Харанхуй өрөөнд үүр цайж шинэ долоо хоног даваа гарагаар эхэллээ. Уламжлал ёсоор та нартаа шинэхэн, сонирхолтой түүхээ хуваалцахаар зочин минь суудалдаа тухлан суусан байна. 3 өөр шашинтай улсад амьдарсан туршлага түүний хувь хүний төлөвшил, аливаа зүйлийг харах өнцөгт хэдэн градус өөрчлөлт авч ирсэн тухай болон 10 жилийн дараа Монголдоо эргэж ирээд суурьшихад ямар байсан тухай өнөөдрийн дугаарт ярилцах болно. Enjoy!
Jun 29, 2025•1 hr 23 min•Ep. 42
Уламжлал ёсоор даваа гараг болж бид бүгд Харанхуй Өрөөндөө цуглах цаг ирлээ. Канад руу Монголоосоо шууд байнгын оршин суух визтэй очсон гэр бүлийн тухай өнөөдөр бид ярилцах болно. Хүний газар заавал бүхнийг тэгээс нь эхлэх биш хэрхэн яг эх орондоо хийдэг байсан ажлаа хийхээр очиж болох тухай мэдээд аваарай. Enjoy!
Jun 08, 2025•1 hr 5 min•Ep. 41
Ойрд Зүүн Өмнөд Азиар хэдүүлээ огт хэсээгүй юм байна. Өнөөдрийн Харанхуй Өрөөний дугаарын зочин Сингапур, Малайзад амьдрал хэр байгаа тухай, Монголчууд тэнд юу хийж амьдрах болсон тухай ярьсан. Тухлан сууж сонсоорой.
May 26, 2025•1 hr 3 min•Ep. 42
Гадагшаа л гарчихвал хаашаа ч хамаагүй гэсэн бодлоор дүрвэх шахуу эх орноосоо мянга мянгаараа гардаг байсан цаг саяхан. Одоо харин гадагшаа гарахдаа очих гэж байгаа улс орноо судалж, яг ямар газар руу очих гэж байгаагаа тодорхой хэмжээнд мэддэг хүмүүс нь илүү олон болсон байх. Гэхдээ чухам хүнд таардаг газар, таардаггүй улс орон гэж байдаг уу гэсэн асуултад та юу гэж хариулах вэ? Хариултаа хараахан мэдэхгүй байгаа бол өнөөдрийн Харанхуй Өрөөний дугаарт ярилцсан зочны маань яриаг сонсоод, дараа н...
Apr 27, 2025•1 hr 1 min•Ep. 41
10 жилийн өмнө Монголдоо их сургуулийн багш хийж явсан бүсгүй өнөөдөр Америкийн цэргийн албыг 39 насандаа амжилттай хаагаад явж байх юм гэж бүр зүүдэлж ч яваагүй тухайгаа бидэнд өнөөдрийн Харанхуй Өрөөний дугаарт ярих болно. Түүний яриаг сонсоод ямар сэтгэгдэл төрснөө заавал бичиж үлдээгээрэй. Enjoy!
Apr 13, 2025•1 hr 39 min•Ep. 40
Шинэ долоо хоног эхэлж, даваа гараг бидэнд баяр хөөр дүүрэн ирж байна. Харанхуй Өрөөний энэ удаагийн дугаартаа бид Мексикийн нэгдсэн улсаас зочинтой сууж байна. Хүний газар заавал гуйж явах ёстой биш, гуядаж амьдарч бас болдгийн жишээг харуулсан эмэгтэн яриаг тухлан сууж сонсоорой!
Feb 17, 2025•1 hr 1 min•Ep. 38
Харанхуй Өрөөнд гэрэл асаахаар энэ удаагийн дугаарт маань Норвегийн Вант Улсад ажиллаж амьдарч буй бүсгүй зочны сандалд заларлаа. Норвегийн Гүнгийн ахайтан болно гэж хошигнож явсан түүнийг ямар амьдрал хүлээж авсан тухай тухлан сууж сонсоорой. Enjoy!
Jan 27, 2025•1 hr 17 min•Ep. 38
БНСУ-д ажиллаж амьдардаг олон Монголчуудын төлөөлөл болсон эмэгтэй өнөөдрийн Харанхуй Өрөөний маань зочноор оролцлоо. Ганц бие ээж хүн бага насны хоёр хүүхэдтэйгээ хамт хэрхэн визээ алдаж, бас эргүүлж олж авч байгаа тухай сонирхолтой түүхийг та нартайгаа хуваалцахад бэлэн боллоо. Таалан сонсоорой!
