獨毒讀不如眾讀讀 - podcast cover

獨毒讀不如眾讀讀

dnreadalonereadtgtla•podcasters.spotify.com
Arts
Books
由「界限書店」、「獵人書店」及「留下書舍」三間香港獨立書店共同營運——每周分享好書、聊聊八卦。
Last refreshed: ⓘ
Follow this podcast in the Metacast mobile app to refresh it and see new episodes.
Follow on
Apple Podcasts
Spotify
RSS
YouTube
Overcast
Pocket Casts
Episodes.fm
Download Metacast podcast app
Podcasts are better in Metacast mobile app
Don't just listen to podcasts. Learn from them with transcripts, summaries, and chapters for every episode. Skim, search, and bookmark insights. Learn more

Episodes

【EP31 被逼營業的獵人：介紹「無處不閱讀」書展2025六大新猷！】

好久沒有單獨做集數的獵人萱與W愧疚地營業了。原因是甚麼，當然是一年一度獨立書展！今年為甚麼叫「無處不閱讀」？和去年有甚麼分別？有甚麼新猶？ 好多內容都還未offical 宣傳的，想搶先知道？就要聽這個podcast啦。還有許多書展小reminder，聽完再來就是精明消費者！

Jul 12, 2025•29 min

【EP 28】發開口夢！一齊睇字！ft. Dave Choi @citywording

長夢試Mic！試Mic！今集邀咗《睇字香港》作者Dave嚟傾傾佢本書～睇字對佢嘅意義？如何欣賞香港嘅美？點睇以遊香港為主題嘅書？好書推介？「美」的定義？咩都傾吓，希望大家聽得開心（會努力維持更新～ 嘉賓：Dave Choi @citywording

May 28, 2025•35 min

【EP 26】齊人開咪｜歡迎長夢書店加入！／長夢Ella的歌手身分／書店一定要搞活動？／活動冇人報名，到底做錯了甚麼？／唔捨得「覺閣」

Free ride多時的獵人書店和留下書舍，終於上水了！闊別多時的齊人傾計，還有新成員 ── 長夢書店店主 Ella 加入。之後會努力維持更新（大概吧）。 這一集，當然要了解一下新夥伴。以音樂為主題的長夢書店，店主 Ella 也是音樂人，除了開店會賣音樂相關的書，還會唱歌彈 bass，多才多藝。四間書店也會一起討論「搞活動」的困惑，獨立書店是不是一定要辦活動？市道不佳，活動報名人數經常不如理想，大家的對應方法是甚麼？

Apr 17, 2025•1 hr

【EP 25】好青年xLiker Land X獵人：電子未來書？

講咗呢啲：介紹LikerLand／電子書與紙本書？／Liker Land和一般平台有甚麼不同？／紙本書無意義？ 嘉賓：Liker Land Phoebe/ 好青年茶毒室 Alex Liker land電子書城：https://liker.land/ 好青年荼毒室：https://www.youtube.com/@corrupttheyouthhk

Apr 10, 2025•59 min

【EP 24】無界限開咪～《聽說長洲》係香港世代交替嘅縮影？

長洲係全港人煙最稠密嘅離島，人口有成兩萬！肯定唔係個個島民都包糯米糍、食大魚蛋、賣平安包啦，到底仲有咩面貌係我哋未知嘅呢？ 兩位長洲人Sim同Yoyo合著《聽說長洲》，幾年間寫起25篇訪問同長洲大小趣聞舊事。雖然「兩代」係其中一章，但手藝同事業嘅繼承貫穿整本書，反映世代交替下，有啲嘢無奈失傳、有啲嘢得以流傳甚至創新。 呢本書出版後，又會唔會成為某個新人與某件舊事嘅契機？

Jan 25, 2025•39 min

【EP 23】無界限開咪～《將軍澳，可以這麼說》的矛盾與想像

如何書寫將軍澳這個常被標籤為「天橋之城」、「睡房城市」的新市鎮——或四十萬人的家？二十幾位來自區內區外的創作者，花上數月行行走走、反覆思量，試驗一種創新但貼地的地方述說模式，合力編寫專屬於此地的指南——《將軍澳，可以這麼說》。 邀請你，從書頁之間，以地方為本，重新發現將軍澳精彩的五十幾面！ 主持：煙腸遮Jerry #深度遊 #書店 #podcast #界限書店 #社區 #將軍澳可以這麼說

