في هذي الحلقه يشاركنا بطل ومدرب كمال الاجسام فيصل السليمان تجربته في موسم بطولات سنه ٢٠٢٢ بعد فتره طويله من الانقطاع عن البطولات وايضا نناقش هل نظام المرونه مناسب لتجهيز بطولات كمال الاجسام او لا؟ ومواضيع اخرى كثير فاستماع مفيد وممتع ولاتنسى تشارك الحلقه مع شخص يستفيد منها وشكرا لوجودك معنا في عائله بودكاست على البنش
السكري يعتبر من اكثر الامراض انتشارا في العالم وايضا في الخليج. ولكن، ايش الاسباب في انتشاره و كيف ممكن تتفاداه باذن الله اكيد؟ واخذنا اسئله في بدايه الحلقه من المصابين في داء السكري بتفيدك ايضا استماع مفيد وممتع ولاتنسى تشارك الحلقه مع شخص يستفيد منها و شكرا لك لوقتك ووجودك معنا في عائله على البنش.
"ماعندي وقت اتمرن والله" كم مره سمعت هالكلمه؟ او ممكن انت تقولها ايضا! هالمره ماحنقول انها اعذار لانه البعض فعلا ممكن يكون مشغول، ولكن كيف تقضي وقت وايام اقل بالجيم وتتحصل على نتائج اكبر؟ بنشرح لك بالتفصيل في هذي الحلقه! و عارفين انك مشغول بس ماتنسى تشارك الحلقه مع شخص يستفيد منها ايضا. شكرا لك لوجودك معنا و استماعك لبودكاست على البنش
خصصنا الحلقه هذي للنساء وجبنا سندس ملائكه المختصه في التغذيه الرياضيه و تحسين الاداء الرياضي لمشاركتنا التالي ماهو الاكل العاطفي، وايش الحلول المقترحه للتعامل معه؟ ماهي مراحل الدوره الشهريه؟ ايش تأثير هذي المراحل على تغيرات الجسم و هل يمكن التمرين خلالها؟ متلازمه نقص السعرات وهل لها علاقه بانقطاع الدوره الشهريه؟ وايش الحلول لانقطاع الدوره؟ ماهي تكيسات المبايض، وايش تأثيرها على خساره الوزن/تحسين شكل الجسم؟ كل هذا و اكثر في حلقتنا اليوم فمشاهده مفيده وممتعه ولاتنسى تشارك الحلقه مع شخص يهمه الموضوع...
الكثير مننا يرغب بانقاص معدل الدهون بجسمه ولكن فيه الخوف من خساره الكتله العضليه. في هذي الحلقه بيشاركنا ضيفنا اسلام ابو عوف كيف ممكن تنشف بدون خساره العضلات كشخص طبيعي. استماع مفيد وممتع ولاتنسى تشارك الحلقه مع شخص يستفيد منها. وشكرا لوجودك معنا في عائله على البنش
استماع مفيد وممتع و شارك الحلقه مع شخص يهمه الموضوع وشكرا لك لوجودك معنا في عائله بودكاست على البنش ووقتك الثمين
الكاليسثنكس هي رياضه معتمده على وزن الجسم فقط وفيها الكثير من الابداع و الجماليه، ولكن كيف ممكن تبدى بهذي الرياضه وتتطور فيها؟ هذا اللي حيشاركنا فيها ابراهيم الشاعري الافضل حاليا في الشرق الاوسط في هذي الرياضه. استماع مفيد وممتع وشارك الحلقه مع شخص مهتم بهذي الرياضه.
تكلمنا بالتفصيل عن مشاركه اول منتخب سعودي في رياضه الباورلفتنق ببطوله عالميه. وناقشنا عن طرق تطوير و تنميه الرياضات الصغيره في المجتمع. استماع مفيد وممتع وشارك الحلقه مع شخص يهمه الموضوع.
ماهو معدل الايض الاساسي؟ كيف الجسم يحرق؟ هل ممكن معدل الايض يتلف ؟ وكيف نصلح التلف هذا؟ كل هذا واكثر، في حلقتنا اليوم استماع مفيد وممتع ولاتنسى تشاركها مع شخص يستفيد منها🚀🧡
الكثير من الناس يوصل لمرحله الهوس بشكل الجسم وعمره مايشوف نفسه كفايه، اليوم مع ضيفنا احمد الغامدي حنناقش حلول لهذي المشكله اللي تواجهه الكثير من الناس خصوصا المبتدئين في التمرين و ايضا حنناقش الطرق الصحيحه لقياس نسبه الدهون و هل فعلا رقم نسبه الدهون مهم انك تعرفه او لا؟ استماع مفيد وممتع ولاتنسى تشارك الحلقه مع شخص يهمه الموضوع.