Jan 13, 2025•1 hr 18 min•Ep. 37
Харанхуй Өрөөнд гэрэл асаасан шинэхэн дугаараараа та нарынхаа даваа гарагийн мэндийг эрье! Бидний мэддэг юм шиг мөртлөө огт мэддэггүй Бүгд Найрамдах Казахстан Улсын тухай сайнтай муутай, бүхий л талаас нь ярилцсан энэ удаагийн дугаар маань сонсогч та нарт минь хүрээд, чухам ямар сэтгэгдэл үлдээхийг харна гэхээс тэсч ядан байна. Enjoy!
Dec 16, 2024•1 hr 9 min•Ep. 37
Харанхуй Өрөөтэй шинэ долоо хоногийн мэнд! Уламжлал ёсоор даваа гараг болж сонирхолтой түүх, амьдралын олон өнгөөс нэгийг нь сонсох сайхан мөч ирлээ. Энэ удаад Арлын Япон улсад телевизийн найруулагчаар ажиллаж амьдардаг гайхалтай бүсгүйтэй бид ярилцлаа. Түүний яриа яг л япон адал явдалт кино үзэж байгаа мэт огшоосон, бас хөөрөх сэтгэгдэл төрүүлэхийн хажуугаар сэтгэлд хүрсэн сайхан дугаар болгож чадсан. Enjoy!
Nov 18, 2024•1 hr 40 min•Ep. 35
Голч оноо тийм сайн биш байлаа ч, хэлний оноо сүртэй өндөр биш байсан ч гэлээ Италийн их дээд сургуульд 100 хувийн хөнгөлөлттэй, дээрээс нь нэмээд амжиргааны зардлыг нь мөн олгодог тэтгэлэг байдаг тухай бид хоёр лав өнөөдрийг хүртэл мэдээгүй явжээ. Магадгүй яг өөрийгөө олох аялалд болон гадаадад суралцах хүсэлд автсан яваа бол тун хэрэгтэй мэдээллийг Харанхуй Өрөөнд өнөөдөр ярилцлаа. Италид дурласаан! Enjoy!
Oct 28, 2024•1 hr 16 min•Season 1Ep. 34
Харанхуй Өрөө Подкастын цоо шинэ дугаар та нарт минь хүрч байна. Удаан хугацааны дараа эргэн ирж байгаа учраас, сонирхолтой, Монголчууд цөөхөн байдаг улсаас зочин урьж оруулах зорилгодоо хүрч Бүгд Найрамдах Кипр улсад амьдарч буй зочин залуутайгаа хамт бид 3 Харанхуй өрөөндөө сууж байна. Мэдсэн сурсан бүхэн хэзээ ч илүүддэггүй тухай сонин түүхийг та нартаа хүргэе. Enjoy!
Sep 29, 2024•1 hr 20 min•Season 1Ep. 33
Нэг хүний амьдралд тохиолдсон гэхэд хэтэрхий их юм шиг боловч сургамжтай бас сонирхолтой энэ яриа сонсогч авхай таныг нэг минут ч уйдаахгүй гэдгийг амлах байна. Шинэ дугаартаа тавтай морил. Enjoy!
Oct 16, 2022•1 hr 27 min•Season 1Ep. 31
Зөвхөн эмэгтэй гэдэг шалтгаанаар аливаа зүйлд ад үзэгдэх, эсвэл хоёр дахин хичээх, гурав дахин батлах шаардлага гардаг уу? Өнөөдрийн Харанхуй Өрөөний зочин энэ траумагаа хэрхэн давж гарсан тухайгаа бидэнтэй хуваалцлаа. Америкт цөмийн энергийн инженер мэргэжлээр сурч төгссөн, өдгөө өндөр албан тушаал хашиж байгаа эмэгтэй юу ярихыг сонирхоорой. Enjoy!
Oct 10, 2022•1 hr 1 min•Season 1Ep. 30
22 жилийн өмнө хамгийн сүүлд Монголд очсон зочин маань Өмнөд Африк дахь амьдралынхаа тухай сонин сайхнаас бидэнтэй өнөөдрийн Харанхуй Өрөөнд хуваалцлаа. Бизнес эрхлэгч, шинэ санааны эрэлд гарагсдад маш чухал хэрэгцээтэй байж болзошгүй мэдээлэл ч мөн багтсан байгаа. Enjoy!
