#42 Կրթության հանրայնացման համար պետք է փիար
Jul 01, 2023•33 min•Ep. 42
Listen to this episode in Metacast mobile app
Don't just listen to podcasts. Learn from them with transcripts, summaries, and chapters for every episode. Skim, search, and bookmark insights. Learn more
Episode description
«Այբփոդ» փոդքաստի 42-րդ թողարկմանը ԵՊՀ «Հասարակայնության հետ կապեր» բակալավրիատի և մագիստրոսական ծրագրերի ղեկավար, դոցենտ Նվարդ Մելքոնյանն անդրադառնում է կրթության փիարին:
Կրթությունը համընդհանուր երևույթ է, և ցանկացած պետություն հաջողելու համար պետք է ունենա ռազմավարություն: Սա նշանակում է, որ բոլոր ոլորտներն իրենց ջանքերը պետք է համախմբված ուղղեն դրա զարգացմանը, այլապես տարբեր հարթակներով ցուցադրվող սերիալները, որտեղ սովորելու ձգտում ունեցողը ներկայացվում է որպես «դոդիկ» կամ «ինժեներ բալա», շարունակելու են տանուլ տալ մի ամբողջ սերնդի կրթություն, վերջինս էլ անդադար պարտվելու է անորակությանը:
Կրթությունը միշտ ունեցել է հաղորդակցությունների կառավարման ու մարդկանց իրազեկվածության մակարդակի բարձրացմանն ուղղված լինելու՝ փիարի կարիք: Նվարդ Մելքոնյանը պնդում է, որ այն պետք է ներկայացնել ոչ միայն որպես արժեք, այլ նաև անդրադառնալ կրթության առանձին ինստիտուտներին:
Մասնագիտական կողմնորոշումը դարձել է անհրաժեշտություն, որովհետև ժամանակակից սերունդը ծուլանում է սովորել, քանի որ նրա հետ չեն խոսում կրթության դերի և արժեքի մասին: Վերջին շրջանում հատկապես դեռահասները, տեսնելով տարբեր բլոգերների, որոնք նշում են, որ թողել են աշխատանքը, կիսատ են թողել կրթությունը և մեծ գումարներ են աշխատում, կրթությունը չեն դիտարկում որպես ֆունդամենտալ գործոն, որը կարող է նաև եկամտաբեր լինել:
Նվարդ Մելքոնյանը կարծում է, որ այժմ նույնիսկ մասնագիտություններ կան, որոնք ունեն առանձին փիարի կարիք: Ովքե՞ր են հիմա ուզում դառնալ ուսուցիչներ՝ սակավաթիվ մարդիկ, հետևաբար պետք է ուսուցչի փիարով ևս զբաղվել:
Այդ թողարկման ընթացքում փորձել ենք բացատրել կրթության հիմնական բաղադրիչները փիարի տեսանկյունից:
For the best experience, listen in Metacast app for iOS or Android