Zwee ganz ënnerschdilech Sportsween sti sech haut am Automag géintiwwer.De 100 % elektreschen Hyundai Ioniq 5N aus Korea, an de klassesche Verbrenner aus Amerika, d' Corvette C8 Komplett verschidden, an awer e puer Saachen "en commun"? De Christian Schmit souz hannert dem Volant vun deen zwee an huet et erausfonnt.
Am Automag geet et haut "Back to the Future". Mir schwätzen nämlech iwwer eng Legend. D'R5 ass nämlech nees zeréck. Déi kleng Franséisin, koum 1972 op de Marché a gouf bis 1996 gebaut. Duerno war Schluss. Elo ass den Auto awer nees do. De Rich Simon hat d'Chance d'R5 ze fueren. Ech denken, du waars gespaant, wat op dech duerkomme géif....
Am Automag vun haut gëtt et sportlech. Den Akim Schmit aus eiser Automag Ekipp huet sech den neie Porsche Macan fir eis méi genee ugekuckt. Woubäi, dee kenne mer dach schonn?
Am Automag presentéiere mir iech a leschter Zäit ëmmer méi dacks Elektro-Autoen. Dat ass haut awer net de Fall. De Rich Simon aus eiser Automag Redaktioun ass esouwuel mat engem Bensinner wéi och mat engem Diesel ënnerwee.
Leschte Sonndeg goung den Mondial de l'Auto an der Seine Metropole op en Enn. Den Automag war do op Besuch.Wat gouf gewisen, wat gouf gebueden? Abbé vum ganz abordabelen E-Auto bis zum Hyper Sports Woon fir ganz wéineg vun eis, waren zu Paräis um Rendezvous. De Christian Schmit mat den Detailer.
Dass et net ëmmer op t‘Gréisst ukënnt, dat mengt op t’mannst den Akim Schmit aus eiser Automag Ekipp. Hien war fir eis eng Woch lang mat engem vun de klengsten Autoen ënnerwee, déi et aktuell am Land ze kafe gëtt, dem neie Kia Picanto.
Dat een net vill Modelle a senger Gamme muss hunn, fir vill Autoen ze verkafen, dat huet an de leschte Joren, Polestar bewisen. Elo gëtt d'Offer awer bësse méi grouss. De Polestar 4 steet nämlech an de Showrooms. De Rich Simon, aus eiser Automag Redaktioun, hat den neien SUV schonns ënnert de Rieder. Wat has du dann genee ënnert de Rieder?
Den Dacia Duster steet haut um Programm am Automag. E Modell, dee ganz vill zum Erfolleg vun der rumänescher Mark bäidréit, och elo sécherlech an der 3. Generatioun. An do weess een elo besonnesch gutt ze imponéieren, wéi de Christian Schmit bei sengem Test am Alldag erausfonnt huet.
Wat geschitt wann een en SUV an ee Kombi kräizt? Bei Mercedes kéint een d’Resultat All-Terrain nennen, den héichgeluechte Kombi am Offroad-Look. De Paul Origer hat fir eis de Mercedes C-Klass Allterrain am Alldagstest.
De grousse Won, dat ass e gewinnte Stärebild. An ëm e grousse Won geet et och elo am Automag. Made in Korea, de KIA Sorento HEV. Eng Hybrid Versioun ouni Kabel, deen iwwer dem Fueren oplued.Wéi attraktiv deen dann elo fir Famillje ka sinn, dat huet de Christian Schmit am Alldag um Volant erausfont.
Autoe mat enger Coupé Linn hu sech an tescht rar gemaach, mee et gëtt si nach. Bei Mercedes beispillsweis mam CLE. AMG – dräi Bustawen déi weltwäit fir automobil Héichleeschtung, Exclusivitéit an dynamesche Fuerspaass stinn. Zu Affalterbach bei AMG, do ginn déi Mercedes Modeller nach eng Kéier nogeschärft. A genee esou en AMG, den CLE 53 dee war elo an der Automag Redaktioun ukomm. A wien huet dierfen testen? Déi Kéier de Christian Schmit.
E kéint dat neit Flaggschëff bei Renault ginn. Rieds ass vum Rafale. Ma ob den SUV-Coupé och am Alldag iwwerzeege kann, huet den Akim Schmit aus eiser Automag-Ekipp probéiert erauszefannen.
Stellt iech vir dir kommt mam engem Auto heem, wou de Noper mol net weess, datt et esou eng Mark iwwerhaapt gëtt. Esou kann et iech ergoen, wann der wéi de Christian Schmit mat engem X Peng heem kommt. Déi Mark kënnt aus China, an hie war mam Modell P7 hei zu Lëtzebuerg ënnerwee.
Hutt dir Bensinn am Blutt awer nach ni eppes vun der Mark Steeda héieren? Da bleift elo drun, vum Paul Origer gi mer gewuer wat hannendru stécht – hien duerft deen neie Q767 op Häerz an Nieren testen.