Oct 03, 2022•59 min•Season 1Ep. 29
Энэтхэг улсын тухай та юу мэдэх вэ? Бид хоёрын хувьд лав энэтхэг кино, энэтхэг хоолноос цааш хэтрэхгүй төсөөлөлтэй байсан бол өнөөдрийн энэ дугаарыг хийж байхдаа бодол тэс өөр болсон байлаа. Бурхны оронд эрдэм сураад ирсэн эмэгтэйн яриаг хамтдаа Харанхуй Өрөөнд дэлгэе. Enjoy!
Aug 14, 2022•1 hr 17 min•Season 1Ep. 28
Энэ удаагийн дугаараа та нартаа цацах гэж энэ цаг мөчийг тэсэн ядан хүлээж байлаа. Олон тайлбар ч ер нь бичмээргүй байна. Тухлаж аваад шууд сонсоорой. Enjoy!
Aug 07, 2022•1 hr 41 min•Season 1Ep. 27
Гадаадад ажиллаж амьдардаг Монголчуудын өндөр хувийг эзэлдэг орны нэг бол БНСУ. Солонгост Монголчууд зөвхөн хар ажил хийж, хараар амьдардаг гэсэн ойлголт өнөөдрийг хүртэл байсаар байгаа ч тэдний хоёрдугаар үе буюу үр хүүхдүүд нь өнөөдөр юу ярьж байгааг та бүхэн энэ удаагийн Харанхуй өрөөнөөс сонсоод, дүгнэлт тань өөрчлөгдөх байх. Kpop-оороо аль хэдийн дэлхийн нийтийг донсолгоод буй Солонгосын хөгжмийн ертөнцөд бид од болон гялялзах боломжтой юу? Enjoy!
Aug 01, 2022•1 hr 14 min•Season 1Ep. 26
Сургалтын тэтгэлэгт хөтөлбөрт л хамрагдчихвал жаргаад дээшээ хараад хэвтчих юм байна гэсэн ойлголттой бол энэ дугаарыг сонсоод бодол тань өөрчлөгдөх байх. Тэтгэлэг хүрэхгүй, цар тахлын үед харих боломжгүй, ажил олдохгүй нөхцөлд шөнийн ажил хийхээс өөр аргагүйд хүрсэн хос хоёр бүсгүйн тухай та энэ удаагийн дугаараас сонсох болно. Зорилгодоо хүрэхийн тулд хүн ямар замыг туулдаг вэ? Enjoy!
Jul 25, 2022•1 hr 16 min•Season 1Ep. 25
Даваа гараг бүрт уламжлал ёсоор эхэлдэг долоо хоног маань энэ удаад лхагва гарагт эхэлж байгаа нь шалтгаантай байлаа. Та нараасаа хүлцэл өчихийн ялдамд, биднийг хүлээж байсан, хүлээсээр байгаа сонсогч нартаа гүнээ талархаж байна. Долоо хоногоо хамтдаа эхлүүлцгээе!
Jul 20, 2022•1 hr 10 min
Бохь, тамхи ширхэглэж зардаг айлын охин хэрхэн өөртөө боломж үүсгэж дэлхийн хэмжээний боловсрол эзэмшсэн тухай өнөөдрийн дугаарт яригдах болно. Зарлагдсан тэтгэлэгт хамрагдах биш өөртөө хэрхэн тэтгэлэг бий болгож чадсан түүхийг сонсоод магадгүй танд бас нэгэн мотивац өгөхийг үгүйсгэхгүй юм. Enjoy!
Jul 11, 2022•1 hr 1 min•Season 1Ep. 24
Бидний мэддэг, бас мэддэггүй БНХАУ-ын тухай энэ удаагийн дугаарт бид зочинтойгоо ярилцлаа. Тэрээр 13 настайдаа анх урд хөршийг зориод, ганцаараа яаж хөглөж байсан тухайгаа ний нуугүй ярьсан байгаа. Шинэ даваа гарагтаа тавтай морил. Enjoy!