Nov 05, 2024•30 min

【EP 22】無界限開咪～遊客眾生相：具有香港書店特色的遊客深度遊分析

為配合政府推動深度遊，我地決定積極討論下遇到深度遊嘅遊客類型，以及深度遊於香港書店的可行性，並歸納出以下要點（笑）： 界限書店遇到的遊客種類分析 不同地區遊客的特色 各類遊客會購買的書種 政府推深度遊要包括書店嗎？ 我們歡迎遊客與否 今次真係帶大家睇下遊客眾生相～歡迎介紹其他國家嘅朋友上黎界限，聽到尾有彩蛋（就是廣告）XD 主持：店長爸&店長呢 以上店長發言並不代表本店立場哈哈哈哈哈 #深度遊 #書店 #podcast #界限書店 #遊客 #獨毒讀不如眾讀讀

Apr 27, 2024•38 min

【EP 21】界限書店1.0前店長Ma嘅首次同最後一次登場！

界限書店1.0前店長Ma嘅首次同最後一次登場！借《獨立書店似顏繪》說當年，你仲記得1.0嘅樣嗎？店長Ma最後嘅致謝及訣別。 終於聽到店長Ma真身喇！1.0的時候，店長Ma會間中躲在他小小的工作間，處理日常事務，通常幕後的工作總是比較少人看見，不如今次就聽聽在他位置所看見的。 無論如何，希望店長Ma日後一切安好，謝謝你開始了界限。

Mar 15, 2024•40 min

三店圍爐特別篇｜市道不景仲要「例行巡查」，我哋要爆啦！

完全私心的一集。經濟不景氣，大家已經難捱，仲要遇上一啲無聊人三不五時 9up 投訴，某啲部門又無啦啦咁積極例行巡查…… 咁大個香港，係咪連幾間小小嘅書店都容納唔到？與其自己一個嬲，不如搵埋行家一齊嬲，又不如錄低佢，同大家一齊嬲。

Dec 27, 2023•43 min

【EP 20】獵人書店x《香港職人》ft. 《誌》總編關震海

獵人第一次有嘉賓，但呢個嘉賓唔係第一次受邀lol 又係《誌》總編關震海様（さま）。今次嚟傾傾《香港職人》呢本好書背後故事。 （PS. 錄音是首次使用online meeting錄音軟件，所以有少許雜聲，先抱歉了） 傾咗呢啲：本書已經做咗兩年幾？點解揀呢幾個行業？邊個職人最深刻？點睇香港vs日本「職人」態度？

Dec 17, 2023•44 min

【EP 19】無界限開咪～店長的MBTI屬性：界限店長爸同店長呢唔啱到要打交了？

話說既然搬完舖，不如就講下我地兩個店長係搬舖上有無咩意見不合喇。 搬舖嘅過程好有趣，因為發現明顯我地大家無論思考，還是性格都南轅北轍，由開始決定要搬個下已經有好多唔同反應lol 咁啱因為店長呢對MBTI有啲認識，咁不如就跟住MBTI去解讀下究竟我地兩個點解咁唔同喇～ 除左講各自有咩唔同，仲會講下我地理想中店長嘅模樣～ 主持：界限書店店長爸&店長呢 MBTI屬性 店長呢：ENFP 店長爸：INFP/ISFP 精選： 知道要搬舖嘅反應？ 搬舖邊個係大力士？ 做左店長之後就成日病？ 究竟兩個店長各自嘅社交模式有幾唔同呢？ 話說，界限搬左新舖？！咁大件事大家知唔知呀～搬近左旺角站，多左水機同梳化，行街經過可以隨便上黎坐XD 新舖地址：旺角亞皆老街16號旺角商業大廈20樓A室 #獨毒讀不如眾讀讀 #podcast #界限書店 #開店日常 #MBTI #合作 #ENFP #ISFP #書店...

Nov 28, 2023•39 min

【EP 18】留下傾傾＿嘉賓：《4拍4家族》導演賴恩慈

《4拍4家族》上映數周，票房和聲勢，明顯不及同期的幾部本地作品。但其實，依電影的命題（記憶與遺忘），當中涉獵的議題（家人、和解、流散……），以及少有的「廣東歌音樂電影」類型，即使先不論作品好壞，會吸引到的討論度，理應比現時高。 導演賴恩慈是資深劇場工作者，但她形容，在商業電影市場上，自己是新手，也因此，在宣傳和定位上，一直懵懵憧憧，到發現大眾其實不了解電影的主題，更遑論入場時，已有點遲。 而她選擇瘋狂謝票，與觀眾交流，也呼籲喜歡作品的觀眾宣揚開去。她坦言票房失利已無法改變，但仍希望能讓更多觀眾看到自己的作品。 音樂無法成為電影的 gimmick，但成為她堅持的動力。她說，希望香港音樂電影的一扇門，可以由自己推開。即使這次光是推門已力竭，但至少為有意創作同類電影的人，留下一串門匙。

