha, suniye Kahaniyon Ka Mantra ke 50th special episode Secret Santa mein.
Kehte hai ki every invention has its own advantage and disadvantage magar humare Bhola ko Bijli ke invention me sirf advantage hi dikhai deta hai aur isi bat par ho gayi hai bap bete me tikhi an-ban, suniye Kahaniyon Ka Mantra me " Bijli Ka Bill "
Bunty ki mummy ka ho gaya hai ro ro ke bura haal kyuki maid ne maar li hai bina bataye, lambi chhutti kya bunty ke pass hai iska koi solution janane ke liye Kahaniyon Ka Mantra me suniye " Maid Ki Chhutti "
Kehte hai ki dane dane par likha hai khane wale ka naam waise hi lottery lottery par bhi likha hota hai pane wale kaa naam dhaniraj ko mili hai 2 crore ki lottery dekhna hai ki ye lottery ki ticket unke jiwan me khusiya lati hai ya fir koi musibat janne ke liye kahaniyon ka mantra me suniye lag gayi lottery.
Kehte hai manzil chahe kitni bhi dur ho safar khubsurat hona chahiye! Bhopal me rehne wale Kewal ko karni hai apni zindagi ki pehli hawai yatra. Kaise Kewal ki journey banti hai happy journey ye janane ke liye suniye Kahaniyon Ka Mantra me... HAWAI YATRA!
Business karna toh sabhi chahte hain, magar bussiness mein tike rehna hai bahut hi mushkil! Aur isi mushkil ko asaan karne ka tareeka dhoonda hai Ankit ne... Toh suniye kaise kamyab hoga apne plan mein Ankit, Kahaniyon ka mantra mein... Kyuki ho raha hai Khane ka competition!
Koi umr baras me kaid nahi hai Ek man sachha rahne do yaar Hothon par muskan sajao Aur dil bachha rehne do yaar Happy children's day kahaniyon ka mantra me suniye Dil bachha hai