الكثير يعتقد انه الرياضه الوحيده اللي يتم فيها استخدام محسنات الاداء هي كمال الاجسام ولكن هل هذا الكلام صحيح؟ وهل فعلا كل الرياضيين في اعلى الهرم من الاداء الرياضي من لعيبه كره قدم، سله او الرياضات الاولومبيه جميعهم ممكن يكونوا يستخدموا محسنات اداء؟ هذا اللي اليوم حيشرحه معنا اخصائي التغذيه الرياضيه و محسنات الاداء محمد سعد. استماع مفيد وممتع
بشكل شبهه يومي تمر علينا الكثير من المعلومات عن التمرين ولكن للاسف جزء كبير منها مايكون صحيح او يندرج تحت مصطلح الخرافات. في هذي الحلقه محمد المسعود و عبدالعزيز دلحي جمعوا ١٠ خرافات منتشره مع تفسير وتصحيح علمي لها عشان تتفادى الوقوع فيها. استماع مفيد وممتع وشارك الحلقه مع شخص يهمه الموضوع. وشكرا لك لمتابعتك لبودكاست على البنش وثقتك
رياضه الباورلفتنق قاعده تاخذ صيت عالي بالفتره الاخيره خصوصا مع اخر بطوله في المملكه اللي كانت مؤهله لبطوله اسيا الكثير من الناس صار يتسائل كيف ممكن اجهز لبطوله باورلفتنق. وهذا اللي تكلمنا فيه مع ضيفنا اليوم اللاعب صالح ابو الذهب بالتفصيل وتكلمنا عن ابرز الامور اللي حصلت في بطوله المملكه كمان استماع مفيد وممتع وشارك الحلقه مع شخص يهمه الموضوع
الكثير يعاني من عدم توازن العضلات بين الجهه اليمين و اليسار. فهل هذي مشكله تحتاج تحلها؟ وايش الحلول المقترحه لها؟ والكل فينا عنده عضلات تعتبر نقطه ضعف عنده، كيف ممكن الشخص يطور نقاط الضعف هذي؟ كل هذا واكثر في حلقتنا اليوم، استماع مفيد وممتع ولاتنسى مشاركه الحلقه مع شخص يستفيد منها.
- ايش وظائف الصوديوم في الجسم؟ وعلاقته بترطيب الجسم. - ايش اهميه الصوديوم على الاداء الرياضي؟ - كم المفروض تاخذ ملح باليوم؟ - وليش الناس تخاف من الملح؟ - وهل الملح يحبس المويه بالجسم؟ - البوتاسيوم، دوره بالجسم والترطيب. كل هذا واكثر بحلقتنا اليوم، استماع مفيد وممتع
كثير نسمع انه لازم تكون وضعيه جسمك مستقيمه خلال الجلوس وانه غير كذا ممكن يجيك الام خصوصا بالرقبه او اسفل الظهر، ولكن هل فعلا وضعيه الجسم لها تأثير مباشر على الالم؟ وهل لازم الجسم يكون متساوي بالجهتين او لا؟ و ايش اهميه التنفس الصحيح خلال اليوم وكيف ممكن تطور من طريقه التنفس عندك؟ كل هذا و اكثر يشاركنا فيه اخصائي علاج الحركه امير الداغر. استماع مفيد وممتع ولاتنسى تشارك الحلقه مع شخص يستفيد منها
الكافيين هو من اكثر الاشياء اللي الناس تستهلكها من عشرات السنين لتأثيره الواضح على زياده التركيز وتحسين الاداء الرياضي في هذي الحلقه حنتكلم عن كيفيه عمل الكافيين، فوائده و تأثيره على الاداء الرياضي، و اضراره المحتمله مع الاستخدام الخاطىء وكل شيء ثاني ماكنت تعرف انك تحتاج تعرفه عن الكافيين بالتفصيل. استماع مفيد وممتع وشارك الحلقه مع شخص ممكن يستفيد منها.
في الآونه الاخيره يوجد صحوه كبيره للتدريب والتغذية حسب الادله العلمية، ايش ايجابيات وسلبيات الشيء هذا؟ وهل نقدر نعتمد على العلم ١٠٠٪ وننفي الخبره والممارسة او لا؟ كل هذا واكثر بحلقه اليوم من بودكاست على البنش استماع مفيد وممتع ولاتنسى تشارك الحلقه مع شخص يهمه الموضوع
هل ممكن تلعب باورلفتنق و كمال اجسام بنفس الوقت؟ في هذا الحلقه شرحنا اساسيات الباورلفتنق و تعريفها و ايضا تعريف كمال الاجسام وتكلمنا عن الفروقات الاساسيه بينهم و الاشياء المشتركه ايضا. استماع مفيد وممتع.
العالم مينو يعتبر من اقوى الباحثين قي المجال الرياضي ويقدم اقوى دورة في المجال الرياضي . الحلقة مترجمة بالعربي باليوتيوب 🙏. تكلمنا عن الحافز للبناء العضلي و التقسيم التدريبي و كيف تكسر حاجز التطور بالتمرين .