Nov 14, 2023•47 min•Season 1Ep. 18

【EP 17】留下傾傾＿嘉賓：《浮世薔薇》閭丘露薇｜唔寫新聞寫小說？

主持：「留下書舍」岑仔 ／ 嘉賓：《浮世薔薇》作者閭丘露薇 大概傾咗： 閭丘露薇係咪做過「戰地記者」？／《浮世薔薇》書名點解？／係咪有題材新聞唔寫得所以寫小說？／記者識寫新聞代唔代表識寫小說？／點解會被編輯批評又要大改？／小說是紀錄時代的好載體嗎？／無論用咩形式，其實都係講故仔。

Oct 31, 2023•31 min•Season 1Ep. 17

【EP 15】無界限開咪：揭秘！獨立出版社嘅前言feat.後話文字工作室

｜無界限開咪：揭秘！獨立出版社嘅前言 feat.後話文字工作室 作為一間書店，其中一個最親近嘅行業一定係出版社。 尤其係獨立書店同獨立出版社，兩者嘅諗法、做法都會有頗相近嘅地方。 今集界限店長爸就搵左自己曾經係入面做過實習嘅強勁獨立出版社——「後話文字工作室」過黎傾下佢地有趣嘅理念同做法～ 兩位後編分享左佢地做書嘅樂趣，講下獨立出版同傳統出版嘅分別，仲會開名/唔開名地講下做編輯遇到嘅一啲千奇百怪嘅情況（嗱，我淨係負責問問題，估唔估到邊本書就睇你地喇XD）今次係史無前例大公開！千奇唔好錯過！ 主持：界限書店店長爸 嘉賓：後話文字工作室@ ⁠pscollabhk⁠ 精選： 獨立出版社嘅權力架構？ 有無試過同作者鬧交？ 如果揀一本做得好靚但質素唔好嘅書定質素好好但好醜樣嘅書？ 如果咩都唔理，最想點出/出一本點嘅書？ PS. 店長爸IT白癡，第一次錄podcast，錄音嘅質素有啲奇怪|-|多多包涵 後話最新出版：鄒芷茵《小食部》現已於界限書店有售～ #獨毒讀不如眾讀讀 #香港podcast #獨立出版 #香港獨立出版 #界限書店 #後話文字工作室 #boundarybookstore...

Oct 01, 2023•42 min

【EP 14】留下傾傾_嘉賓《庭刊》：網媒出報紙！係咪反其道而行？

主持：「留下書舍」岑仔 / 嘉賓：《庭刊》創辦人 張麗珊/陳珏明 大概傾咗： 今時今日點解仲要出紙本？ /《庭刋》唔「停刊」，念念不忘賣報紙 / 印出嚟就係唔同 / 整合，排版有意思 / 出報紙又燒錢又有風險？ / 會唔會蝕本？ / 出版門檻原來唔係想像中咁高 廣告：《庭刊》紙版「留下書舍」有售

Sep 14, 2023•27 min•Ep. 14

【EP 13】無界限開咪！二手英文藝術書——玩命嘅文藝勞動者現身說法o(｀ω´ )o

主持：界限店長呢 嘉賓：Michelle & Toby @藝跡文化 大概傾咗：繪本/漫畫/藝評唔係藝術書？邊一類最容易入門？點解藝術書要咁大本咁厚，收書同寄書又有咩要留意？英文藝術書又點入返嚟？香港得返連鎖書店有藝術書？由七份一@wontonmeen到而家，怪人都唔少，仲要俾人挑機？真正嘅遺珠唔係書，而係⋯⋯？

Aug 28, 2023•53 min

【EP 11】留下傾傾｜嘉賓：「字字研究所」創辦人呂嘉俊

年輕時入行做報紙，常有前輩說，一份報紙的格調，取決於副刊。作為資深飲食記者，呂嘉俊把副刊解讀為「精緻生活」。例如每天的吃喝，我們亦可以去思考，一菜一飯背後的歷史和脈絡。以小見大，甚至可以折射城市，以至國族的盛衰轉變。 撰寫歷史初稿，是記者的天職。阿俊也說，飲食記者同樣是記者，考證、調查、追訪的技能，缺一不可。他直言，著書是基於記者的使命感，無法接受一些歷史、事實就此被抹去。 在美感崩壞的時代，堅持精緻地生活，也是保存意志的方式。