6 Joer ass et elo schonn hier, datt Cupra als eege Mark lancéiert gouf – zënterdeem geet et mam Succès nach just an eng Richtung: no uewen. Den neien Terramar, souzesoen den Tiguan vu Cupra, wäert do sécher nach emol fir e Schub suergen. De Paul Origer war fir eis bei der Weltpremière zu Barcelona derbäi.
Wat d’Pneuen op eisen Autoen alles esou leeschten an aushale mussen, nei Defien déi d' Elektro Mobilitéit mat séch bréngt, an Thema Nohaltegkeet, alles dat interesséiert eis haut am Automag. De Christian Schmit huet ech um Bord vun enger Auto Presentatioun mat engem Responsabelen fir dynamesch Tester aus der Pneue Branche konnten ënnerhalen.
Net nëmmen zenter Corona genéisse Campervans e grousse Succès, bei VW ass de California, d’Campingversioun vum Multivan schonn zënter Generatiounen héich am Cours. Elo start den neie Modell op der Basis vum T 7.1 an de Paul Origer duerft deen neie California ënner héchst realistesche Konditiounen a Slowenien a Kroatien testen.
Am Automag kucke mer eis haut den neie Mini un. An zwar net iergendeen, mee de Cooper S. Et gëtt deemno méi sportlech. A fir eis war den Akim Schmit aus der Automag Ekipp domat ënnerwee.
Dacks gëtt jo behaapt, d’Autosmarke produzéiere just nach Eenheetsbräi, an et kann ee se scho bal net méi vun eneen ënnerscheeden. Dass, dat awer net fir all Mark gëllt, weess den Andy Brücker aus der Automag-Redaktioun ze berichten, well hie war mat engem ganz besonnesche Gefier ënnerwee.
Ee vun de wichtegste Modeller fir VW ass laang net méi de Golf mee schonn eng gutt Zäit den Tiguan. Den zweetgréissten SUV nom Touareg start elo an déi drëtt Generatioun an déi ass mat allem vollgepak, wat et vun neisten Technologie gëtt. Wéi sech den neien Tiguan am Alldag verhalen huet, dat seet eis elo de Paul Origer.
Kann en Diesel Motor ënnert der Hauf hautdesdaags nach begeeschteren? Eng Fro déi de Christian Schmit sech gestallt huet op engem Road Trip vun hei op de Sachsenring an Ost-Däitschland.Déngscht Limousine fir eng Woch war en ALPINA D3 S. Hei seng Impressiounen...
Iergendwéi trëfft Toyota den Nerv vun de Petrolheads – alles, wat déi zwee Buschtawe GR dréit, war a kuerzer Zäit ausverkaf. Esou och den éischte Worf vu Gazoo Racing, de GR Yaris. Elo gouf déi kleng Rennsemmel iwwerschafft an opgepeppt – mee freet iech net ze fréi; de Paul Origer, deen op der Presentatioun zu Lyon mat derbäi war, huet zum Schluss leider eng schlecht Noriicht.
Porsche geet beim Facelift vum 911er beim Undriffskonzept nei Weeër. Wéi den neie GTS mat Hybrid-Technik sech fiert, huet den Andy Brücker aus der Automag-Redaktioun erausfonnt.
Et gëtt nach Marken déi ganz kleng Stéck Zuele pro Joer produzéieren.Eng vun deenen ass ALPINA zu Buchloe am Allgäu. All Joer invitéiere si op en anere Circuit fir do di neiste Kreatiounen ze presentéieren, an déi Kéier war dat de Sachsenring bei Chemnitz.De Christian Schmit war fir den Automag dohin.
Am Automag vunhaut gëtt et net just „very british“ mee och zimlech sportlech. Den Akim Schmit aus eiser Automag Ekipp war fir eis bei Lotus, an du hues der Emira de Bols gefillt.
D'Evolutioun bei den Elektro Autoen gëtt op Héichtoure viru gedriwwen. Och bei der Mark mat de 4 Reng, Audi.Déi wëlle jo bis 2027 an all Kategorie och en E-Modell an der Gamme hunn.Elo gouf dann den Audi Q6 e-tron offiziell presentéiert, a fir eis war de Christian Schmit mat dobäi.
Am Automag vun haut, si mir esouwuel elektresch wéi och mat Bensinn ënnerwee. De Rich Simon huet nämlech den neien Citroën C3, deen et mat Elektroundriff wéi och mat engem normalen Bensinnsmotor gëtt, getest. Mat wiem fänks de un, Rich?
Renault wëll zeréck an d’Premium-Segment, an dat mam neie Rafale. Wéi vill Premium am neien SUV-Coupé stécht, a wéi e sech op der Strooss schléit, huet den Akim Schmit aus eiser Automag Ekipp op der Presentatioun zu Sevilla probéiert erauszefannen.
Haut fuere mir BMW am Automag. Dat mat deem neien X2. Dee kann a senger neister Generatioun als Bensinner oder E-Auto bestallt ginn.An di zwee hat de Christian Schmit dann och am Alldag Test. A wéi hunn di zwee dann esou ofgeschnidden? Salut Christian.