Jul 04, 2022•1 hr 9 min•Season 1Ep. 23
Мэдээлэл, зөвлөгөө авах хүнээ яг зөв сонгож, нягталж байхгүй бол боломжоо хэрхэн алдаж болох тухай энэ удаагийн дугаарт яригдах болно. Нэг биш, хоёр удаа монгол руугаа буцсан ч яагаад эргээд л гадагшаа гарах бодол төрсөн тухай зочин хос маань илэн далангүй ярилаа. Шинэ дугаартаа тавтай морил. Enjoy!
Jun 27, 2022•1 hr 33 min•Season 1Ep. 22
Жижигхэн биетэй болж төрснөөсөө болж эх орондоо хүссэнээрээ амьдрах эрхгүй болсон бүсгүй энэ удаагийн Харанхуй Өрөөнд зочноор оролцлоо. Тэрээр өдгөө Испанийн Сан Себастианд хэрхэн аж төрж байгаа тухай бидний ярианаас дэлгэрэнгүй сонсоорой. Enjoy!
Jun 19, 2022•1 hr 5 min•Season 1Ep. 21
Америкийн Нэгдсэн Улсад албан ёсоор амьдрах эрхгүй боловч амьдарч байгаа маш олон монголчуудын нэг эмэгтэй өнөөдрийн Харанхуй Өрөөний зочноор уригдан оролцлоо. Google дээрээс ч хайгаад олохгүй зарим мэдээлэл манай подкастад яригддаг учраас бид өөрсдийгөө Харанхуй өрөөнд гэрэл асаасаар гэж ярих дуртай болоод байгаа. Шинэ дугаартаа тавтай морил. Enjoy!
Jun 13, 2022•2 hr 1 min•Season 1Ep. 20
Шинэ долоо хоногийн мэнд! Харанхуй өрөөний энэ удаагийн дугаарт Израил улсад ажиллаж амьдардаг монгол бүсгүй оролцлоо. Бид гурав маш сонирхолтой яриа өрнүүлсэн байгаа. Шимтэн сонсоорой! Enjoy!
Jun 06, 2022•1 hr 25 min•Season 1Ep. 19
Энэ зочинтой ярилцсандаа бид хоёр туйлын их баяртай байгаа. Шинэ долоо хоногийг тань гайхалтай эхлүүлж өгнө гэдэгтээ бид маш их итгэлтэй байна. Харанхуй Өрөөний өнөөдрийн дугаарыг ганцаараа, тухтай сууж байгаад сонсоорой гэж зөвлөе. Enjoy!
May 30, 2022•1 hr 25 min•Season 1Ep. 18
Тэтгэлэг авчихлаа гэж гэрийнхэндээ хэлээд зугатах шахам гадагшаа явсан эмэгтэй энэ удаагийн дугаарын зочноор оролцлоо. Түүний туулж ирсэн амьдралын зам их сонирхолтой бөгөөд адал явдлаар дүүрэн байжээ. Харанхуй Өрөө Подкастын шинэ дугаартаа тавтай морил. Enjoy!
May 23, 2022•1 hr 19 min•Season 1Ep. 17
Энэ удаагийн дугаарыг гадаад улсад суралцангаа ажиллаж амьдарч байгаа мянга мянган залуустаа зориулж бэлтгэлээ. Мөн тэдний гэр бүлийнхэн сонсоод үр хүүхдэдээ тулгардаг асуудлын захаас бага ч болтугай мэдрэх болно гэдэгт итгэлтэй байна. Хамгийн гол нь шийдлийг нь ч мөн бид ярилцсан байгаа. Тэгэхээр шинэ дугаараа таалан болгооно уу. Enjoy!
May 16, 2022•1 hr 4 min•Season 1Ep. 16
Эх орондоо олны танил байж, тайзан дээр амьдрал нь өрнөж явсан хүмүүс гадны оронд очоод чимээгүйхэн амьдарч байгаа жишээ бид хэд хэдийг мэднэ. Өнөөдрийн Харанхуй Өрөөний зочин харин чимээгүй өнгөрөх амьдралыг сонгоогүй өгөөд, бодит байдлаа нууж хаалгүй ярьж эхэлснээрээ өөр талаараа олонд танигдаад байгаа дуучин бүсгүй байгаа. Түүний амьдралыг харах өнцөг яаж өөрчлөгдсөн тухай энэ дугаараас сонсоорой. Enjoy!
May 09, 2022•1 hr 6 min•Season 1Ep. 15