Aug 07, 2023•30 min

【EP 10】無界限開咪！像我這樣的一個Bookstagram讀者，點睇香港獨立書店？

主持：界限店長呢 嘉賓：Candy@我的悅讀角落 喺香港做「閱讀帳」，係做公關定真係愛書？邊啲post最受歡迎，分享太深嘅書有冇人睇？原來Candy係界限打手，但唔覺得自己係說書人？睇書有咩小習慣？快問快答！從讀者同店員睇書店營運有咩分別，又比較欣賞近年邊啲獨立書店嘅project？香港獨立書店嘅一堆經營問題，其實係咪店長呢諗多咗？其他地方嘅獨立書店嗎，有邊啲係香港值得借鑑？Candy同店長呢理想嘅閱讀／買書／獨立書店的氛圍係點，如果自己開會玩啲咩？香港讀者除咗「課金」，仲有咩可以做？

Jul 22, 2023•1 hr 17 min

【EP 7】日本書迷好幸福！関東関西大小書店旅行觀察雜談(⁎⁍̴̛ᴗ⁍̴̛⁎)

主持：界限店長Mi & 呢 大概傾咗：兩個店長前排都去咗旅行，一個関東一個関西，我哋發現——日本總有一間書店喺左近，唔到你唔要？大小書店各有生存之道，又有Lounge又有Cafe？大型書店都冇乜商業味，而地區專櫃係每間書店必備？除咗有書塔／書山，仲有準備自立門戶嘅店員？獨立書店仲玩埋寫真發佈會，搞到店長呢要同店員用手指傾偈？日本真係好多人睇書，賣書竟然賣到落廣告？店長Mi去村上春樹圖書館，中咗個大伏？要了解日本文化，睇書比起親身踩場更方便？

Jun 15, 2023•54 min

【EP 6】留下傾傾_嘉賓薯伯伯: 有關電子書，你所不知道的二三事

主持：「留下書舍」岑仔 / 嘉賓： 以前寫旅行遊記，現在寫網絡安全嘅Pazu薯伯伯 大概傾咗： 那些年他在西藏讀《天葬》/ 十幾年前高新科技震撼了西藏街坊 / 各大電子閱讀平台邊個最好? / 有咩秘技可以買平價電子書？ / 睇咗電子書點解仲要買多本紙本書？ / 電子書反而難 take notes? / 薯伯伯計劃緊出紙本書 / 實體書店仲好有價值，唔好死！

Jun 07, 2023•31 min

【EP 5】悲情城市、人選之人造浪者與獵人之前的選舉生涯

主持：獵人書店萱／Wayne 大約噏咗呢啲: 兩場《悲情城市》包場Recap講者部份分享，點解香港人應該睇呢套電影？臺灣本省人到底經歷咗啲咩，主流文化中消失的「本省人」論述？《總統的親戚》呢本書點樣揭示臺灣本省／外省家族嘅Ups and downs? 《人選之人－造浪者》好無睇？劇集裡面嘅選舉同真實經歷有咩分別，講嘅政治Too Simple Too Naive? 香港人係咪流哂口水？推薦最快變成歷史書的《特區選舉：制度與投票行為 》，店長萱又點睇無哂選舉同……公民黨解散？

May 29, 2023•57 min•Ep. 5

【EP 4】書店有界限，但人生沒有界限——給DSE考生

主持：界限店長Mi 大概講咗：DSE閉幕，通識科亦正式壽終正寢，本周推介兩本正嘢俾正感迷茫嘅你：松浦彌太郎《倘若人生是一場旅行》＆姜泰宇《洗車人家》；松浦彌太郎周身刀把把利，但原來高中都冇畢業？松浦san點賺第一桶金？咩叫「職人書寫／文學」？姜泰宇點解叫敷米漿而唔係宇宙漿？《洗車人家》原來只係副產品？出身同出路未必有關？相比成績同收入，人生更重要嘅價值係？

May 22, 2023•31 min

【EP 3】留下傾傾＿嘉賓：陳朗昇

主持： 「留下書舍」Kris 嘉賓： 香港記者協會主席陳朗昇 大約傾過： 阿昇介紹的書＃1 《香港日記》（彭定康 著）／阿昇介紹的書 ＃2 《新聞論》（彭家發 著） ／陳朗昇的灰心時候／在牛津的見聞／足球係我嘅朋友！／記協前路難行，但會走下去

May 13, 2023•39 min
Next →
Hosted on Spotify for Creators (Anchor)
For the best experience, listen in Metacast app for iOS or Android