في هذي الحلقه تكلمنا كيف ممكن تنظم وقتك مع مشاغل حياتك و كيف ممكن توازن مابين الدراسه و التمرين استماع مفيد وممتع ولاتنسى مشاركه الحلقه مع شخص يهمه الموضوع
بمناسبه مرور سنه على بودكاست على البنش، حبينا ناخذ اسئله منكم ونجاوب عليها بالتفصيل بهذي الحلقه. استماع ممتع
ماهي حدود التمرين الثلاثه الاساسيه اللي يتم تحديد عدد الجلسات الاسبوعيه على اساسها؟ في هذي الحلقه شاركنا محمد المرزوق كل مايخص حدود التمرين الاساسيه الحد الادنى، حد المحافظه و الحد الاقصى و ليش مهم الشخص يعرفها ويحدد جلساته الاسبوعيه على اساسها. وايضا مع نهايه الحلقه حيكون عندك فهم على اي اساس يتم تحديد جلسات التمرين الاسبوعيه لكل عضله. استماع مفيد و ممتع و شارك الحلقه مع شخص يستفيد منها.
الكثير مننا يتمرن لغرض انه يكون شكل جسمه مرتب و جميل ولكن الاغلب ممكن يكون غافل عن اهميه التمرين خصوصا تمارين المقاومه مع التقدم بالعمر. في هذي الحلقه يشاركنا الدكتور ادم بطاينه ايش التغيرات الفسيولجيه اللي تحصل لكل شخص فينا مع التقدم بالعمر و كيف ممكن نخفف من اعراض الشيخوخه السلبيه اللي تحصل مع التقدم بالعمر عن طريق تمارين المقاومه. وايضا تكلمنا اغلب الاشياء المتعلقه بتقدم العمر و التمرين. استماع مفيد وممتع.
فيه جدال دائم ومقارنه بين تمرين العضلة مرة واحدة بالاسبوع او اكثر من مرة؟ في هذي الحلقة حنفصل الفروقات بينها بالتفصيل، وايضا تكلمنا عن جدول الفل بودي وكيف ممكن تطبقه بشكل صحيح. وختمنا الحلقة بشرح مفصل لكيف تختار مدة الراحة بين الجلسات لافضل بناء عضلي. استماع مفيد وممتع.
عماد الشميري هو مالك نادي رذم في الرياض، رذم هو اول نادي في المملكه العربيه السعوديه متخصص في رياضه الكالسثنكس. ولكن خلف هذا النادي قصه وتعب ومعاناه وشغف كبير لهذي الرياضه يشاركها معنا عماد بتفاصيلها. وايضا تكلمنا عن اهميه الرياضه للاطفال وليش الاهالي لازم يكون عندهم حرص انه اطفالهم يكونوا بانديه رياضيه. استماع ممتع وشارك الحلقه مع شخص يستفيد منها وشكرا لك لوجودك معنا في عائله على البنش.
ثبات الوزن هو احد المشاكل اللي تواجهه الكثير وممكن تكون سبب بانهم يوقفوا تمرين او التزام بالاكل. في حلقتنا اليوم حنشرح ثبات الوزن بالتفصيل و بطريقه مختلفه عن المعتاد عشان تكون فاهم متى ممكن ثبات الوزن يكون شي سيء او متى ممكن يكون شيء كويس او ضروري احيانا؟ وكيف تقيس تقدمك بطريقه صحيحه مع او بدون الميزان. وكمان تكلمنا كيف ممكن تحافظ على وزنك بعد ماتنقص ويبقى جسمك كويس سنين قدام بدون ماترجع وتنتكس ويزيد وزنك من جديد. استماع ممتع ولاتنسى تشارك الحلقه مع شخص يحتاجها...
مع التقدم بالزمن لعبه كمال الاجسام قاعده تتغير اساليبها بشكل كبير من ناحيه التمارين، التغذيه و ايضا استخدامات محسنات الاداء اليوم معانا عبدالله العوضي لاعب كمال الاجسام الاماراتي يشرح لنا الاختلافات الاساسيه بين طريقه اساليب المدرسه القديمه و المدرسه الحديثه في عالم كمال الاجسام، وايش الافضل بينهم و كيف ممكن نستفيد من المدرستين ؟ وتكلمنا ايضا عن محسنات الاداء و الاستخدامات و المفاهيم المغلوطه عنها استماع ممتع.
النقاش الازلي لاي شخص يتمرن بالجيم اللي هو ايش الافضل اخلي تماريني اغلبها بالاوزان الحره او الاجهزه لافضل تطور و بناء عضلي؟ وايضا تكلمنا بالتفصيل عن الدروب سيت و السوبر ست. استماع ممتع ولاتنسى تشارك الحلقه.
في هذي الحلقه حتساعدنا المدربه سديم الدرويش على اجابه بعض الاسئله الشائعه عند البنات مثل هل يوجد فروقات في تصميم الجدول التدريبي للبنات غير عن الشباب؟ وهل يوجد فروقات بالتغذيه بينهم؟ وهل ممكن للبنت تتمرن خلال فتره الدوره الشهريه و كيف تستفيد من الدوره لاداء افضل ممكن؟ وايضا هل ممكن المرأه الحامل تتمرن؟ وكيف تتمرن؟ وايش التمارين اللي تسويها بعد الحمل؟ استماع ممتع ولاتنسى تشارك الحلقه مع شخص يحتاجها وشكرا لك لمتابعتك ودعمك<
